Rás tvö.

Mikið þykir mér Rás 2 hafa farið fram að undanförnu. Hver þáttagerðarmaðurinn eftir annan hefur bætt sig og leggur meiri metnað í starf sitt.
Nægir þar að nefna Guðna Má Henningsson sem hefur eina bestu útvarpsrödd landsins og er hafsjór af þekkingu um tónlist og ekki síður áhugasamur og hefur þar að auki hæfileika til að miðla af reynslu sinni og þekkingu.

Mörgum manninum verður þáttur Margrétar Blöndal og Gests Einars Jónassonar að kvöldi annars páskadags ógleymanlegur.
Fóru þau einfaldlega á kostum. Margrét Blöndal daðrar meira og betur við hljóðnemann en nokkur önnur útvarpskona hér á landi. Hún er óborganleg þegar hún tekur sig til.
Þá dró hún rugguhestinn með grátt í vöngum með sér á fljúgandi skeið svo unun var á að hlýða fyrir okkur sem sinntum skyldustörfum þþetta kvöld.

Hafi þau öll þökk fyrir og líka þið hin.

Vill láta reka Styrmi.

Að venju hlustaði ég á Guðmund Ólafsson og Sigurð G. Tómasson í morgun og eins og svo oft áður vörðu þeir miklum tíma í að hnýta í Davíð Oddsson, Jón Steinar Gunnlaugsson og Hannes Hólmstein Gissurarson.
Ekki hafa þeir sóma af.

Núna tóku þeir Styrmi ritstjóra Gunnarsson líka fyrir og vill Sigurður G. Tómasson láta reka hann frá Morgunblaðinu, hvorki meira né minna. Ástæðan er að hann er ekki sammála SGT varðandi stærsta glæpamál þjóðarinnar frá upphafi, Baugsmálið.

Mér finnst frekar dapurt að hlusta á þessa greindu menn hlaupa og ganga erinda auðhringsins í hverjum þættinum á fætur öðrum, en líklega er það vegna þess að Baugur greiðir launin þeirra.
En þeirra er að opna sálu sína og afhjúpa sinn innri mann.
Engin framangreindra manna er minni eftir aurkastið.

Jórunn sendi mér þennan ;)

Miðaldra maður í Ameríku keypti sér nýjan Audi sportbíl til að halda uppá það að konan hans fór frá honum. Fór svo í bíltúr um kvöldið til að sýna sig og sjá aðra. Topp lúgan var dregin niður og vindurinn blés í þær hárlýjur sem ennþá prýddu höfuð hans. Hann gaf hressilega í og þegar hraðamælirinn sýndi 180 sá hann skyndilega að baki sér lögguna með blikkandi ljósin.
Hmrmff... þeir ná mér aldrei á þessum bíl og hann gaf í... og gaf aftur í .. Þá tók skynsemin völdin og hann sagði við sjálfan sig "Hvað er eiginlega að mér?" ..hægði á og keyrði út í vegarkantinn.
Löggan kom að honum leit á ökuskírteinið og grandskoðaði bílinn:
"Þetta hefur verið langur vinnudagur" sagði hann "ég er að ljúka vaktinni og það er föstudagurinn 13. Ég nenni ekki meiri pappírsvinnu, og hef engan áhuga á yfirvinnu, - ég gef þér séns. Ef þú getur komið með góða afsökun fyrir þessum ofsahraða sem þú fórst á ,betri en ég hef nokkru sinni heyrt, þá læt ég þig sleppa í þetta sinn"

Kallinn hugsaði sig um nokkra stund og segir loks:
"Kellingin stakk af fyrir nokkrum dögum með lögreglumanni. Ég var, skal ég segja þér, svo hræddur um að þú værir að skila henni"

"Góða helgi" , sagði löggan

"Mafía er það og Mafía skal það heita."

Það er ekki skrítið að menn séu tregir til að viðra skoðanir sínar á ummælum Eiríks Tómassonar eða annarra sem tjá sig um sakamálið sem kennt er við Baug á síðu Jóns Vals Jenssonar hér á blog.is.

Þvílíkur er óttinn við hefnd af hálfu Baugsmanna.

Ítök þeirra í atvinnulíf okkar eru slík að ugg setur að fólki. Þeir hafa ótrúleg ítök í bankakerfinu og geta sett mönnum stólinn fyrir dyrnar þar eins og svo víða í atvinnulífinu.

Þótt þeir eigi ekki beina aðild að öllum fyrirtækjum landsins eiga þeir óbeina aðild, eða öllu heldur yfirráð í formi viðskiptaþvingana ef viðkomandi makkar ekki rétt.

