Plús í kladda forsætisráðherra

Jóhanna Sigurðardóttir afþakkaði sérmeðferð flugliða Icelandair á Reykjavíkurflugvelli í morgun Er það vel. Fátt er um plúsa í kladdanum hennar og þessi því kærkominn. 

Samfylkingin sem er hvað frægust flokka fyrir dekur við flokksgæðinga eins og ótal dæmi sanna á að taka formanninn sér til fyrirmyndar þótt þetta dæmi sé lítið og ekki merkilegt.

Kommissararnir í Vinstri grænum hefðu þegið boðið um að ganga frá borði og hefðu örugglega sent eftir biksvörtum Volvo-jeppum út á miðjan völl, rétt eins og gerist í Moskvu. 

Hafnaði boði um forgang

Athugasemdir

[Helga , 5.8.2010 kl. 13:02]

Plús í kladdann....?  Mér finnst þetta reyndar heimskuleg sýndarmennska....  Jóhanna er forsetisráðherra í ríkisstjórn sem er uppfull af verkefnum erfiðra mála og það er þjóðinni til hagsbóta ef hún hefði stigið úr vélinni á Reykjavíkurvelli og komið sér til vinnu, í stað þess að eyða 3-4 tímum í vesenið sem fylgdi hinu.  Annað hefði verið á teningnum ef hún væri einhver banka eða útrásarvímingur að fiska eftir sérmeðferð.  Þetta er ekkert annað en syndarmennska.

[Kjartan Sigurgeirsson, 5.8.2010 kl. 13:12]

Það sjást nú ekki þau spor eftir hana í viðreisn þjóðarinnar að ástæða sé til að ætla að þjóðin hafi misst af einhverju þó það sama hafi yfir hana gengið og aðra farþega

[Sigurbjörg Eiríksdóttir, 5.8.2010 kl. 13:16]

Það komu nokkrir plúsar í kladdann hennar fyrr á árum..Hún hefði betur hætt á réttum tíma. Þeir eru ansi fáir núna.

[Helga , 5.8.2010 kl. 13:27]

Reyndar alveg rétt Kjartan ;-D  Samt ótrúlegt að hún METI VINNU SÍNA I RÍKISSTJÓRN ekki það mikið sjálf......   Henni er boðið að stíga út í RVK.  en finnst hún iannski ekki vinna landinu það mikið gagn ;-D   að hún sem aðalforsvarsmaður þjóðarinnar ætti að vera til taks annarsstaðar en föst í flugvél.....?? 

Hún velur sjálf að vera frekar föst í flugvél  - sjálfur forsætisráðherrann.....

[Heimir Lárusson Fjeldsted, 5.8.2010 kl. 14:23]

Það eru ekki teljandi á fingrum annarrar handar plúsarnir sem ég hef skráð í kladda Jóhönnu sem forsætisráðherra, líklega eru þeir einum of margir ef Helga hefur rétt fyrir sér.

Jóhann er mér ógleymanleg sem félagsmálaráðherra um 1991, en þá sýndi hún röggsemi og skilning í erfiðum málum.