Poul Volker fyrrum ráðgjafi bandaríkjaforseta og seðlabankastjóri

Fyrir nokkrum árum spurði ég Paul Volcker að því hvað við ættum að gera í gjaldeyrismálum, kasta krónunni fyrir róða og taka upp aðra mynt eða halda okkur við sama gjaldmiðilinn.

Hann svaraði að krónan kæmi okkur örugglega upp úr öldudalnum og þegar upp væri komið skyldum við halda henni allavega nokkur ár. Þegar stöðugleika væri náð gætum við litið í kringum okkur og spurt okkur hvort eitthvað betra væri í boði. Ef við teldum það kæmi einkum tvennt til greina, Evra og Kanadadalur.

Reyndar væri ekki víst að evran væri enn til, því ýmis teikn væru á lofti um fallvaltleika hennar. Kanadadalur væri sterkur og stöndugur.

Aðspurður um bandaríkjadalinn, sagði hann að allt færi eftir hvort Kínverjar hefðu sömu alþjóðastefnu, en allt benti til þess. Þeir gætu tekið Bandaríkin niður þegar og ef þeir vildu. Hann varaði okkur sterklega við að taka ákvörðun um breytingu að ástæðulausu, en krónan hentaði okkur best í náinni framtíð vegna samsetningar atvinnuveganna sem væru meira og minna háðir náttúruöflunum.

„Evran var dauðadæmd frá upphafi“

Var Jakob Bjarnar drukkinn?

Þegar hann skrifaði þetta á Fasbók?:

´´Jakob Bjarnar Gretarsson

Heimir Lárus. Þú ert attaníoss pilsfaldakapítalista, tækifærissinnaður sérhyggjumaður, þrælslundaðaður og prinsipplaus vesalingur sem ættir ekki undir nokkrum kringumstæðum að gapa þetta á opinberum vettvangi; mótsagnakenndur með hausinn forskrúfaðan á herðum í blindri flokkshollustu. Ég hef aldrei séð þig leggja neitt til af viti, rakalaust raus eru þínar ær og kýr og í raun eru meðmæli frá þér ávísun á drasl. Veldur mér sárum vonbrigðum að sjá að Baldur Hermannsson læka þessa sauðheimsku.´´

Mér brá að lesa ummæli starfandi blaðamanns um mig.