Færsluflokkur: Bækur

Einkennilegur leikur löglærðs manns.

Birtar hafa verið myndir af bóksala í Reykjavík með fréttum af fjölskylduharmleik Kvarana. Hví í ósköpum eru nöfn eða nafn meintra þjófa í fjölskyldunni ekki birt og nöfn bóksalanna hreinsuð?

Hjörleifur Böðvarsson Kvaran hefur hreinsað sitt nafn, en notaði sama tækifæri og smurði feitt á bóksalana við Klapparstíginn.

Er það þetta sem kallast heiðarleiki? 


mbl.is Stolnar bækur fluttar úr landi
Tilkynna um óviðeigandi tengingu við frétt

Felst ritgerð ekki í því að fanga athygli; er skáldaleyfi ekki lengur viðurkennt?

Fyrst er telpan verðlaunuð fyrir skáldskap og uppskar hún eins og til var sáð, en síðan á að refsa henni fyrir það samaWoundering.

Hver sagði henni að ritæfingin þyrfti að byggjast á sönnum atburði? 

Telpan vann úr tilfinningum sínum við hugsanlegt áfall og vann til verðlauna. 


mbl.is Falsaði fráfall föður í ritgerðarsamkeppni
Tilkynna um óviðeigandi tengingu við frétt

Skíthræddur við áhuga fjármálastofnana á mínum högum.

Hingað til hefur áhugi banka og sparisjóða hvað mig varðar einkum beinst að því hvernig hafa megi sem mest af mér.

Ég tek öllum þeirra framfaraskrefum með fyrirvara og hygg að svo sé farið með alltof marga sem hafa brennst sig á græðgi bankanna undanfarinn áratug eða svo. 

Það á eftir að taka íslenskar bankastofnanir langa tíma að vinna sig aftur í álit hjá t.d. öllum þeim sem hafa stundað viðskipti í óheilbrigðu samkeppnisumhverfi.


mbl.is Rafrænt heilsufarspróf í fjármálum
Tilkynna um óviðeigandi tengingu við frétt

Margt ógeðfellt að koma upp á yfirborðið.

Eftir að ég hætti störfum hjá Strætó berast mér sífellt fleiri fréttir sem ekki þola dagsins ljós af aðferðum starfsmanna fyrirtækisins.Þar er helst talað um svikráð, sérstæða meðferð fjármuna, róg, samsæri, skemmdarverk og margt fleira. Gefur ekkert heitustu sápuóperum eftir. Þegar æ fleiri hafa samband við mig um sömu hlutina og biðja mig að koma á framfæri fer ég að trúa að ekki sé allt með felldu. Betra er að sofa á upplýsingunum, allavega í nótt þótt pressan sé töluverð að uppljóstra.

Captain Morgan

Hver getur sagt mér hver Captain Morgan var?
Var hann ekki sjóræningi.........?

Jón Ásgeir ritstýrir eigin ævisögu

Mér hefur skilist á fréttum að Jón Ásgeir láti sér ekki nægja að skrifa eigin sögu í íslenska fjölmiðla með beinni eignaraðild, heldur fái nú erlenda sérfræðinga til að gera enn betur og skrá afrekin og níðið um stjórnmálamenn sem komið hafa við sögu á bók; jafnvel í nokkrum bindum, því svo hafa vissir menn verið vondir við hann.
Ljótt af Jón Ásgeiri.
mbl.is Bók um íslenskt viðskiptaveldi væntanleg
Tilkynna um óviðeigandi tengingu við frétt

"En halv gammel luder..."

