Hatrið býr enn í brjósti

Ríkisstjórnin nýtur ótrúlega mikils fylgis. Skýringar á því liggja sannarlega ekki á lausu. Líkleg skýring er að hatur sumra á Sjálfstæðisflokki er svo mikið að þeir ljá ríkisstjórn brostinna vona atkvæði sitt í skoðanakönnun.

Líklegt er að álit fólks á Sjálfstæðisflokki breytist smá og smá þegar líða fer á árið og réttar upplýsingar koma fram um ástæður hrunsins.

Þá vegur þungt á vogarskálum að fréttamiðlar Jóns Ásgeirs Jóhannessonar eins mesta og ákafasta gerandans í hruninu styðja stjórnina í hverju sem á gengur. 

Margir eru minnugir þess að starfsmenn Jóns Ásgeirs lögðu banana á tröppur Alþingishússins við Austurvöll og vildu þar með gefa í skyn að við byggjum í bananalýðveldi

Gerist það annarsstaðar en í bananalýðveldi að mesti gerandinn í því að koma heilli þjóð á vonarvöl með því að skerða lífskjör hennar til langrar framtíðar, skul eiga og stýra stærstu fjölmiðlum lands síns?

Fjölmiðlar Jóns  Ásgeirs hatast við Sjálfstæðisflokkinn til að þóknast Samfylkingunni og Vg á meðan þeir flokkar eru við völd og það hatur endurspeglast í alltof miklum stuðningi við ríkisstjórn svikinna loforða.

 

Ríkisstjórnin með 37% fylgi

Athugasemdir

[Geir Ágústsson, 2.1.2011 kl. 01:02]

Naut George W. Bush einhvern tímann minni stuðning? Ég held ekki, svei mér þá.

[Heimir Lárusson Fjeldsted, 2.1.2011 kl. 01:34]

Það að vera sárt fyrir Jógrím að vera líkt við Gerorg tvöfaltvaff.

[Heimir Lárusson Fjeldsted, 2.1.2011 kl. 07:27]

p.s það hlýtur að vera...

[Sigurbjörg Eiríksdóttir, 2.1.2011 kl. 10:02]

Hvenær skyldi fólk vakna?:( Það sefur fast!