Að refsa fyrir afsal sjálfstæðis

12.9.2010 | 11:25

Að refsa fyrir afsal sjálfstæðis

Talað er um vanrækslu ráðherra þegar þeir heyktust á að opinbera alvarleg málefni banka og fjármálastofnana á ríkisstjórnarfundum fyrir fáeinum misserum. Upplýsingar um stöðu banka geta verið viðkvæmar og vandmeðfarnar og ekki á allra færi að misnota þær ekki.

Í umræddri ríkisstjórn voru lausmálir menn svo ekki sé fastar að orði kveðið. Einn var frægur á þeim tíma fyrir lausmælgi í síðnæturbloggum sínum oftar en ekki ölur að því er virtist.

Ásökun um meinta vanrækslu sem þýðir um leið að standa ekki við gefin fyrirheit leiðir hugann að öðru máli og ekki síður veigamiklu.

Vitað er að Vg. lofuðu því statt og stöðugt fyrir þar síðustu kosningar að þeir skyldu með öllum tiltækum ráðum standa vörð um sjálfstæði þjóðarinnar og aldrei nokkru sinni afhenda völd hennar til alræðisvaldsins í Brussel. Þeir með öðrum orðum biðluðu til kjósenda um fylgi gegn því að standa vörð um sjálfstæðið.

Það þarf ekki að orðlengja það að þeir uppskáru fylgi sem aldrei fyrr, mikið til út á þessa sjálfstæðisyfirlýsingu. Þeir voru áfáir sem kusu einungis vegna þessarar yfirlýsingar.

Efndirnar þekkja allir. Vinstri græna ríkisstjórnin gerði það að einu sinna fyrstu verka að sækja um aðild að ESB, sem er þvert á kosningaloforðið.

Hvernig er hægt að refsa fyrir þau svik?

Flokkur: Dægurmál | Facebook