Stjórnkænska R-listans sáluga?

Byggðasamlag um almenningssamgöngur á höfuðborgarsvæðinu Strætó bs. er samsett  af sjö sveitarfélögum. Hlutur hvers sveitarfélags er mismunandi stór og fer eftir hve mikil þjónusta er keypt af byggðasamlaginu.

Mér skilst að Reykjavík eigi 65% eða öllu heldur greiði 65% af rekstrarkostnaði við Strætó.

Hjá Strætó starfa um 260 menn og konur auk starfsfólks undirverktakanna sem sjá um samgöngur í Hafnarfirði, Álftanesi, Garðabæ og Kópavogi. Samtals giska ég á að starfsfólkið sé yfir fjögur hundruð.

Nú ber svo við eftir sveitarstjórnarkosningar í liðnum mánuði kemur að hluta til eða að mestu leyti nýtt fólk til starfa í sjö manna stjórn samlagsins. Flestum þykir einsýnt að Reykjavík fái stjórnarformanninn. Málið er ekki svona einfalt því R-listinn var búinn að binda svo um hnútana að eitthvert nágrannasveitarfélagið (Kópavogur?) fær formanninn.

Nú geta nágrannar okkar farið að ráðskast með fjármuni borgarinnar í krafti stöðu sinnar því miklu getur formaður og fimm önnur atkvæði af sjö ráðið um framvindu mála.

Er þetta stjórnkænska?