Hvar finn ég sorann?

Ég legg oft kapal á Leikjaneti mér til dægrastyttingar meðan lífið rennur mér frá.

Engan hef ég fundið dónaskapinn ennþá. Hvernig í ósköpunum á ég að geta tekið undir með hneykslunarröddum þegar ég fer á mis við allan ósómann?

Ég vil taka það skýrt fram að mitt siðgæði er ekki síður tvöfalt en allra annarra.

Fáklæddar konur á vefjum tengdum Leikjaneti

"Aldrei upplifað annan eins dónaskap og hroka"

Fyrirsögn fréttar um móttökur franskra á kvenfólki getur alveg eins átt við viðbrögð Baugsfeðga.

Dæmafá framkoma feðganna í Baugi í íslenskri verslun á eftir að koma upp á yfirborðið, en aðeins lítill hluti hefur litið dagsins ljós.
Eftirfarandi úrdrættir eru úr bréfi þeirra til þjóðarinnar í dag með mínum athugasemdum.

"Í síðustu viku hóf ríkisfjölmiðillinn árás á fyrirtækið og það sem það hefur staðið fyrir frá upphafi í skjóli nafnlausrar ásökunar. Rannsóknarblaðamennska RÚV leiddi í ljós að húsmóðirin frá RÚV fékk vörurnar á sama verði og fréttakonan frá RÚV. Ekkert óeðlilegt kom fram í starfsemi Bónuss. Engar blekkingar áttu sér stað í Bónus." Er þetta sannleikanum samkvæmt Jón Ásgeir? Áfram:
"Þrátt fyrir það höfum við frá þeim tíma þurft að sitja undir því að Bónus sé þátttakandi í ólögmætu samráði á matvörumarkaðnum hér á landi og stundi blekkingar gagnvart viðskiptavinum sínum." Kæru feðgar þetta er staðreynd sem allir vita af (nema þið). Síðan: "Margir hafa fjallað um málið, án þess að nokkuð hafi verið borið á borð, sem staðfestir að um samráð eða blekkingar hafi verið að ræða." Fagmenn í blekkingum skilja ekki eftir sig spor og það eftir átján ára ástundun. Þá segja þeir: "Enginn hefur komið fram undir nafni og staðfest verðsamráð, þvert á móti hafa þeir sem komið hafa fram undir nafni lýst því yfir að þeir hafi enga trú á því að samráð sé tíðkað á matvörumarkaðnum, sem er hið rétta í málinu,“ segir meðal annars í grein þeirra feðga það vita þeir sem vilja að feðgarnir hafa hreðjatak á þegnum landsins með því að eiga og stýra öllum helsu verslunum landsins og fólk þarf að hugsa um afkomu sína og sinna.

"Þeir segja jafnframt að allt frá stofnun Bónus fyrir 18 árum hafi verið ákveðið að fyrirtækið byði alltaf vörur sínar á betra verði en samkeppnisaðilar þess og hvetja neytendur sjálfa til að gera verðkannanir. Þær séu öruggastar og marktækastar."
Þetta er lokaorðin um bréf Fréttablaðsins frá feðgunum.
Hvergi minnast þeir á stóra skandalann sem er í rannsókn hjá Samkeppniseftirliti og hefur verið í tvö ár. Verður það enn ein árásin á fjölskyldu Jóhannesar í Bónus, þegar þeim verður birt sú ákæra?

„Aldrei upplifað annan eins dónaskap og hroka"

Strætópunktar - fulltrúakjör.

Ég hafði gleymt því þegar ég lofaði að blogga bara hrós, að kosningar eru hjá Strætó dagana 22. til og með 25. október til fulltrúaráðs Starfsmannafélags Reykjavíkurborgar.
Þar sem ég er starfandi fulltrúi og trúnaðarmaður starfsmanna og er í kjöri til næstu tveggja ára verð ég beinlínis að svíkja þetta loforð. Þar sem ég lofaði bara sjálfum mér þessu, verður uppgjörið auðvelt.
Tvísýnar kosningar fara í hönd og listinn sem settur er okkur starfandi fulltrúum er í senn vel unninn og til alls líklegur og þar sem svo mikið er í húfi, ætla ég að bíða með frekara blogg til morguns, að ég get sest úthvíldur við tölvuna og látið gamminn geysa.

..margt líkt með vinnubrögðunum.......

Mér hefði þótt ástæða til að Valgerður Sverrisdóttir sterkefnuð alþingiskona útskýrði fyrir þjóðinni hversvegna hún hreyfði hvorki legg né lið til að láta framfylgja samkeppnislögum í viðskiptaráðherratíð sinni.
Það er víða hvískrað og pískrað að hún hafi þegið fé úr hendi Hreins Loftssonar fyrir hönd Baugs til að láta kyrrt liggja.

Slíkt verður auðvitað hvorki sannað né afsannað en orðrómurinn lifir.

