Færsluflokkur: Menning og listir

Fáum við meira að heyra?

Hnígur mér varla blundur á brá

og ber mig hugur hálfa

leiðina sem landar þrá

er lókinn vilja þjálfa.


mbl.is Kynlífsgjörningur í uppnámi
Tilkynna um óviðeigandi tengingu við frétt

Harmleikur

Það er átakanlegt að fylgjast með hrakandi heilsufari Britneyjar. 

Vonandi fær stúlkan þá meðferð sem hún þarfnast svo hún geti notið lífsins á ný. 


mbl.is Britney svipt sjálfræði
Tilkynna um óviðeigandi tengingu við frétt

Vara karla við að hafa skoðun á framtaki kvenna.....

eftir þá yfirhalningu sem ég fékk í kvöld.Frown  Nú veit ég hvar auður þeirra er fólginn.Grin

Auður í kjafti kvenna:

"Hvað er að þér? ,Annað hvort ertu fram úr hófi vitlaus eða fastur 50 árum á eftir okkar tímatali!! 
Fyrir utan hvað þetta er ótrúlega heimskulegt hjá þér þá ertu að djöfulsins ruddiLastu ekki fréttina? Það eru stjórnir Félags kvenna í atvinnurekstri og LeiðtogaAuða sem standa fyrir þessu... Og hvað sem þínum dónaskap  og fáfræði líður þá eru konurnar innan þessara samtaka fullkomlega hæfar til að sitja í stjórnum fyrirtækja og það hefur ekkert með kynferði þeirra að gera en allt með menntun og hæfni að geraHeiða B. Heiðarsdóttir , 30.1.2008 kl. 18:57"  

"Að þú skulir leyfa þér að nefna kynferðið er nákvæmlega skýringin á því að ástandið er eins og það er, - að konur hafa ekki komist lönd né strönd í áhrifum innan fyrirtækja.  Það er merkilegt að ég geti átt hlutabréf í fyrirtækjum eins og mig lystir, en hafi nánast enga möguleika á að komast til áhrifa í þeim.  Það er einfaldlega vegna þess að í áhrifastólunum sitja karlar með hugarfarið sem þú flaggar hér. kveðja,BeggaBegga (IP-tala skráð) 30.1.2008 kl. 20:27"  

" Kræst! Maðurinn er engan veginn að ná pointinu!! Risaeðlusyndrome;)Heiða B. Heiðarsdóttir , 30.1.2008 kl. 21:32"

" Hefurðu heyrt um þá ætlan stjórnvalda að fjölga konum í stjórnum fyrirtækja?  Í ljósi þess markmiðs er þetta að gerast.  Finnst þér ekki hið besta mál að helmingur þjóðarinnar hafi eitthvað aðeins meira með stjórnun þjóðfélagisins að gera.Ánnars geri ég öll gífuryrði Heiðu að mínum, hvert einasta eitt, andskotans kvenfyrirlitning og fordómar.Jenný Anna Baldursdóttir, 30.1.2008 kl. 22:10"


Enn ber brjóst á góma...

Á Íslandi má bera brjóst með báðum höndum.
Það algerlega bannað er í öðrum löndum.
Mest á ströndum.

Á að afkynhlutgera það mýksta og fallegasta sem til er?

Siðirnir breytast sem betur fer. Verra þykir mér að eigi að afkynhlutgera mýkstu og fallegustu línur kvenlíkamans, en hvurju ræð ég svo sem.
Vangaveltur árla dags:

Skólasund.

Sundsvall borg með sýniþörf
og aðsókn vex,
þegar brjóstin berar djörf
bekkur sex.

Svall.

Í Sundsvall mikið sundsvall var
sýndist hverjum sitt,
Góðum gestum leyfðist þar
að gera hitt.

Eða:

Í Sundsvall mikið sundsvall er
og sýnist hverjum sitt.
Grandvar gestur telur sér
skylt að gera hitt.


mbl.is Ber brjóst leyfð í Sundsvall
Tilkynna um óviðeigandi tengingu við frétt

Dr. Phil og ég erum sammála, allavega hvað varðar Britney.

Mikið erum við sammála núna við Dr. Phil. Ég hef lengi haft áhyggjur af konunni Britney og upp á síðkastið hafa áhyggjur mínar aukist til muna. Britney er greinilega í vondum málum og hefur það mér reynst mikil fróun að svo magnaður fréttaflutningur af hegðan hennar og heilsu skuli fram haldið.

