Sigga spá....

Hana Siggu spá dreymdi nýlega að komandi vetur verði snjóríkur, kyrr og bjartur mestan partinn.
Sigga spá er sko engin venjuleg spá- og draumaráðningakona.

Nýlega kom hún í vagninn til mín og ég sagði henni nýlegan draum sem mig dreymdi. Hún réði hann á augabragði, þvert ofnaí mína ráðningu sem auðvitað var lituð af óskhyggju.
Hennar ráðning var afar óheppileg fyrir mig svo ekki sé fastar að orði kveðið og er því miður að rætast þesa dagana.
Púff.

Afar óvenjulegt að snjó festi sunnanlands um miðjan september

Frábært framtak borgarstjórnar.

Mér sýnist að núverandi meirihluti í borgarstjórn sýni mikið meiri skilning á þörfinni til að jafna stöðu yngri borgaranna en sá fyrri sem sat í tólf löng ár.
Minnugur þess að síðasti formaður stjórnar almenningssamgangna á höfuðborgarsvæðinu sagði að fyrirtækið gæti ekki verið að elta minnihlutahópa eins og eldri borgara sem voru bara 4-5% viðskiptavina fyrirtækisins.
Hvað um það. Við sem höfum starfað fyrir íþróttafélögin að barna- og unglingastarfi vitum hvað misjafn fjárhagur heimilanna getur skipt bestu vinahópum í tvennt þegar kemur að iðkun íþrótta og tómstundastarfs.
Því fagna ég framtaki borgarstjórnar.

20 þúsund börn fá frístundakort

Kolbrún Bergþórsdóttir gengur í lið með ofbeldismönnum.

Ég flýti mér alltaf að fletta Fjölmiðlarýninni í Blaðinu þegar það berst mér í hendur í þeirri von að Kolbrún Bergþórsdóttir láti vaða á súðum.
Oft tekst henni vel upp og er þá hrein unun að lesa „spontant“ athugasemdir hennar um menn og málefni.
Yfirleitt særir hún engan með skrifum sínum (nema þegar hún hallmælir KR).
Í dag ber svo við að hún tekur upp hanskann fyrir andlega ofbeldissinnað fólk sem ræðsta aftan að þeim sem á einhvern hátt hafa aðrar skoðanir á málefnum en þeir, eða hafa aðrar aðferðir til að ná settum markmiðum.
Kolbrún Bergþórsdóttir gengur með þessu móti í lið með ofbeldismönnum og vekur það undrun mína.

Það sem skyggnum er eðlilegt.

Það er stórhættulegt að fjalla um skyggni opinberlega, sérstaklega eigin skyggni.
Margir hafa orðið fyrir aðkasti vegna þess og svo mun örugglega verða um ókomin ár.
Skyggnum er að sjálfsögðu afar eðlilegt að ræða um sín áhugamál og varast í byrjun ekki að á þá er litið sem geðveika ef þeir eru of opinskáir.
Skyggni getur verið af ýmsum toga s.s. berdreymni, að „finna eitthvað á sér“ eða hafa á tilfinningunni, að „sjá liti“ og svo framvegis.
Marta Lovísa uggði ekki að sér þegar hún opinberaði næmni sína og því hefur hún orðið fyrir miklu aðkasti.
Ekki ein um það.

Spurningar um engla verða ekki liðnar

Reynir Traustason ekki vandur að virðingu sinni.

Það er löngu orðið hverjum manni ljóst að Reynir Traustason hefur gefist upp á að halda í sjálfsvirðingu sína.
Þetta er ekki fyrsta sinn sem hann hagræðir sannleikanum í sölulegum tilgangi, sniðgengur mannasiði og forsmáir tilfinningar fólks.

Tilgangurinn helgar meðalið og þetta selur.

Elfar segir umfjöllun Mannlífs gróusögur og uppspuna

Ömurleg ákvörðun fyrir húsmæður þessa lands.

Þá hefst nektardansinn aftur á heimilunum. Þreyttar húsmæður bíða þess að börnin sofni og taka þá fram súluna af háloftinu, kjallaranum eða úr bíslkúrnum og dansinn dunar á ný á velflestum heimilum landsins.
Er á álagið bætandi hjá önnum köfnum húsmæðrum?
Ég segi nei og aftur nei.