Visir.is í dag:

"Hreinn Loftsson, fyrrverandi stjórnarfomaður Baugs Group, segist sammála Valgerði Sverrisdóttur fyrrum viðskiptaráðherra um þörfina á sérstakri rannsókn á tilurð Baugsmálsins. Hreinn sagði í samtali við Vísi í dag, að sérstaklega þyrfti að skoða allt í kringum það sem kallað er Bolludagsmálið. "Þar keyrði um þverbak," segir Hreinn, "og það er furðulegt að enginn skuli hafa krafist rannsóknar á því reginhneyksli, sem var hreinlega rugl."

Hann segist vonast til þess að fleiri fari nú að koma fram úr felum og fjalla um þessi mál. "Það er ekki nokkur hemja hvað meðvirknin hefur verið mikil í þessu máli, sérstaklega meðal sjálfstæðismanna. Hreinn segist líka geta staðfest það sem Valgerður segir um hvernig talað var um Baugsmenn, sérstaklega á meðan Fjölmiðlamálinu stóð. "Ég vona bara að fleiri fari að opna sig um hluti sem voru sagðir og hluti sem voru gerðir," segir Hreinn. "

Fáfnismenn lausir úr gæsluvarðhaldi

Lýðveldi að hætti suður amerískra?

Einu fyrirtæki Baugs sem rekin eru ár eftir ár með tapi eru fjölmiðlarnir, ekki ófáir, sem þeir eiga.
Hversvegna verja þeir hundruðum milljóna árlega í taprekstur miðlanna? Er það gert til að hafa áhrif á almenningsálitið?
Og hefur þeim orðið ágengt?

Auðvaldið ver þessum hundruðum milljóna að mínu mati til að brengla réttarvitund almennings og vinnur þar með gegn ríkisvaldinu sem er lýðræðislega kosið.
Er það sanngjarnt?

Við munum þegar starfsfólk fjölmiðlaveldis Baugs lét hafa sig í það að leggja banana á tröppur Alþingishússins sem átti að vera táknrænt fyrir það bananalýðveldi sem þau byggju í.

Mér hefur alltaf þótt það fólk vera sjálfu sér og fjölskyldum sínum til skammar. Mér fannst þau vera að kalla á bananastjórn með athæfi sínu. Baugur hafði þá boðið forsætisráðherra 300 milljónir króna fyrir það eitt að vera Baugi þægur.
Hversu mörgum höfðu þeir mútað áður?

Nú kaupir Jóhannes Jónsson auglýsingar fyrir mörg mánaðarlaun verkafólks rétt fyrir kosningar með það fyrir augum að skaða dómsmálaráðherra landsins og embættismenn sem hafa ekkert til saka unnið; eru að sinna skyldustörfum.
Eru þetta ekki vinnubrögð sem tíðkuð eru í bananalýðveldum svörtustu Afríku og Suður Ameríku?

Almenningi finnst þetta í lagi vegna þess að Baugur rekur lágvöruverðsverslanir. Þeir reka líka dýrustu hverfaverslanir sem verið hafa á Íslandi. Knésettu kaupmanninn á horninu til að koma rándýrum verslunum sínum 10-11 fyrir í hverfunum og "arðræna" gamla fólkið sem ekki kemst annað.

Ég hef fylgt Sjálfstæðisflokknum að málum í áratugi og kynnst mörgum mætum manninum þar, alþingismönnum, borgarfulltrúum og öðrum sveitarstjórnarmönnum.
Ég hef haldið uppi gagnrýni um árabil á yfirgangsstefnu Baugs, einkum vegna þess að ég missti allt mitt og meira en það þegar samkeppnislögum var ekki framfylgt af Viðskiptaráðuneytinu og stofnunum þess eins og Samkeppniseftirliti.

Nú bregður svo við að margir flokksbræður mínir og systur taka treg undir kveðju mína vegna þessarar gagnrýni og þar með er talinn alþingismaðurinn sem Baugur kostaði prófkjörsbaráttu fyrir og verður að líkindum næsti Dóms-og kirkjumálaráðherra.

Er þeim að takast að koma bananalýðveldi á?

Steingrímur: Stjórn Sjálfstæðisflokks og Samfylkingar allt of hægrisinnuð

Látið fíkniefnasalana ekki í friði eitt augnablik.

Mikið er ég feginn að nýi lögreglustjórinn er farinn að taka á dópsölunum. Ég hlakka til að lifa þann dag að eiturlyfjabarón verði lagður að velli og stöðvaður.
Við sem daglega förum um Hlemm sjáum lítið brot af afleiðingum eiturlyfjanna og vitum að barónarnir lifa í vellystingum praktuglega meðan sjúklingarnir stela sér fyrir dópinu og lífsafkomunni.
Barónarnir búa í glæsivillum og aka um á dýrindis bílum og það klingir þungt í hálsfestunum og armböndunum; stirnir á silkifötin og bindin.

Vonandi nær nýi lögreglustjórinn árangri í starfi.