Ég hygg að engin Mafía hafi náð ámóta tökum á heilli þjóð, sem þeir hafa á okkar.

Þetta ástand er óhugnanlegt.

Menn sem bjóða forsætisráðherra sporlausa peninga eru áður búnir að múta mörgum.

Var það ekki fyrrverandi lagapróessorinn Ólafur þáverandi forsætisráðherra Jóhannesson sem lét tilvitnuð orð í fyrirsögninni falla á Alþingi Íslendinga um árið.
Þegar hann vitnaði til lítilsháttar Vísismafíu.

Baugsmálið: Kristín Jóhannesdóttir yfirheyrð í Héraðsdómi Reykjavíkur

Var Jóhannes í Bónusi að segja ósatt.

Mér þykir einkennilegt ef sá mæti maður Jóhannes Jónsson kenndur í Bónus hefur alltaf sagt ósatt þegar hann talaði um bátinn sinn í Florida.
Ef ætti að kalla alla þá fyrir sem heyrt hafa ummæli hans um Víkinginn sinn í Flórída, sem hann lét falla árum saman í flugvélum, veitingastöðum og annarsstaðar sem margir "áttu" að heyra tæki það marga mánuði að hlýða á framburð þeirra.

Mér þykir það helvíti hart að sonur hans og verjandi hans ásamt Tryggva Jónssyni skuli komast upp með það eiðsvarnir fyrir rétti að segja Jóhannes Jónsson kenndan í Bónus ekki mann orða sinna.

Yfirheyrslum yfir Jóni Gerald lokið

Klámhundar á kaffihúsi.

Ég fór á kaffihús um daginn eins og svo margir gera hér á landi. Líklega verður þetta í síðasta sinn sem ég sæki þetta kaffihús því á næst næsta borði við mig, vinstra megin sátu fimm útlendingar við kaffi og koníaksdrykkju og ég get svarið það að þeir voru að klæmast.
Að vísu heyrði ég ekki vel orðaskil en heyrði þó orðið "porno" offt bera á góma hjá þeim og var enginn þessara klámfengnu útlendinga undanskilinn.

Hvað eftir annað gekk þjónustustúlkan framhjá borðinu og það gat ekki farið framhjá henni hvað þarna var á ferð, en hún aðhafðist ekkert. Ekki nokkurn skapaðan hlut.

Nú vil ég fara þess á leit við ríkisstjórn og borgarstjórn að svo fljótt sem auðið er verði skipuð sveit eftirlitsmanna sem fari dulbúin á okkar helstu kaffihús og veitingastaði svo ekki sé talað um hótel með upptökutæki og ekki síst heimild til að handtaka hvern þann útlending sem dirfist að tala svo ógætilega hér á landi að til kláms geti talist.
Viðkomandi yrði þegar í stað hnepptur í gæsluvarðhald án dómsúrskurðar (nægjanlegt að leita álits og samþykkis Femínistafélagsins) þar til honum yrði vísað úr landi og fengi aldrei leyfi til að koma hingað aftur.

Ég hef mun feiri tillögur gegn svona svívirðingu handbærar og geri ráð fyrir að mér verði falin yfirumsjón með klámpólitíinu.
Virðingarfyllst,
Heimir.

Klámframleiðendur ætla að leita lögfræðiaðstoðar vegna fjárhagslegs tjóns

Árlegt klám í Reykjavík.

Ég vil endilega klámhátíð til landsins.
Miklar tekjur af klámframleiðendum ryðjast inn í landið og hafa margfeldisáhrif.
Bjóðið þeim frekar á ráðstefnu sem beint verður gegn klámi og auglýsið eftir þátttakendum frá nágrannalöndunum.
Síðan eigum við að halda árlega hér eftir ráðstefnur, með og gegn klámi í Reykjavík og fjalla um nýjungar.

Klámþing verður haldið hér á landi í næsta mánuði

Þeir kaupa það sem er falt.

Ég minnist þess eftir að hafa hlustað á fréttir af yfirheyrslunum í dag að Jóhannes Jónsson gumaði eitt sinn mjög af því í flugvél áleiðis til BNA að hann ætti bát í Florida og gæti boðið öllum flugfreyjunum í partý.
Annars væri kvenfólkið vestra ekki af verri endanum.
Þegar leið á ferðina kvaðst hann þurfa meira til að svala þorstanum en flugfreyjurnar töldu öllu tormerki á því.
Þá sagðist hann bara kaupa allt helvítis flugfélagið og þær með.
Hann er svo blátt áfram hann Jóhannes.
Og svei mér þá, mér finnst það líka um dómarann............

Dómari stöðvaði skýrslutöku saksóknara í Baugsmálinu

Útvarp Saga góð talmálsstöð.

Ég hlusta oft á Útvarp Sögu. Mestan part vegna þess að þar er talað mál í öndvegi og tónlist gerð lítil en ágæt skil. Morgunhaninn Jóhann Hauksson er góður útvarpsmaður, þrælpólitískur, en situr samt oft á sér og velur viðmælendur af alúð og lítilli hlutdrægni.
Þá er Sigurður G. Tómasson einhver albesti útvarpsmaður sem ég hef heyrt. Ákaflega fróður og óþreytandi að fræða og upplýsa okkur hlustendur um hin margbreytilegustu málefni. Hann sýnir mun meiri þolinmæði við viðmælendur sína en hann gerði á fyrra Sögutímabili sínu og er það vel.
Þá velur hann viðmælendur í beinar útsendingar af kostgæfni og er ekkert endilega pólitískur í því vali sínu, enda hefur trú hans á roðann í austri dvínað.

Þá er komið að föstudögunum hans Sigurðar þegar hann fær Guðmund Ólafsson í hljóðver. Það eru þær tvær klukkustundir vikunnar sem ég má enganveginn missa af. Þeir félagar og vinir fara alltaf á kostum er þeir ræða hin ýmsu mál, hvort sem það er um tónlist þar er Guðmundur sínu fróðari, stjórnmál, jafnfærir og efnahagsmál þar sem Guðmundur er á heimavelli.
Einn er ljóður á þeim hugrenningum þeirra, en það er síellt nag þeirra í bak fyrrum forsætisráðherra Davíðs Oddssonar og Björn Bjarnasonar dómsmálaráðherra.
Almenningur er orðinn vanur skíkasti þeirra í Hannes Hólmstein Gissurarson sem er þeim líka til vansa.
Í morgun boðaði Guðmundur að hann myndi ekki koma í þáttinn til Sigurðar næstu fjórar vikurnar eða svo og vil ég þá benda Sigurði á að bjóða Davíð, Birni og Hannesi Hólmsteini að koma og svara fyrir sig.

Þá er komið að primadonnunni Arnþrúði Karlsdóttur og símatíma hennar milli ellefu og tólf. Arnþrúður er ákaflynd og málglöð kona og lætur sig ekki muna um að láta óhugsaðar fullyrðingar flakka sem stundum eru særandi. En hún talar meira um fólk en málefni.
Viðmælendur sem hringja inn fá misgóðar móttökur hjá henni og er ég hissa á honum Jóni Vali Jenssyni að sýna alltaf jafnaðargeð þegar hún er að fá hann til að ljúka sér af. Hann er þó einna málefnalegastur innhringjenda og hallmælir ekki nokkrum manni öfugt við t.d. Eirík Stefánsson.
Þá fær Margrét Sverrisdóttir ekki góða einkunn hjá útvarpsstjóranum.
Þakka allar ánægjustundirnar sem þið hafið veitt mér.

Loksins loksins

Loksins ætla yfirvöld að skoða ólöglegt samráð fákeppnisfyrirtækjanna á matvörumarkaði okkar. Skýrsla sem gerð vara af Guðmundi Ólafssyni hagfræðingi fyrir mörgum árum lýsti á einkar ljósan hátt ógeðfelldum vinnubrögðum Baugs og annarra drottnara á matvælamarkaði. Ólögmætum vinnubrögðum sem lögðu grunn að fjármálaveldi þeirra feðga og fleiri. Ég hef þrotlaust reynt að benda á þetta í mörg ár en ávallt talað fyrir daufum eyrum.
Valgerður Sverrisdóttir fyrrverandi samkeppnismálaráðherra taldi aldrei nokkur rök fyrir þessari gagnrýni. Ég hef lengi talið að hún hafai þegið mútur af Baugi ásamt vissum aðilum hjá Samkeppnisstofnun sálugu, því svo virtust þau blind eða öllu heldur vildu ekki sjá. Trúir því nokkur í raun að tilraun Hreins Lofssonar til að múta forsætisráðherra á sínum tíma hai verið hans frumraun í þeim efnum?
Guðmundur Sigurðsson sem var aðstoðarforstjóri Samkeppnisstofnunar og er núna aðstoðarmaður Páls Gunnars Pálssonar forstjóra Samkeppniseftirlits þekkir þessi mál í þaula og ætti því að geta gengið hreint til verks.

Neytendastofa hvetur almenning til að hafa eftirlit með matvælaverði