Færsluflokkur: Spil og leikir

Ömurlegar fréttir af skeikulum embættismanni.

Alltaf finnst mér jafn ömurlegt þegar fólk stendur ekki við orð sín. Kannski hvað verst þegar um opinberar persónur eru að ræða sem ætlast til að marks sé á þeim tekið.

Það er innbyggt í þjóðarvitundina að því hærra sem viðkomandi er settur, því óskeikulli er hann.

Á svo mörgum sviðum hefur Ólafur R. Grímsson sýnt að orð hans og gjörðir eru hafin yfir  lög og almennt siðgæði, að þessi ákvörðun kemur ekki á óvart.


mbl.is Býður sig fram til endurkjörs
Tilkynna um óviðeigandi tengingu við frétt

Til hamingju krakkar.

Ég hitti ykkur á Kaupmannahafnarflugvelli á heimleið í sumar, þið að koma frá Prag og við frá Svíþjóð.
Ég er sá karlanna sem er með færri Elo-stigin eða 2.
Þið eruð frábær.
Líka þjálfarinn.
mbl.is Skáksveit Salaskóla sigursæl í Namibíu
Tilkynna um óviðeigandi tengingu við frétt

Ástargaukurinn sest á lyklaborðið.

Ég er upptekinn af netinu, en þar sem ég er ólofaður sem stendur er skilnaður við mig ekki í myndinni.
Aftur á móti er annar Ástargaukurinn minn, hún Ólöf Jóna að verða ansi þaulsetin á lyklaborðinu hjá mér. Ég skil fyrst núna að þetta eru þögul mótmæli; setuverkfall.

Hinn gaukurinn, Agnar, kallar á hana í sífellu en Ólöf Jóna telur sig hafa öðrum hnöppum að hneppa en að sinna honum. Mér finnst hún orðin æði frek við hann og tillitslaus, þykist alltaf vera að gera þeim heiður og rekur hann miskunnarlaust að afla matar sem hann má svo gubba upp í hana.

Síðan kemur hún södd og ánægð og stundum fullnægð því hún er mjög ákveðin þegar hún rekur hann upp á sig og situr svo á lyklaborðinu og starir á mig á milli þess sem hún stingur höfði undir væng og sefur.

Lífið er svo margbreytilegt ef vel er að gáð.


mbl.is Skilja vegna netfíknar
Tilkynna um óviðeigandi tengingu við frétt

Sögðu Jón Ásgeir og Tryggvi ósatt?

Afskaplega á ég bágt með að trúa því að þeir heiðursmenn Jón Ásgeir Jóhannesson og Tryggvi Jónsson hafi sagt ósatt fyrir dómi, eiðsvarnir og áminntir um sannsögli.
Það hlýtur að vera að Linda Jóhannsdóttir sé að ljúga sök upp á piltana sem einskis ills eiga sér von og eru og hafa verið manna uppteknastir að þræða vandfarinn veg sannleikans.
mbl.is Ekki um lán að ræða
Tilkynna um óviðeigandi tengingu við frétt

Jónína svo til ein í baráttunni við spillingaröflin.

Mér þykir til fyrirmyndar hjá Jónínu Benediktsdóttur að halda gagnrýnni hugsun gangandi varðandi Baug og Baugsmiðlana.
Nú er svo komið að þeir fáu sem andmæla yfirganginum og lögbrotunum eru kallaðir ýmsum ónöfnum og reynt að koma á þá geðveikisstimpli eins og Jónína Benediktsdóttir kemur inná í pistli sínum í dag..
Ég hef ekki farið varhluta af því.

Ég var svo bláeygur að halda að Samkeppnisstofnun myndi taka í taumana og stoppa þá af í yfirganginum og tók lán á lán ofan til að fjármagna reksturinn meðan ég beið eftir aðgerðum sem aldrei varð og stóð líklega aldrei til.
Að líkindum var þeim mútað.

Bankinn lokaði svo skyndilega tékkareikningi mínum og afleiðingarnar voru vitaðar.
Það sem mér svíður mest fyrir utan að vera eignalaus með skuldabyrði er að þessir kumpánar komast upp með allan ósómann studdir af eigin fjölmiðlum og næst stærsta stjórnmálaflokki þjóðarinnar.

Annað sem er grátbölvað er að viðskiptavildin er úti í hafsauga og erfitt að eiga einföldustu viðskipti, t.d. við tryggingafélag eins og TM. Þar er nú líka fyrrverandi formaður stjórnar Baugs ef ég man rétt.


Ránsfeng skilað.