Fíkniefni fundust við húsleit

Hreinn verður feginn.

Mikið held ég að Hreinn Loftsson gleðjist er hans gamli vinur, samherji og yfirmaður Davíð Oddsson kemur í vitnastúku og áminntur um sannsögli segir frá Lundúnafundinum með sömu orðuð og Hreinn gerði á bloggsíðu Páls Vilhjálmssonar í dag.
Ekki er nokkur hætta á að minnsti blæbrigðamunur verði á frásögnum þeirra.
Eða hvað?

Davíð Oddsson kann að verða kallaður til vitnis í Baugsmálinu

Á Reykjalundi er ekki reykt.

Algert skilyrði fyrir vist á Reykjalundi er að hætta að reykja.

Það var 1991 í júní. Ég hafði gengist undir stóra hjartaaðgerð í apríl, sex æðar endurnýjaðar og duga enn.
Fékk að fara á Reykjalund í endurhæfingu. Ég var alveg viss um að ég yrði aldrei maður með mönnum aftur. Viss um að geta ekki unnið fyrir mér og viss um að geta aldrei orðið fjölskyldumaður aftur.
Við fórum hægt af stað. Margir félaga minna voru sama sinnis en aðrir svo "kærulausir" að þeir létu mótlætið ekki á sig fá.

Göngur voru farnar á hverjum morgni og fyrstu dagana hengslaðist ég með og hlakkaði bara til að komast aftur inn, borða og leggja mig.

Mér fannst fræðslufundirnir góðir og bestir fyrir það að þá þurfti ég ekki að reyna á mig líkamlega sem ég myndi aldrei verða fær um aftur. Sjálfstraustið læddist með veggjum og það niður undir gólflistunum. Ég hafði lést úr 85 kg í 66 er ég vigtaði mig rétt fyrir uppskurðinn.

Smátt og smátt fór mér að vaxa þrek og þróttur og sjálfstraustið færðist aðeins uppávið.
Við fórum í leiki inni og úti og meðal annarra leikja var stórfiskaleikur. Kapp hljóp okkur í kinn og í einum stórfiskaleiknum datt ég og braut eitt eða fleiri rifbein. Ekki var á bætandi því við skurðaðgerðina hafði hægra viðbeinið laskast eitthvað svo ég gat ekki heyft hægri handlegginn að ráði og þar af leiðandi ekki synt í litlu Reykjalundalauginni sem þá var.

Mér hafði vaxið svo sjálfstraust og lífslöngun að ég lét lækninn hann Magnús ekki vita. Hvorki af viðbeininu né rifbeinunum, því ég var svo hræddur um að verða sendur heim.

Dagar og vikur liðu í einu hendingskasti og fyrr en varði voru sex vikur liðnar og ég heim.
Það var með trega að ég kvaddi Reykjalund með svo mikið sjálfstraust í farteskinu að nálgaðist oflæti.
Við félagarnir, einir sex sem vorum samtímis þarna fórum að skokka okkur til ánægju þrisvar í viku og tókum þá í skemmtiskokkinu síðla ágústmánaðar, við sem aldrei höfðum gaman af hreyfingunni.

Um árabil hef ég reynt af litlum mætti að þakka fyrir mig með því að eiga miða í SÍBS því stóra vinninginn fékk ég á Reykjalundi sumarið 1991.

Danskir reykingamenn fá líklega frest

Vantar 34 lesendur, núna!

Ég asnaðist til að fara að skoða lesendafjöldann sem kominn er í dag, svona rétt fyrir miðnættið og þeir eru komnir í 966.
Ég á ekki von á að sofna rólegur nema ég komist í 1000.
Viljið þið 34 sem eruð inni gera mér þann greiða að redda þessu?
Hafi kæra þökk fyrir ;)

Þakka Birni Inga.

Fagna ber þessari fyrirspurn Björns Inga og þakka. Ríkið hefur mikilla hagsmuna að gæta einkum hvað varðar umhverfisþáttinn. Almenningssamgöngur þurfa að bera virðisaukaskatt af eldsneyti og öðrum aðföngum þannig að ríkið hagnast verulega á þeim.
Þá er ótalinn þýðingarmikill þáttur þjónustunnar sem almenningssamgöngur veita hinum fjölmörgu bjargvættum efnhagsmála þ.e.a.s. innfluttu verkamönnunum. Ef þið kæmuð í strætó að morgni dags, síðdegis og frameftir kvöldi gætuð þið séð með eigin augum þær þúsundir verkamanna og kvenna sem með hógværum launakröfum og lítillæti stendur undir efnahagslegri hagsæld okkar.
Þessu fólki er lífnauðsyn að góðar almenningssamgöngur séu til staðar og Reykvíkingar eiga ekki að þurfa einir að standa undir 70% kostnaðarins.
Ég skora á þingmenn að fylgja þessu máli til fullsæmdrar afgreiðslu.

Viðræður milli umhverfisráðherra og Strætó