Starfsmenn Strætó fræða borgarráð.

"smá viðbrögð allavega....

Á mánudagsmorgun sendum við fyrstu 3. aðalfulltrúarnir borgarfulltrúum bréf varðandi samskipti okkar við Framkvæmdastjóra. Einu viðbrögðin sem við fengum voru að einhver borgarfulltrúinn sendi 24 Stundum eintak af bréfinu."

Ofangreint er af heimasíðu Jóhannesar Gunnarssonar.

Jóhannes getur þess ekki að þau skrifuðu undir fyrir hönd starfsmanna Strætó. Í ljósi þess finnst mér að téður Jóhannes  ætti birta bréfið í heild svo allir starfsmenn sjái svart á hvítu hvort þau köfuðu djúpt eða ösluðu grunnt.

 

Get ég fengið að tala við Elko sjálfan?

Kæri Elko, ég vona að þú eða einhver þér nákominn svari mér.

Þannig er að ég fékk sendan frá þér tölvupóst þar sem þú bauðst mér að kaupa  stafræna myndavél á 17.995 krónur og sagði þú mér í þeim pósti að þú værir þá að slá eitt þúsund krónur af venjulegu verði.

Þar sem ég hef lengi hugsað mér að eignast litla stafræna vél til að taka með mér á sjúkrahús og önnur mannamót ákvað ég að slá til og kaupa vélina.

Til að spara þér umstang ók ég áðan inn í Skeifu og keypti vélina þar.

Ekki er allt sem sýnist í stafrænni veröld. Þegar þangað kom gat ég ekki fengið þúsund kall í afslátt vegna þess að ég sparaði þér ómakið með því að sækja vélina og þar að auki var ég svo ósvífinn að staðgreiða hana. Þar græddir þú þúsund kall aukalega á viðskiptum við mig. 

Ekki er allt búið. Ég las í tölvupóstinum frá þér kæri Elko að á þínum vörum væri þriggja daga auglýsingavernd, sem þýðir að þú ábyrgist að eiga vöruna sem þú auglýsir í þrjá daga. 

Ég held að afgreiðslumaðurinn hafi sagt mér það tvisvar að vélin væri til og svo heyrði ég það í þriðja sinn þegar hann svaraði samstarfsmanni sínum yfir öxl sér sem sagði að vélin væri ekki til.

Hann sagði mér að fara "á kassann" og borga 18.995 krónur og gleyma þessum afslætti og fá svo vélina afhenta beint á móti þar sem stendur vöruafgreiðsla.

Drengurinn þar sagði að vélin væri ekki til, en kæmi líklega á morgun.

Ég spyr því kæri Elko; "hvenær get ég tekið mark á þér?"

Hannað í stjórnstöð?

Óveður um áramót er eitthvað það alversta sem getur komið fyrir Björgunarsveitirnar. Fjárhagslegt tjón getur orðið hrikalegt ef ekkert er að gert.

Ég er skil að minnsta kosti þá sem skipuleggja svona uppákomu sér og sínum til framdráttar.

Unnið við erfiðar aðstæður

Grafargrín.

Í svartasta skammdeginu hef ég verið að velta fyrir mér eigin grafskrift ef svo ólíklega vill til að afgangur verði þegar líkklæðin hafa verið greidd.
Héru eru nokkrar hugdettur:

1. Reyndi en gat ekki.
2. Grafalvarlegt atarna.
3. Nú er það alvara.
4. Brosir gegnum sex fetin.
5. Takk fyrir komuna.
6. Það er ekki tilviljun að fetin eru sex.
7. Brostu bara.
8. Nú hlakkar í þér.
9. Mér krossbrá að sjá þig.
10. Hatur þitt náði út fyrir gröf og dauða.
11. Heiftin dró þig hingað.

Vinsamlegast sendið mér tillögur ykkar og ég mun greiða götu ykkar fyrir handan ef tillagan kemst á topp þrjá.

Er túlípaninn tákn reðurs? Sóleyjarsamtökin í viðbragsstöðu.

Mér þykir einsýnt að íslenskir femínistar muni hreyfa mótmælum við áformum Hollendinga að byggja sjóvarnargarð með þessu sniði.

Ef vel er að gáð er lögunin ógnun við kvenlegt siðgæði því mikill kóngsbragur er á blóminu. Íslenskum femínistum er ekkert óviðkomandi og þegar túlípani er að auki karlkynsorð er mælirinn löngu fullur.

Ef Hollendingar hefðu bara haft vit á að hafa varnargarðinn líkari femínísku blómi eins og t.d. Sóley væru þeir aftur á móti í góðum málum 

Eyja í laginu eins og túlípani

Það er greinilega líf í þeim látnu.

Þessi kann svo sannarlega að lifa dauðann lifandi

Sendi jólakort frá himnum

Í trúnaði.

Til þess er málið varðar:

Alltaf hnellinn aldrei brellinn

aðeins vellin kall.

Stundum gellinn á sig hellinn

svo á völlinn skall. 

H5N1 í Hljómskálagarðinum.

Ég sem hélt að H5N1 væri kjúklingastaðurinn á N1 bensínstöðinni í Vatnsmýrinni .................

10 þúsund skammtar af bóluefni við fuglaflensu komnir

Jóhann Tómasson með Kára Stefánsson á heilanum.

Ég var að hlusta á Kastljósið með öðru eyranum og mér heyrðist Kári tala um að Jóhann Tómasson hefði sig á heilanum. Eða var hann bara að segja að hann hefði einhverntíma sagt að Jóhann Tómasson hefði sig á heilanum. Reyndar heyrðist mér hann segja það svo oft að Jóhann Tómasson hefði sig á heilanum ég hefi ekki tölu á.

Hvernig er það, er hægt að dæma fyrir hvert eitt sinn sem Kári Stefánsson segist hafa Jóhann Tómasson á heilanum

Píkuvísa í tilefni bloggs.

Af bloggi Heiðu Þórðar 18.12.07:
"Má ég frekar biðja um box með engum g-streng. Gæti ekki verið náttúrulegra og umhverfisvænna.
Annars er staðan sú að ég er nær dauða en lífi, skreið nánast heim í kvöld ...illa farið með góða konu. Rassakrem, tippate, og hvað þetta heitir allt saman kemur aldrei í stað langþráðrar hvíldar...
Þeir sem vilja minnast mín er bent á Samtökin; Brennum allar nærbuxur!"

Þarf ekki að stilla alla strengi
G-strengi líka
svo gleðin standi lengi
og skaðist ekki píka?