Nýir vendir sópa best.

Nýir vendir sópa best segir máltækið og er greinilegt á nýjum valdhöfum við Tjörnina í Reykjavík að þeir vita hvar þörf er á að sópa svolítið og taka til.

Alþekkt er að sumar stofnanir og undirfyrirtæki borgarinnar fara sínu fram hvað sem tautar og raular og erfitt hefur reynst mörgum stjórnendum að koma skikk á reksturinn vegna óþarfa afskipta starfsmanna af stefnumótun og stjórnun stofnana og fyrirtækja.

Ekki er hægt að einkavæða allt og stundum ekki vilji til, en nái ráðamenn ekki yfirhöndinni er fátt um fína drætti og möguleika þeirra.

Það er skylda kjörinna fulltrúa að halda sem best á málum þegar um er að ræða skattfé borgaranna og spila sem mögulega er best úr hverri krónu.

Því ber að þakka framtak nýrra húsbænda í Ráðhúsinu við Tjörnina. 

Minnihlutinn hreinskilinn og viðurkennir vanmátt sinn.

Mér þykir til mikillar fyrirmyndar að minnihlutinn skuli viðurkenna vanmátt sinn við stjórnun borgarinnar og staðfesta þar með það sem  öðrum hefur lengi verið ljóst.

Það að ekki skuli enn hafa fundist hæfur maður, bendi aðeins til að ekki er úr miklu að moða og mannval lítið.

 

Leitað að fagstjórnanda í REI

Treystir einhver Gísla Marteini, Hönnu Birnu og Þorbjörgu Helgu?

Borgarfulltrúar Sjálfstæðisflokksins eru einstaklega seinheppnir.

Síðan REI-málinu var klúðrar fyrir fáeinum mánuðum með makki að baki þáverandi borgarstjóra, hefur hvert klúðrið af öðru litið dagsins ljós og er engu um að kenna en gæfuleysi fulltrúanna.

Sá eini sem getur borið höfuðið hátt er Kjartan Magnússon guðfaðir núverandi meirihluta.

Hanna Birna, Gísli Marteinn og Þorbjörg Helga eru öll upptekin af frekara makki og hafa fyrir löngu gleymt hvers vegna þau voru kosin og falin þessi mikla ábyrgð af þáverandi Sjálfstæðismönnum.

Það er við þau að sakast hvernig komið er fyrir Sjálfstæðisflokknum í Reykjavík ásamt með formanni og varaformanni sem léðu máls á því að makka að baki Vilhjálms Þórmundar.

Nú í dag kemur fyrst yfirlýsing frá Gísla Marteini, sem að sjálfsögðu átti að vera komin fyrir margt löngu, en nú loksins skynjar hann að þau hafa málað sig út í horn.

Hver treystir þessu fólki? 

Almenningssamgöngur á höfuðborgarsvæðinu boðnar út.

Hermt er að á vormánuðum muni Strætó bs. bjóða starfsemina út í fyrsta sinn og fara þar með að reglum á Evrópska efnahagssvæðinu.

 

Hingað til hefur fyrirkomulagið verið það að fyrirtæki hafa fengið vissum leiðum úthlutað og eru skilyrði til úthlutunar óljós.

Fróðlegt verður að sjá hvort hlutur Reykjavíkurstrætó verður sá sami eftir útboð og fyrir, en margir telja að hatrömm deila starfsmanna við framkvæmdastjórn fyrirtækisins kunni að skaða hlut fastráðinna starfsmanna Strætó bs.

 

Deila starfsmanna og framkvæmdastjórnar snýst ekki um grundvallaratriði kjarasamnings heldur fáfengilega stundarhagsmuni ákveðinna starfsmanna.

 

Menn telja að einörð andstaða Starfsmannafélags Reykjavíkurborgar gegn Strætó bs. í viðleitni fyrirtækisins til að skapa viðunandi starfsanda virki sem bensín á innanhússbálið sem logar annars glatt.

 

Það skyldi þá ekki vera að starfsmenn Strætó bs. með fulltingi Starfsmannafélags Reykjavíkurborgar neyði framkvæmdastjórn til að láta af hendi fleiri leiðir en ella og fækka þar með starfsmönnum enn frekar sem þiggja laun samkvæmt kjarasamningi StRv og Strætó bs.?

 

Mér segir svo hugur um, að ef starfsmenn láta ekki af ára(tuga) langri andstöðu við yfirstjórn fyrirtækisins muni þeir þiggja laun eftir Eflingartaxta á næsta ári.

 

StRv mun þá líklega fagna því að vera laust við 200 misþægilega félaga. 

Er búið að merkja Lækjartorg og Mjódd líka?

Loksins hefur Hlemmur fengið nafnspjald. Komið hefur verið fyrir góðu skilti á r byggingar Strætó bs. við Hlemm.

Það mun vera í fyrsta sinn sem þessi landsfræga skiptistöð er merkt og mun það koma fjölmörgum landsbyggðarmönnum og erlendum gestum vel svo ekki sé meira sagt.

Það er ekki svo að sérhvert mannsbarn sé fætt með þann fróðleik hvar helstu áningarstaðir almenningsvagna eru, sbr. Hlemmur, Mjódd og Lækjartorg. 

Mikil vonbrigði blóðþyrstra karla og kvenna.

Vilhjálmur Þórmundur kom fram af festu og hreinskilni eins og hans er von og vísa á blaðamannafundinum áðan.

Hann hefur gert hreint fyrir sínum dyrum.

Þá er ekkert annað framundan en að Svandís Svavarsdóttir, Dagur B. Eggertsson og félagar þeirra geri hreint fyrir sínum dyrum.

Hvað vissu þau og voru búin að samþykkja? 

Vilhjálmur: Hef axlað ábyrgð

Hrægammar í Valhöll.

Hrægammar bíða í hrönnum
og hreykja sér hátt.
Að sjúga sér blóð úr mönnum
þá sigla lágt.

Sjálfstæðismenn enn á fundi

Kjartan Magnússon verðandi oddviti Sjálfstæðismanna.

Mikið er rætt um hver muni taka við keflinu úr hendi Vilhjálms Þórmundar ef hann skilar því af sér á kjörtímabilinu.

Margir tala um Hönnu Birnu Kristjánsdóttur sem vermir annað sætið á listanum og er ég ekki í nokkrum vafa um að hún muni valda embætti borgarstjóra Reykjavíkur með miklum sóma. 

Þá er annar hópur sem nefnir Gísla Martein sem verðugan keflisbera og myndi hann klára sig af embættinu ekki síður en Hanna Birna Kristjánsdóttir.

Talið er að  þau komi sitt úr hvorum arminum og muni sterkir menn sem leiða armana tvo aldrei geta unað hinum að fá oddvitann.

Þá er þrengist um, en tveir góðir kostir eru þó eftir þeir Júlíus Vífill Ingvarsson og Kjartan Magnússon guðfaðir núverandi meirihluta , lipur samningamaður, ósérhlífinn og mikill málafylgjumaður.

Hallast menn á hornum borgarinnar að farsælast verði að fela Kjartani Magnússyni oddvitahlutverkið, ekki síst vegna þess að Ólafur Friðrik Magnússon geti einna helst sætt sig við hann sem sinn eftirmann.

Ég trúi (á) Villa.

Það er ekkert undarlegt við háværan klið andstæðinga Sjálfstæðisflokksins um að Vilhjálmur Þórmundur eigi að segja af sér.

Vonbrigði þeirra í borgarstjórn eftir 101 Dags stjórnvalardútl eru svo augljós að brjóstumkennanlegt er.

Til að draga athyglina frá eigin lán- og getuleysi tala þau hátt og missnjallt um ástandið í Sjálfstæðisflokknum.

Til að kóróna vitleysuna talar tríóið enn um Tjarnarkvartett, svo hjáróma sem það nú er. 

Pólitísk staða Vilhjálms rædd

Hroðvirkni.

Það er greinilegt á REI-skýrslunni að þar hefur verið kastað til höndum og markmið óljós við samningu hennar.

Það að hengja Vilhjálm einan manna, þann eina sem hefur beðist afsökunar og sýnt iðrun er ákaflega lítilmannleg niðurstaða hjá hinum fjórtán borgarfulltrúunum.

Að hlusta á Dag tala í afskaplega löngu máli án þess að segja nokkurn skapaðan hlut hjá Agli Helga í dag, var bara jafn rvandræðalegt og alltaf áður. 

REI-skýrslan er einhver mesti áfellisdómur yfir kjörnum fulltrúum í borgarstjórn Reykjavíkur sem um getur frá öndverðu.

Hún víkur hvergi að raunverulegum markmiðum REI né ábyrgð embættismannanna. Sorglegt. 

 

Ekki ástæða til að ræða við Vilhjálm og Björn Inga