Ekki átti ég von á því að Danir tækju upp á því að spyrna við fótum og rækta tunguna sína. Benny Andersen lýsti því á áttunda áratug síðustu aldar í ljóði hversu lítt þeir væru meðvitaðir um afvegaleiðslu móðurmálsins.
Mig minnir að upphafsorðin séu: "Vort modersmaal er hæsligt, det har saa fæl en klang......"
Og síðar segir: En halv gammel luder með röd og svamped tud. Og hun er saa gæv og hun holder stadig ud......."
Segir í textanum að tungan sé opin fyrir öllum utanaðkomandi áhrifum en: "Mest fra tysk og engelsk og fra den spanske kyst......"
Nú ætla Danir sem sagt að snúa blaðinu við eða að minnsta kosti tveir flokkar á danska þinginu.
"Lykke til".

Miklar annir hjá Strætó.

Eftir breytingar á leiðakerfi almenningssamgangna á höfuðborgarsvæðinu hafa annir verið gífurlegar, þ.e.a.s. hjá stjórnendum fyrirtækisins.
Sem smá dæmi um annirnar get ég sagt frá starfsmanni sem í byrjun apríl s.l. lagði inn kvörtun vegna eineltis og hefur ekki enn heyrt frá yfirmönnum sínum um afdrif kærunnar.
Viðkomandi starfsmaður spurði Ögmund Jónasson formanna BSRB að því hvenær yfirmenn fyrirtækja ættu að taka slíka kæru fyrir og sagði Ögmundur að það ættu þeir að gera þegar í stað.

Það eru ýmis fleiri mál sem yfirmenn komast ekki yfir og vil ég því skora á viðkomandi sveitastjórnir og eða stjórn Strætós bs. að fjölga verulega í yfirmannahópnum svo ekki þurfi að koma til svona bagalegra tafa á árinu sem í hönd fer.

Að vísu tók framkvæmdastjórinn vel á öðru eineltismáli (sem hann kallaði svo) og kærði viðkomandi "gerendur" tafarlaust til Starfsmannafélags Reykjavíkurborgar OG til BSRB sem hélt umsvifalaust fund með tveimur framkvæmdastjórum Strætós, formanni Starfsmannafélags Reykjavíkurborgar og báðum meintum sökudólgum.
Það var messa.


Bakteríur, gerlar og sýklar.

Munurinn á bakteríu gerli og sýkli er sá að baktería er erlenda heitið á gerli og sýkill er sjúkdómsvaldandi gerill.
Það er því einkennilegt að þegar sýkill eða sýklar herja á landann er undantekningalaust talað um bakteríur hér á landi. Fjölmiðlamenn tala síðan við forstöðumann eða annan fulltrúa sýkladeildar LSH. Þeir spyrja ekki einu sinni hvers vegna sýkladeild fæst við bakteríur en ekki sýkla.
Skrítin enska ís-lenskan.

Réttarhöld nálgast....

og rétt að vera rétt tengdur
Það hlýtur að fylgja mikill þungi á herðar ritstjórna þegar aðalákærði er kominn í forsætið. Hann sér í hendi sér að tveir milljarðar til endurheimtu æru duga hvergi og því skal enn blásið til sóknar og sókn er besta vörnin.
Hvað ærur margra lögreglumanna, dómara og saksóknara liggja í valnum eftir næstu atlögu er erfitt að sjá fyrir, en nokkrar.
Það er með eindæmum í íslenskri réttarfarssögu að svo miklu þurfi að kosta til og margan góðan drenginn þurfi að sverta til að sanna sakleysi sitt.
mbl.is Jón Ásgeir Jóhannesson nýr stjórnarformaður 365
Tilkynna um óviðeigandi tengingu við frétt

Næsta síða »

Um bloggið

Úr hugskoti Heimis

Höfundur

Heimir Lárusson Fjeldsted
Heimir Lárusson Fjeldsted

Fyrrv. mjólkursaml.stj., fast.sali, frkv.stj., kaupm., bílstj. o.fl.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • IMG 9978

Heimsóknir

Flettingar

  • Í dag (28.3.): 1
  • Sl. sólarhring: 3
  • Sl. viku: 10
  • Frá upphafi: 1031614

Annað

  • Innlit í dag: 1
  • Innlit sl. viku: 8
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband