Hissa á túlkun kjarasamnings.

Vinnuvika starfsmanna í fullu starfi er skilgreind í kjarasamningum sem 40 klst., nema um skemmri vinnutíma sé sérstaklega samið.
Ég hélt að 40 klst. vinnuvika ætti við um okkur vaktavinnufólk eins og aðra, en þar virðist ég ekki hafa rétt fyrir mér.
Í vinnuáætlun minni fyrir tímabilið 19.08.07 - 31.05.08 koma fyrstu heilu vinnuvikurnar svona út:
1. 42:27 klst.
2. 42:46 klst.
3. 40:17 klst.
4. 41:25 klst. og
5. 41:45 klst.

Ég hef spurst fyrir um hverju þetta sætir þegar lög um 40 klst vinnuviku eru í gildi fyrir utan kjarasamning sem líka kveður á um 40 klst. vinnuviku, en spurningin er líklega borin fram af svo mikilli heimsku að vinnuveitandi sér ekki ástæðu til að svara henni.
Getur vinnuveitandi fyrirskipað að meðaltals vinnuvika sé 40 klst. þannig að ég eigi að vinna fimm sinnum 48 klst. svo dæmi sé nefnt og fimm sinnum 32 klst. þannig að meðaltalið verði 40 klst?
Mér myndi þá líða frekar illa fyrstu fimm vikurnar, en nokkuð vel næstu fimm vikurnar þar á eftir, svo að meðaltali liði mér bara nokkuð vel við störfin sé litið á tíu vikna meðaltal.
Er þetta andlag kjarasamningsins sem Strætó bs. gerði við Starfsmannafélag Reykjavíkurborgar í ársbyrjun 2006 og gildir frá 1. nóvember 2005 til og með 31. október 2008?

Athugasemdir

[Ari Guðmar Hallgrímsson, 26.9.2007 kl. 13:00]

Skil ekki þessa útreikninga á vinnuvikuni,ég hef staðið í þeirri meiningu  frm að þessu að 40 klst í dagvinna væri löggilt vinnuvika hjá öllum,hvort sem um vaktavinnu eða aðra er að ræða

[Heimir Lárusson Fjeldsted, 26.9.2007 kl. 13:08]

Ég hélt það líka, en........

[Heimir Lárusson Fjeldsted, 26.9.2007 kl. 17:22]

Ég hef hvað eftir annað reynt að fá skýringar hjá fyrirtækinu, án árangurs. Síðast núna rétt áðan.

Stéttarfélagi vísaði í dag á fyrirtækið svo ég sá mig tilneyddan að leita á náðir formanns BSRB til að fá svör.

Hann er þekktur fyrir að ssvara fljótt og vel, svo enginn þurfi að velkjast í vafa stundinni lengur.

[Heimir Lárusson Fjeldsted, 29.9.2007 kl. 08:41]

Þeir virðast frekar vilja láta sjóða upp úr heldur en lækka hitann með því t.d. að svara erindum, og/eða virða þann viðlits sem bendir á meinsemdina og spyr heinskilningslega. Svona stjórnunarpólitík á ég afa bágt með að skilja.

Var einhver að tala um mannauðsstjórnun?