Ekki er óeðlilegt að feðgarnir Jóhannes Jónsson og Jón Ásgeir sonur hans skili hluta þess fjár sem þeir hafa stolið af íslenskri alþýðu.
Að stela undan skatti er ekki hætis hót betra en að stela lambalæri eða súkkulaðistykki í 10-11, dýrustu verslun landsins.
mbl.is 56,5 milljónum úthlutað úr Styrktarstjóði Baugs
Tilkynna um óviðeigandi tengingu við frétt

Spaugstofan efast um heiðarleikann.

Mér þótti Spaugstofan fádæma góð í kvöld,
Ísmauraatriðið og bara allt. Þá sá ég að ég er ekki einn um þá skoðun að Baugsfólkið sé sekt þrátt fyrir sýknudóm Hæstaréttar hvað varðar þessi fáu atriði. Þeir hafa unnið sína sigra góða með lögfræðinga, sem eru snilldin uppmáluð þegar kemur að útúrsnúningum og orðhengilshætti. Vildi bara að ég hefði haft efni á að ráða þá þegar ég þurfti að leita réttar míns.
Senn fara dómsstólar líklega að snúa sér að aðalatriðum málsins og hætta að láta sjónhverfingar og lítillækkunarháttalag verjenda blinda sér sýn.
Spaugið getur verið háðskt.

Metnaður og mannauður.

Gífurlega góður rekstur Landsbankans vekur athygli sem kemur einna helst fram í hækkun á verðgildi bankans.
Við munum þá tíð skömmu fyrir sölu bankans að þá þurfti ríkið (við) að færa einn milljarð króna í bankann til að treysta undirstöðurnar eða öllu heldur að bjarga honum frá hruni. Það var ríkisrekstur og ófáir voru á pólitískum forsendum skornir úr snörunni á kostnað bankans, fyrirtæki og einstaklingar.
Minnisstæð er myndin af Sverri Hermannssyni þegar hann tók (plast-) pokann sinn og gekk út um vestari útganginn við Austurstrætið.
Nú er öldin önnur mikill metnaður og mannauður er í öndvegi við stjórnun bankans og árangurinn lætur ekki á sér standa.
Til hamingju.
mbl.is Gengi bréfa Landsbankans hækkar
Tilkynna um óviðeigandi tengingu við frétt

Gleymum ekki Geir.

Prófkjörið hefst á morgun á hádegi. Margir góðir einstaklingar eru í boði, konur og karlar. Baráttan verður hörð og jöfn um hvert sæti og er það vel.
Einum megum við ekki gleyma, en hann hvorki auglýsir né þefar uppi viðtalsþættina; það er Geir H. Haarde. Það má ekki gerast að hann gleymist í kappinu. Síðan auðvitað Guðlaugur Þór í 2. sætið.

Sumar- og afmælishátíð Kjötborgar.

Nú er komið að því, að afmælishátiðin verður haldin á morgun 16. september og hefst klukkan 13:00. Dagskráin hefst við elliheimilið Grund með skrúðgöngu um hverfið við undirleik lúðrasveitar. Að skrúðgöngunni lokinni verður boðið upp á veitingar, hoppukastala, spámiðilinn Sjáanda og margvísleg skemmtiatriði önnur á útisviði. Hinn góðkunni æskulýðsfulltrúi Grundar, sr. Pétur Þorsteinsson verður kynnir og mun fara á kostum ef að líkum lætur. Ein aðal stoð og stytta Kjötborgarbræðra Halldór Eldjárn hefur verið þeim innanhandar við allt skipulag og kynningu og verður vert að klappa þeim dreng lof í lófa ásamt þeim bræðrum. Ég sem viðskiptavinur og aðdáandi gerði hlé á sumarleyfisferð minni til að geta tekið þátt í hátíðarhöldunum fyrir leikinn á Meistaravöllum þegar heimamenn taka á móti Grindvíkingum í næst síðasta leik Landsbankadeildarinnar. Leikurinn hefst klukkan fjögur og ekki að efa að fólk flykkist á völlinn eftir góðar veitingar Kjötborgarbræðra, til að hvetja sína menn því oft hefur verið þörf á hvatningu en nú er nauðsyn. Vert er að geta þess að á sama tíma eiga Víkingar í hatrammri baráttu við Fimleikafélagið í Hafnarfirði við að halda sæti sínu í Landsbankadeildinni og hvet ég alla sem ekki fara á KR-völlinn að styðja Víkinga í Krikanum.

Næsta síða »

Um bloggið

Úr hugskoti Heimis

Höfundur

Heimir Lárusson Fjeldsted
Heimir Lárusson Fjeldsted

Fyrrv. mjólkursaml.stj., fast.sali, frkv.stj., kaupm., bílstj. o.fl.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • IMG 9978

Heimsóknir

Flettingar

  • Í dag (28.3.): 2
  • Sl. sólarhring: 3
  • Sl. viku: 11
  • Frá upphafi: 1031615

Annað

  • Innlit í dag: 2
  • Innlit sl. viku: 9
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband