Evran á 25 kall!

Sem oftar var ég í Kjötborg  við Ásvallagötuna áðan að draga björg í bú og afla frétta.

Ég má til með að skjóta því að að í Kjötborg fæ ég allt til heimilisins og gætu því bræðurnir auglýst "allt í einni ferð".

Kjötborg hefur að undanförnu verið með úrvalskjötvörur frá Kjötpól sem er pólskt kjötiðnaðarfyrirtæki að mér skilst. Í þessum skrifuðu orðum er ég að gæða mér á svínakjöti sem er selt soðið líkt og skinka, en bara mikið bragðbetra.

Varan heitir Kielbasa Szynkowa sem gæti alveg þýtt: " úrvals léttreykt svínakjöt".

 

Ég má til með að segja ykkur frá því að það er engu líkara en tíminn standi í stað í Kjötborg því nær engar verðhækkanir hafa náð vestur á Ásvallagötu og áreiðanlegur viðskiptavinur sagði mér að hvorki verðbólga né kreppa hefðu ratað í hornbúðina Kjötborg.

 

Meðal annarra frétta sagði kaupmaðurinn mér að Kjötborgarmyndin fræga verði sýnd á sjálfan Jóladag, en nánari tíma vissi hann ekki.

 

Þá var hvíslað að mér að bræðurnir eigi nokkurt magn af Evrum sem þeir selja á aðeins 25 krónur hverja.

Í rauninni veit ég ekki hvort ég má segja frá þessu og fæ ekki að vita það fyrr en ég kem í búðina á morgun.

Sé eitthvað athugavert við þetta nú eða ólöglegt,  bið ég ykkur að fara ekki með það lengra.

Vildu stöðva Icesave