Félegt atarna.

Hvorki veit ég við hverja er átt né hver orti, en ekki ber höfundur fallegan hug til konunnar.

Gróf kvenlýsing.

Á vitsmunavellinum rann ei
velsæmisreglurnar kann ei
hún innræti leyndi
ei skapofsann treindi
gæfuna Opingátt fann ei.

Alvarlegt ástand hjá Strætó?

Mér brá verulega þegar ég leit í gær á heimasíðu nýju trúnaðarmannanna hjá Strætó og eftirfarandi yfirlýsing blasti við:

 

              "FRÁ TRÚNAÐARMÖNNUM STRÆTÓ.

Þar sem við ætlum ekki að munnhöggvast á netinu við yfirmenn Strætó, viljum við láta starfsmenn Strætó vita að það er alvarlegur ágreiningur á milli aðila og í framhaldi af því höfum við lokað heimasíðunni okkar."

Sem fyrrverandi starfsmanni leikur mér forvitni á að vita hvaða þætti kjarasamningsins ágreiningurinn stendur um.

Mættum við fá meira að heyra? 

Af skaðsemi nagladekkja og fækkun fata.

Það telst sannað mál að nagladekk spæna upp malbik og svifryk sem af því myndast er talið mjög heilsuspillandi, einkum fólki með slæmsku í lungum. Þá er talið að skaðsemin sé hvergi nærri talin. Væri ekki nær fyrir borgaryfirvöld með lækni í fararbroddi að banna nagladekk frekar en að skipta sér af stelpum sem hafa gaman af að fækka fötum í nærvist karla sem borga þeim fyrir viðvikið? Stúlkurnar gætu í versta falli kvefast.

Borgarráð leggst gegn starfsemi nektarstaða

Síðan hef ég verið svona.

Ég horfði á leikinn á Idrætsparken á sínum tíma. Ég er auðvitað að tala um 14-2 leikinn 1967. Fátækur námsmaður. Hvatti liðið óspart þar til um 3 mínútur voru til leiksloka. Sá þá (fyrst) fram á að erfitt yrði að hitta dönsku félagana daginn eftir. Gleymi aldrei forsíðunni á Ekstrabladet og því síður forsíðu BT daginn eftir. Síðan hef ég verið svona.

Íslendingar skoruðu síðast í Danmörku 1974

Af undirferli og fláræði.

Á heimasíðu nýkjörinna fulltrúa StRv. hjá Strætó bs. sem heitir einstaklega táknrænu nafni: " Gráa svæðið " er ýmislegt til umræðu eins og sjá má. Þar er vitnað til fráfarandi "Aðaltrúnaðamanns" (Aðal) og fullyrt að hann sé enn á fullu í störfum trúnaðarmanns og verði um ófyrirséða framtíð.

Aðal sagði í viðtali við DV um miðjan október s.l.: " Ég nenni ekki lengur að berjast í þessu og hef ákveðið að hætta núna". Síðan segir Aðal og skýtur þar með föstum skotum á framkvæmdastjórn Strætó bs og StRv. : "Vaktakerfið meginvandann í sínum huga" svo "...... óánægja með vinnukerfið er mikil" . Fyrir fulltrúakjörið lofar Aðal að hann muni hætta, en þau orð hans eru eins og svo oft áður á "gráu svæði". Ekki nokkurn skapaðan hlut að marka þau.

Í tilvitnaðri málsgrein hér á eftir stendur: " Það væri óskandi að fleiri fyrrverandi trúnaðarmenn gerðu slíkt hiða sama........"

Ekki er það nú beint aðgengilegt þegar nýkjörinn trúnaðarmaður er uppvís að lygum um vinnufélaga sinn á fyrstu dögum sínum sem trúnaðarmaður eins og vitnað hefur verið til.
Klikkja svo út með að segja: "Vinnum saman!"

