Apple veitir vernd.

Þökk sé Apple er okkur notendum véla frá þeim hlíft við ruslpóstsendingum að langmestum hluta,

Frekar fúlt. HP-prentarinn passar ekki MAc OSX 10.40.10

Ég er frekar fúll þessa stundina því nýi prentarinn sem ég keypti í Elko hentar nýju tölvunni minni ekki að fróðustu manna yfirsýn.
Samt sem áður fékk ég þessar upplýsingar frá ELKO

"Hér eru stýrikerfin sem hann styður:
Windows 98, Me, NT 4.0 (parallel and network connections only), 2000, XP, Server 2003; Mac OS 9.x, OS X 10.1 or later; optional: IBM OS/2, UNIX, Linux, HP OpenVMS

Mac OS 9.x, OS X 10.1 eða nýrra"

Prentarinn heitir HP Laserjet 1018 og stýrikerfið er Mac OS X 10,4,10.
Góð ráð þegin.

Meira en hálfur milljarður í skiptimiðavélar í strætisvögnum.

Mér er farið að óa sá kostnaður sem nýríka þjóðin eyðir í rafeindabúnað til að láta farþega fá skiptimiða sem koma í strætó.
Sá sem kaupir far og greiðir með strætómiða eða peningum á að geta fengið skiptimiða sem veitir honum heimild til að fara í aðra vagna innan 60-75 mínútna í samræmi við gjaldskrá.
Þar til fyrir nokkru voru notaðar handvirkar skiptimiðavélar sem kosta varla meira en þrjúþúsund krónur stykkið og er notuð ein slík í hvern bíl.
Nú eru komnar rafrænar skiptimiðavélar í alla vagnana og er heildarkostnaður kominn yfir fimmhundruð milljónir króna og ekki sér fyrir endann á .þeim kostnaði.
Þessar vélar gera okkur vagnstjórum kleyft að ýta bara á einn takka og afhenda svo miðann. Tíminn færist sjálkrafa fram og hver miði gildir í sextíu mínútur.
Með handvirka fyrirkomulaginu getum við stillt á sextíu til 75 mínútur eins og gjaldskrá segir til um, en ekki með rafræna fyrirkomulaginu.
Ég verð þó að geta þess að rafræna kerfið getur lesið að tveimur tegundum korta af fimm og er oft fljótt að lesa en þó ekki eins fljótt og við vagnstjórar.
Ég verð að taka fram að við tökum alltaf gömlu skiptimiðavélarnar með svona til vara, því rafrænakerfið á það til að bila og þá er dýrt að taka vagninn úr umferð til að gera við þetta litla tæki.
Mig langar að spyrja stjórn Strætó bs. hvort hugað hafi verið að frekari útfærslu hálfs milljarðs króna skiptimiðavélarinnar sem nær þó ekki þrjúþúsund króna vélinni í gæðum, eða hvort eigi að láta staðar numið?

Ólafur Ragnar finnur markað fyrir hugbúnað.

Þegar Ólafur R. Grímsson var fjármálaráðherra eftir að hann náði ekki kjöri til Alþingis, fékk hann það vandasama hlutverk að verða við bón vina sinna og flokksfélaga að meta hvort hann ætti að láta Fjármálaráðuneytið kaupa hugbúnað bókaforlags nokkurs sem var farið á hausinn til lúkningar skuld söluskattsskuld við hið opinbera.
Þar sem þetta voru góðir drengir og vinir hans sá hann ekki meinbugi á að íslenska ríkið eignaðist þessar gersemar fyrir tugi milljónir króna.
Líklega hefur Ólafur R. síðan verið að leita markaðar fyrir hugbúnaðinn og er að líkindum búinn að finna hann í Indlandi.
Mér er ekki kunnugt um að fleiri fyrirtækjum hafi tekist að selja ríkinu viðlíka verðmæti.
Ólafur R. verður að sætta sig við að fortíðin eltir hann eins og okkur öll hin.

Trúnaðarmaður tjáir sig.

Mér hefur borist beiðni um að birta undir mínu nafni eftirfarandi innlegg mitt í umræður um trúnaðarmenn Starfsmannafélags Reykjavíkurborgar hjá Strætó bs.
Mér finnst reyndar lítt við hæfi að vera að karpa á þessum vettvangi, en hér er að okkur vegið sem og á "alvaran.com" og því ber að svara.
Ég vel Mbl-bloggið vegna þess að hér sparar fólk frekar stóryrðin en á "alvaran.com".
Það er engu líkara en samstarfsmenn okkar telji sig geta atyrt okkur eins og "almenningseignina stjórnmálamenn".
Það er ákaflega misráðið af okkar samstarfsfólki að vera sífellt að agnúast út í okkur í ræðu og riti, því að allt of mikið af okkar orku fer í að verjast vígfimu fólki sem ætti frekar að verja kröftum sínum í að styðja okkur í starfi.
"Mér hefur sýnst á skrifum þínum og gj á alvaran.com, að þið vitið ansi lítið um hvað trúnaðarmenn fást við dags daglega.
Þið látið gamminn geysa, vaðið úr einu í annað og margt sem miður fer er skrifað á trúnaðarmenn. Einkum á þetta við um gj. Hann sakar trúnaðarmenn um að vera einungis að skara eld að eigin köku og þeir fái bestu vaktirnar o.s.frv.
Í raun er svona bull ekki svaravert. Það er ekki verið að hafa fyrir því að spyrja okkur trúnaðarmennina. Ekki ein spurning. Ég til að mynda hef ekki unnið yfirvinnu síðan ég tók þetta vanþakkláta starf að mér. Það þýðir að tekjuskerðing mín er 40-50 þúsund á mánuði. Margfaldið það með tólf og sjáið hvað þa kostar okkur að annast þessi störf árlega. Ég hef haft lægri laun undanfarna mánuði, en ég hafði á sama tíma fyrir ári, þrátt fyrir 20% launahækkun.
GJ hefur vegið mjög að æru okkar trúnaðarmanna með skrifum sínum og verður það honum ævarandi minnisvarði.
Fyrst ég er byrjaður að tjá mig um starfsmannamál Strætó bs. má ég til með að leiðrétta orð Ásgeirs Eiríkssonar sem hann viðhafði að mig minnir Í Moggaviðtali.
Þar sagði hann að allir tólf trúnaðarmenn (Starfsmannafélags Reykjavíkurborgar) hefðu samþykkt nýjasta vaktakerfið. Þetta er ekki rétt.
Við vorum á þessum fundi sex trúnaðarmenn og sex varatrúnaðarmenn. Ég andmælti kerfinu og hvernig staðið var að framlagningu þess og beindi orðum mínum til Ásgeirs, en hann þurfti ekki að hafa fyrir því að svara mér því það gerðu þrír varatrúnaðarmenn, tvær konur og einn karl og sögðu mig rjúfa friðinn (og stæðu heilshugar MEÐ þessu nýjasta vaktakerfi Einars Kristjánssonar sem er það fjórða á einu ári!).

Ég er hræddur um BM og gj að þið þurfið að endurskoða afstöðu ykkar til trúnaðarmanna og reyna að treysta okkur í stað þess að reyna að vega okkur á torgum. Mig langar til að biðja ykkur að athuga það að 80-90% af trúnaðarmannsverkefnum okkar koma ekki fyrir ykkar sjónir og eru unnin í sjálfboðavinnu".