Einkadansinn líður undir lok

Mannorðsmorð í Mannlífi.

Eftir lestur greinar Reynis Traustasonar og Sigurðar Boga Sævarssonar um Gunnar I. Birgisson bæjarstjóra í Kópavogi setur mig hljóðan.
Það er einsýnt að sala blaðsins er efst í huga ritstjórans og eigenda Mannlífs og skítt með alla tilfinningasemi og mannúð, tillitssemi og kurteisi.
Reynist fótur fyrir öllum þeim ávirðingum sem bornar eru á Gunnar þó ekki nema flugufótur sé, sé ég ekki að Gunnari sé vært í sæti bæjarstjóra.
Hann er orðaður við dæmda glæpamenn, hórur og allskyns misyndisfólk annað.
Þvílíka sorpblaðamennsku hef ég ekki augum litið síðan DV var upp á sitt besta.
Hugnast þetta virkilega eigendum Mannlífs að leggjast með slíkum þunga á mann sem hefur lyft hverju Grettistakinu af öðru í málefnum Kópavogs?
Mikið mega þeir ritarar greinarinnar og eigendur Mannlífs nálgast fullkomnun ef þeir hafa efni á svona trakteringum.

Viktoría frumsýnir fyrstu gallabuxnalínuna sína

Finnum stæði. Klámfenginn leiðari?

Leit yfir Fréttablaðið í morgun og sá m.a. að fyrirsögn leiðarans er: "Finnum stæði".

Það fyrsta sem mér datt í hug var að nú væri farið að tala um kynferðismál í leiðara blaðsins. Hneykslaðist með sjálfum mér en fletti blaðinu áfram.

Eru þeir virkilega að telja upp þau atvik og/eða kringumstæður sem vektu þau hughrif hjá finnskum karlmönnum að þeim vaknaði löngun til kvenna? Varla getur það verið tilefni til forystugreinar svo víðdreifðs blaðs sem þetta auglýsingablað er,  en kallar sig fréttablað.

Reyndar eru þeir til alls vísir á því blaði og tautaði ég við sjálfan mig og fletti hratt aftur á íþróttasíðurnar.

Smátt og smátt vaknaði ég til meðvitundar og gerði mér þá ljóst að Fréttablaðið var bara að tala um svo einfaldan og sjálfsagðan hlut sem að finna bílastæði.

Enn og aftur verð ég að taka mig á í að flana ekki að ákvörðunum.

Ísafold örvar karlmenn.

Mikið þykir mér Baugsblaðið Ísafold leggjast lágt með myndbirtingu sinni af Gunnari I. Birgissyni góðglöðum á Gullputta.
Myndin er nokkurra ára gömul og hefur áður verið birt opinberlega. Lítilmannlegt.

Ég hef undir höndum myndir af yfirmönnum Ísafoldarfeðganna sem teknar voru í veiðihúsi og með þeim á myndunum eru útlendar konur sem ekið var uppdópuðum frá höfuðborgarsvæðinu í veiðihúsið og höfðu þær mikið að gera við að fullnægja þörfum gestanna með lokað að sér.
Sumir en ekki allir.

Framleiðendum og öðrum birgjum var boðið í svallið.

Ef ég býð Ísafoldarfeðgum myndirnar til birtingar, býst ég ekki við að þeir þiggi, jafnvel þótt greiðsla fylgi!

Ég veit að það er bannað að vera með myndavél í slíkum einkasamkvæmum, en freistingin var mikil.

Það skal tekið fram til að forðast misskilning að ég tók ekki þessar myndir........

Skortur á kynlífslöngun hrjáir æ fleiri danska karla

Til hamingju Skagstrendingar.

Það var tími til kominn að fara að nefna hlutina réttum nöfnum. Skagstrendingar eru löngu þekktir fyrir að ganga hreint til verks og sést oft ekki fyrir í ákveðni sinni.
Það hefur því ekki verið í samræmi við skapferli þeirra að ganga og lifa undir dulnefninu Skagstrendingar þegar ekta Höfðhreppingar áttu hlut að máli.
Eitt mega þeir læra, en það er að láta aðflutta njóta sannmælis og gera þeim ekki upp hvatir.

Höfðahreppur verður Sveitarfélagið Skagaströnd