Biden og vopnaframleiðendur

Bandarískir vopnaframleiðendur tóku gleði sína þegar Joe Biden varð forseti Bandaríkjanna. í valdatíð Donalds Trumps var ládeyða í vopnasölu, enda Donald maður friðar. Biden var ekki fyrr kominn til valda , en skriður komst á vopnasölu á nýjan leik og einkum til Úkraínu þar sem hann og synir hans voru hagvanir. Eftirleikinn sjáum við í dag með innrás Rússa í Úkraínu. Vladimar Putin sá að valdajafnvægið hafði raskast verulega og mótmælti á þann eina hátt sem hann taldi koma að gagni. Vopnaframleiðendur hrósa sigri en Evrópubúar örvænta.

Almenningur mótfallinn innrásinni

Athugasemdir

[Ingólfur Sigurðsson, 24.2.2022 kl. 20:46]

Það er búið að egna Vladimir Putin til stríðs mjög lengi. Efnahagsþvinganir gegn stórlyndum manni sem honum geta virkað á þennan hátt. Í Donald Trump fann Putin eiginlega samherja, eða hálfgildings vin, eitthvað sameiginlegt. Joe Biden er gamall maður sem hefur mætt mótlæti alla ævi og ekki komizt til áhrifa, fyrr en nú, þegar minnihlutahópar í Bandaríkjunum finna hann sem sitt sameiningartákn, og það er gott sjónvarpsefni þegar tveir gamlir menn takast á. 

Þessi vandræði Bidens heimafyrir, miklar óvinsældir og svo Borisar Johnson í Bretlandi vegna sóttvarnarreglna sem hann er talinn hafa brotið, hafa kannski hvatt Putin til að stíga þetta skref, eins og stjórnmálaskýrandi sagði í fréttatímum í kvöld. Evrópa er veik og önnur Vesturlönd.

Kína er hinsvegar nokkuð öflugt, og það er frekar Bandamaður Pútíns og Indland. Það er augljóst að margt er klaufalegt í þessari deilu við Pútín. 

Manni finnst það augljóst nú að friðsamleg sambúð við Rússland hefði verið miklu skynsamlegri strax um 1991 þegar kommúnisminn hrundi endanlega, þar í landi að minnsta kosti.

Pútín sýndi marga góða kosti mjög lengi. Hann sýndi einnig friðarvilja, eins og þegar hann sagði Ghandi sína fyrirmynd frekar en stríðsherra.

Það er búið að mála Rússa útí horn. Skelfileg mistök. Þetta land sem hvorki Napóleon né Hitler sigruðu, þessir gríðarlega öflugu menn.

Þetta er hörmuleg saga, að hafa ekki Rússa almennilega í liði með sér. Styrkur þeirra er augljós, hver árangur þeirra hefur verið þrátt fyrir þvinganir frá Vesturlöndum mjög lengi.

Nú held ég einnig að ákall margra Þjóðverja sé að friður verði saminn við þá og að þeir fái það gas sem þeir þurfa frá þeim. Þetta er hörmulegt að stofna til stríðs við Pútín.

Pútín sér líka hvað erfið staðan er í Vestrinu gegn honum, og kemst frekar upp með þetta. Hann er ekki leiðtogi einhvers smáríkis.