"Valdimar Jónsson, fráfarandi Aðaltrúnaðarmaður stóð sig ákaflega vel síðasta kjörtímabil. Við þökkum honum og fráfarandi fulltrúum þeirra framlag til baráttunar. Valdimar hefur þó ekki sagt sitt síðasta í þessum málum því hann mun aðstoða okkur við að komast inn í málin enda er af nógu að taka. Hann mun vera ráðgjafi okkar í framtíðinni með meiru enda hafsjór af fróðleik um verkalýðsmál. Það væri óskandi að fleirri fyrrverandi trúnaðarmenn gerðu hið sama svo hægt sé að koma upplýsingum á einn stað. Við erum ekki í eigin Heimi! Vinnum saman!"

Vinnubrögð þessa hóps eru strax virkilega á "gráu svæði" og þau taka ekki við fyrr en 27. nóvember n.k.
Hvernig verða vinnubrögðin þegar þau byrja?

Af sambúðarerfiðleikum starfsmanna Strætó.

Ég fékk í gær athugasemd frá bloggstjóra Morgunblaðsins þess efnis að ákveðnir starfsmenn ákveðins fyrirtækis hefðu kvartað yfir pillum sem ég hef sent þeim nafngreindum. Sá sem kvörtunina ber fram við Mogga segir að ég væni þau um"óheiðarleika og undirferli." Að "ummælin séu ósönn og umfjöllunin öll mjög slæm."

Af minni hálfu ætlast ég ekki til að pillurnar valdi skaða, heldur er þeim ætlað að bæta núverandi ástand.

Ég gat þess í pistli að nafngreind kona hefði haft orð á að nafngreindur strætisvagnstjóri hefði talað mínu máli við framkvæmdastjóra fyrirtækisins og fengið hann ofan af því að reka mig úr starfi gegn því skilyrði að ég hætti að blogga. Ég er nafngreindu konunni og nafngreinda strætisvagnstjóranum auðvitað þakklátur fyrir meinta umhyggju, en ég dreg í efa að satt sé sagt frá. Ég hef ekki fengið tiltal frá framkvæmdastjóranum vegna skrifa minna og tel jafnvel að hann lesi þau sér til ánægju.

Ég vil taka fram að það sem ég skrifa er undir nafni og ég er tilbúinn að standa við orð mín hvar og hvenær sem er.

Ég hef óskað eftir því við Ingvar Hjálmarsson netstjóra mbl.is að hann afli upplýsinga um hvað ósatt og ofsagt er í pistlum mínum og vænti ég þess að óskendur ritskoðunar sendi honum greinargerð sem berist svo til mín. Ég
bíð spenntur.

Þetta ágæta fólk sem óskar eftir að mbl.is loki heimasíðu minni veit að ég er ekki búinn að vekja athygli á nærri öllu sem þau hafa látið sér um munn fara og þolir illa dagsins ljós. Ég hef heldur ekki ætlað mér að opinbera meira nema að þau gefi ríka ástæðu til.

Það er nú svo með öll meðul og pillur að aukaverkanir geta hlotist af inntökunni. Ég steingleymdi að gera þeim grein fyrir þeim, en þær eru helstar; ókyrrð, eirðarleysi, óöryggi, meltingartruflanir, fælni við spegla og í einstaka tilvikum ofbeldi eins og loka heimasíðum.

Það verður fróðlegt að sjá hver framvindan verður; munu kærendur svara fyrir sig opinberlega? Verður erindinu vísað til lögmanna Morgunblaðsins?

Á stórum vinnustað þarf að taka upp vinnubrögð sem eru starfsmönnum bjóðandi. Óbærilegt kjaftasöguástand ríkir hjá Strætó og hefur gert undanfarin ár og því verður að linna. Fólk á ekki að þurfa að kvíða því að koma til starfa vegna rógs samstarfsmanna sinna eins og ítrekað hefur komið á daginn.
Rógberarnir eru svo hissa á mikilli starfsmannaveltu hjá Strætó bs.?
Á ekki ennþá við fyrirsögn greinar í Morgunblaðinu 2. apríl 2006?: "VIÐ VILJUM FRIÐ UM STRÆTÓ".

Af gefnu tilefni bendi ég viðkomandi á að opið er fyrir athugasemdir.

Þegar ekki er vegið úr launsátri.

Ég hefi orðið var við að nafngreindum einstaklingum hjá ákveðnu fyrirtæki líkar ekki við skrif mín hér á blogginu. Telja mig fara með rangt mál og valda þeim óþægindum af þeim sökum.
Hafi ég á einhvern hátt farið með rangt mál biðst ég afsökunar á því, en ég get ekki beðist afsökunar á að skýra rétt frá málum þótt einhverjum kunni að þykja erfitt og jafnvel ósanngjarnt að horfast í augu við sjálfan sig. Það er eitt að vega að fólki úr launsátri með rógi og lygum og annað að setja skoðanir sínar fram með þeim hætti, sem nú er kvartað yfir.
Sannleikanum er hver sárreiðastur.

Haltu mér slepptu mér aðferðin.

Mér finnst skjóta skökku við að nýkjörnir fulltrúar Starfsmannafélags Reykjavíkurborgar (StRv) skuli halda áfram að skipta við lögmannsstofu sem ekki er í samvinnu við StRv. Jóhannes Gunnarsson var búinn að greiða úr eigin vasa tæpar hundrað þúsund krónur að eigin sögn og búinn að fá skýrslu í hendur.
Hann ámálgaði við StRv að það greiddi honum þennan útlagða kostnað en formaður StRv Garðar Hilmarsson tjáði honum á fundi með okkur að það myndi félagið ekki gera. Þessi lögmannsstofa væri ekki sú stofa sem félagið hefði samning við. Auk þess væri lögfræðingur á vegum BSRB.

Samt halda kjörnir fulltrúar StRv að skipta við sömu lögmannsstofu. Ekki er tryggðin við félagið mikil í upphafi kjörtímabils.
Enda er þetta fólk þekkt af því að vilja segja skilið við félagið sem það sóttist eftir að vera fulltrúar fyrir.

Það vekur athygli að Starfsmannafélag SVR leggur ekki lengur nafn sitt við söfnunina hvað sem veldur.

Af heimasíðu fulltrúa:
"1500 kall á mann!
Nú þurfum við að leita til starfsmanna til að safna fyrir lögfræðikostnaði sem Starfsmannafélag Reykjavíkurborgar mun ekki taka þátt í. Síðan síðustu kjarasamningar voru gerðir hefur hópur innan vagnstjórahópsins talið að ýmislegt sem gert hefur verið í niðurskurði á "launakostnaði" hafi orkað tvímælis. Nafn heimasíðunnar "Gráa svæðið" er komið vegna samningstúlkanna á sumum af þessum málum. Því var úr að, við nokkur, kostuðum aðstoðina úr eigin vasa (peningum vel varið). Í dag er kostnaðurinn kominn eitthvað á annað hundrað þúsund. Það styttist í að við förum yfir niðurstöður í þessu máli. Allavega er þetta góður undirbúningur fyrir næstu samningagerð.

Fyrsti reikningur hljóðaði upp á 88.000 krónur. Ekki er enn ljóst hver lokatalan verður en við höfum óskað eftir meiri vinnu og mati á nokkrum málum. Við munum ekki stjórna söfnuninni sjálf til þess að allt sé uppi bæði um kostnað og útgjöld.

Samningurinn okkar rennur út 31. október 2008. Við leitum nú til starfsmanna um framlög til þess að greiða þennann kostnað. Ef hver og einn greiðir 1500 krónur gæti jafnvel orðið afgangur sem við gætum nýtt til frekari dáða á þessu sviði."

Af starfsmannamálum hjá Strætó bs.