Ég þekki fólk hér á landi og meira að segja í höfuðborginni sem á við svipuð vandamál að stríða en þeirra sársauki hverfur auðvitað í skugga hins dýra og fræga sársauka Britneyjar.

Ég er ekki að gera lítið að sársauka Britneyjar svo það sé alveg á hreinuWoundering


mbl.is Dr. Phil hefur áhyggjur af heilsu Britney Spears
Tilkynna um óviðeigandi tengingu við frétt

Ég er um það bil að verða alsæll.

Ég hef verið að velta því fyrir mér undanfarna daga hvort ég geti ekki bætt mig á einhverjum sviðum eins og títt er um  að fólk geri í upphafi árs.

Þrátt fyrir allan þann tíma sem ég hef til umráða og hugsunar núna,  er ekkert, nákvæmlega ekki neitt sem ég tel að betur megi fara í mínu fari. Samt sem áður er ég fullviss um að ekkert sé að dómgreindinni.

 

Það er af sem áður var þegar ég var þess fullviss um hver áramót að ég gæti orðið betri maður.

Ég gæti borðað hollari mat, hætt að reykja, hætt að drekka, sýnt meiri tillitssemi, hætt að borga dráttarvexti, hætt að girnast konu náungans, hús hans og bíl,  hætt svo mörgu.

Eins og sjá má byggðist allt á að hætta einhverju og það hef ég gert.

 

Ef ég á að vera alveg hreinskilinn núna og hætta allri yfirborðsmennsku líka, þá lít ég sjaldan glaðan dag.

Ég hætti auðvitað ekki að reykja á sínum tíma fyrr en ég hafði legið á skurðarborði hjartadeildar Landsspítala í átta klukkustundir á meðan lappað var upp á stíflaðar kransæðar og tengt framhjá mestu stíflunum. Og síðar kom krabbi í ljós í lunga sem þurfti að skera og fleygja ásamt með góðum hluta lungans. 

Að hætta drykkjuskap gerði ég ekki fyrr en daginn eftir að ég tók með mér afréttara í kirkjuna kl. 10:00 sunnudaginn 13. maí 1998.

Svo hætti ég öllu hinu smátt og smátt og jafnframt hvarf mér lífsgleðin.

Nú er eina gleði mín að hrella aðra með skrifum mínum á Moggabloggið og líður mér betur eftir því sem fleiri hnjóða í mig fyrir skrifin.

Ég er um það bil að verða alsæll.


Kolbrún er sætust.

Núna kl. 10:38 las ég á Mbl.is að Kolbrún Halldórsdóttir alþingismaður m.m. væri neðst í kjörinu um sætasta femínistann. Þar sem ég hef ekki komist á blað mér til undrunar ætla ég að einhenda mér yfir á vefinn hans Ómars R. Vald. og greiða Kolbrúnu Halldórsdóttur alþingismanns m.m. atkvæði mitt.
mbl.is Fegursti femínistinn valinn
Tilkynna um óviðeigandi tengingu við frétt

Kolbrún er sætust.

Núna kl. 10:38 las ég á Mbl.is að Kolbrún Halldórsdóttir alþingismaður m.m. væri neðst í kjörinu um sætasta femínistann. Þar sem ég hef ekki komist á blað mér til undrunar ætla ég að einhenda mér yfir á vefinn hans Ómars R. Vald. og greiða Kolbrúnu Halldórsdóttur alþingismanns m.m. atkvæði mitt.
mbl.is Fegursti femínistinn valinn
Tilkynna um óviðeigandi tengingu við frétt

Ég held ég sé að verða Sóleyjaróður

Sóleyjaróður.

Opinberlega mátti ekki píka
vera daglegt orð.
Að muldra sér úr munni bögu slíka
var mannorðsmorð.

Núna eru orðin líka á sviði
og í máli tamt
að píku get ég passlega í friði
pantað samt.

Rétt er samt að ruglast ekki á
réttum orðum þótt ég skilji.
Fá sendan skammt af píku þá
ég stóra pizzu vilji.


Næsta síða »

Um bloggið

Úr hugskoti Heimis

Höfundur

Heimir Lárusson Fjeldsted
Heimir Lárusson Fjeldsted

Fyrrv. mjólkursaml.stj., fast.sali, frkv.stj., kaupm., bílstj. o.fl.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • IMG 9978

Heimsóknir

Flettingar

  • Í dag (29.3.): 0
  • Sl. sólarhring: 2
  • Sl. viku: 12
  • Frá upphafi: 0

Annað

  • Innlit í dag: 0
  • Innlit sl. viku: 10
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband