Útvarp Saga ráðleggur fólki að ganga í sjóinn eða kaupa snæri.....

Miklar hörmungar eiga eftir að ganga yfir þjóðin á næstu misserum í fjárhagslegum skilningi. Atvinnuleysi, hækkandi verðlag og lakari lífskjör í alla staði bíður okkar.

Við þessar aðstæður er áríðandi að málsmetandi menn tali varlega þegar ástandinu er lýst því ekki þarf að mála skrattann á vegginn.

Mér krossbrá í morgun þegar ég asnaðist til að hlusta á þá afturhaldspostulana Sigurð G. Tómasson og Guðmund Ólafsson á útvarpi Sögu. Reyndar slökkti ég á þeim þegar Guðmundur Ólafsson sagði þegar þeir voru búnir að velta sér upp úr 20% verðandi atvinnuleysi að kostirnir væru einungis tveir fyrir þá sem lentu í þeim hildarleik: " fólk á tvo kosti; að flytja úr landi eða að ganga í sjóinn".

Þegar hagfræðingurinn sem vill láta taka mark á orðum sínum varpar þessum orðum yfir 40% þjóðarinnar, er þörf á að slökkva.

 P.s. Halldór E. ráðleggur fólki á sömu útvarpsstöð þessa stundina að fá sér snæri......

Fólk á ekki fyrir mat

Athugasemdir

[Rannveig H, 12.12.2008 kl. 11:28]

Þú ert jafn duglegur að hlusta á Útvarp Sögu.

[Heimir Lárusson Fjeldsted, 12.12.2008 kl. 11:37]

Ég hef ekki hlustað á Sögu í meira en mánuð. Kveikti í morgun til að heyra hvort fégagarnir væru ekki enn við sama heygarðshornið.

Allt við það sama......

[Jórunn Sigurbergsdóttir , 12.12.2008 kl. 13:14]

Ekki var þetta falleg spá og vona ég að enginn gangi í sjóinn.

[Heimir Lárusson Fjeldsted, 12.12.2008 kl. 14:47]

Þetta á víst að vera fyndið hjá þessum mönnum, en aðkrepptur almúginn hlær ekki.