Lágkúra.

Eins og Ísafold fór vel af stað gerði ég mér vonir um að það væri bara fyrsta tölublaðið í langri röð góðra tímarita.
Sú von er úti eftir að annað tölublaðið kom út með dæmalausri grein um Elli- og dvalarheimilið Grund. Ég held að leitun sé að annarri eins hörmung sem á að kalla blaðamennsku en er lítið annað en rógur og skíkast af verstu tegund.
Bæði er veist að starfsfólki og heimilisfólki á barnalegan og smánarlegan hátt og ættu aðstandendur að biðja heimilisólk, aðstandendur og starfsfólk afsökunar.

200 milljónir til að mæta fjárhagsvanda heilbrigðisstofnana

Athugasemdir

[Bragi Einarsson, 29.11.2006 kl. 22:20]

ég held að þér væri nær að agnúast út í þá á Grund frekar en að fjasa út af þessari "frétt".  Það er tími til komin að þessi mál komi upp á yfirborðið. Það er skömm af því hvernig farið er með gamla liðið!

[Jón Agnar Ólason, 30.11.2006 kl. 00:35]

Sammála ræðumönnunum hér á undan. Það er glórulaust að veitast að sendiboðanum, gargaðu frekar á sökudólgana sem stýra Grund. Ég þori að veðja að þú átt ekki ættingja eða aðra nákomna sem eru vistmenn þarna inni; líklegra þykir mér að þú eigir vensl við einhvern innan stjórnendateymisins án þess að ég hafi hugmynd um það. En það er ekkert að því að stinga á kýlum eins og þessu, jafnvel þó daunninn af greftrinum verði mönnum eins og þér ofviða.

[Heimir Lárusson Fjeldsted, 30.11.2006 kl. 08:51]

Ég þekki starfsfólk og heimilisfólk á Grund, en engan úr stjórnunarteyminu.

Þeim er illa brugðið.

[Jórunn Sigurbergsdóttir , 30.11.2006 kl. 11:14]

Ég er viss um að starfsmönnum á Grund er  brugðið. Þekki nokkra sem eru eflaust góðir starfskraftar. Það breytir því ekki að sé þetta satt sem sagt er í greininni er það til hábornar skammar. Hitt er annað að fara svona að er lákúra en svo á móti eigum við að þegja yfir öllu bara vegna þess hve smátt þjóðfélag okkar er.? 

[Heimir Lárusson Fjeldsted, 30.11.2006 kl. 16:20]

Eftir því sem ég best veit er þetta allt saman fært mjög í stílinn.

Konan ræður sig til vinnu á Grund með það fyrir augum að skrifa krassandi grein um reynslu sína.

Hún virðist ekki gera sér grein fyrir því grundvallaratriði að heimilisólk er þarna vegna þess að það er hjálpar þurfi. Hún virðist hafa tekið þann pól í hæðina að fólkið sé þarna gestir til að stytta sér stundir.

Það hefði verið bragðlaus grein ef hún hefði ekki ráðið sig til starfa með það fyrir augum að skrifa seljanlega grein fyrir Reyni Traustason.