Þegar ég bloggði um kjör fulltrúa Starfsmannafélags Reykjavíkurborgar hjá Strætó bs. nýlega vék ég að Starfsmannafélagi SVR og meintum afskiptum þess af fulltrúakjörinu.
Fyrir vinsamleg tilmæli tók ég ummælin úr pistlinum því talið vara að ég gæti ekki fært sönnur á orð mín. Mér var það ljúft. Nú hefur mér verið bent á slóðina hivenet.is/bus sem nýju trúnaðarmennirnir hafa opnað. Allt gott er um það að segja og megi vegur heimasíðunnar verða sem bestur. Fyrir trúnaðarmannakjörið kom fram að Jóhannes Gunnarsson frambjóðandi hafi greitt hátt í hundrað þúrund krónur til Láru V. Júlíusdóttur fyrir lögfræðiálit sem hún vann fyrir hann persónulega. Vissulega mikið fé fyrir fjölskyldumann að greiða af sameiginlegum peningum fjölskyldu sinnar. Jóhannes gat ekki staðist freistinguna að kaupa lögfræðiálit sem sannaði kenningu hans um að Starfsmannafélag Reykjavíkurborgar stæði sig ekki í stykkinu og stólaði hann á að félagarnir hlypu undir bagga með honum og leggðu eitthvað af mörkum.
Ég sló á þráðinn til hans og bauðst til að gangast fyrir söfnun á meðal starfsmanna og afgreiða reikninginn. Jóhannes afþakkaði aðstoð mína og sagði að Ingunn Guðnadóttir hefði haft orð á því að leita til Starfsmannafélags SVR og fá þetta greitt úr sjóðum þess. Þar með lauk áhyggjum mínum af fjármálum Jóhannesar. Þetta var fyrir kosningar til fulltrúaráðs StRv.
Nú bregður svo við að skyndilega er reikningsupphæðin komin "á annað hundruð þúsund krónur" eins og segir á heimasíðu Jóhannesar og starfsmenn eru beðnir að leggja inn á reikning fimmtán hundruð krónur hver og segir þar að: "þá erum við í góðum málum". Ég sá á kennitölunni að ekki var um að ræða kennitölu einstaklings og fékk því þær upplýsingar hjá Ríkisskattstjóra að þetta væri kennitala Starfsmannafélags SVR. Í ljósi þessa stend ég við fyrri ummæli mín um að Starfsmannafélagið hafi beitt sér í kosningaundirbúningi fyrir fulltrúaráð StRv. og hefur því afklæðst hlutleysishempu sinni.
Að sinni tel ég ekki ástæðu til að ræða um þátt Valdimars Jónssonar fyrrum Aðaltrúnaðarmanns (ath. með stórum stað af heimasíðu Jóhannesar) og andlegum leiðtoga hópsins.
("Valdimar Jónsson, fráfarandi Aðaltrúnaðarmaður stóð sig ákaflega vel. Við þökkum honum og fráfarandi fulltrúum þeirra framlag til baráttunar. Valdimar hefur þó ekki sagt sitt síðasta í þessum málum því hann mun aðstoða okkur og vera ráðgjafi okkar í framtíðinni með meiru..." af heimasíðu Jóhannesar Gunnarssonar).
Valdimar hefur undanfarna daga gengið á milli manna og sagt að hann komi á engan hátt nærri "þessu fólki".

Lesendum mínum til fróðleiks birti ég söfnunarávarp Starfsmannafélags SVR á heimasíðu Jóhannesar Gunnarssonar:

"Söfnun vegna lögfræðikostnaðar.
Vinsamlega skráðu starfsmannanúmerið þitt og nafn með. Ef hver og einn greiðir 1500 krónur þá erum við í góðum málum.
Banki # 0515
HB 14
Reikn # 613375
Kt: 680580-0309".

p.s.
Ég vil geta þess að Starfsmannafélag SVR var líka misnotað fyrir fulltrúakjör 2005 og af þeim sökum sagði ég mig úr félaginu.

Leikskóladeild Útvarps Sögu?

Á hvaða leið er Útvarp Saga? Spurning dagsins í í dag er: "Telur þú að Davíð Oddsson eigi að hætta í Seðlabankanum?" Ég held stundum að Saga vilji láta taka sig alvarlega, en svona barnaskapur tekur af allan vafa.