Vagnstjóri hyggst lögsækja framkvæmdastjórann.

DV geinir frá því í dag að áminntur vagnstjóri ætlar að lögsækja framkvæmdastjórann.

Nú eru breyttir tímar hjá Strætó.

Veit hann ekki að flókaskónum hefur verið lagt og stáltærnar teknar í brúk.

Vegna fjölda áskorana birti ég áminningu Strætó bs. til fyrrverandi 1. trúnaðarmanns.

"Skrifleg áminning.

Vísað er til bréfs framkvæmdastjóra frá 27. nóvember 2007, vegna fyrirhugaðrar áminningar, sem og til síðari samskipta við þig vegna máls þess, sem var örsok þess að framanefnt bréf var ritað, þ.e. atvika þriðjudaginn 27. nóvember sl.

Einnig er vísað til bréfs, dags. 5. desember sl., sem lögmaður þinn ritaði fyrirtækinu fyrir þína hönd, sem og svarbréf, dags. í dag.Fyrir liggur, að þú áttir að vera á vakt síðdegis þriðjudaginn 27. nóvember sl., enda áttir þú vakt frá kl. 14.05. – 18.21.

Fyrir liggur einnig, að fundarstörfum hjá St.R. lauk kl. 15.00 þennan dag, en það hafa formaður og varaformaður St.R. staðfest.

Þú mættir ekki aftur til vinnu eftir að fundarstörfum lauk.

Þú varst óumdeilanlega í vinnu á umræddum tíma, enda á launum, enda þótt líta megi svo á, að þú hafir haft lögmætt forföll á tímabilinu frá kl. 13.00 – 15.00.

Fyrir liggur, sbr. m.a. bréf lögmanns þíns, og það sem kom fram á fundi með þér 30. nóvember sl., að óumdeilt er, að þú neyttir áfengis á fyrrgreindum tíma, sem og reyndar að þú dvaldir á starfsstöð fyrirtækisins að Hlemmi drjúgan tíma, og hafðir þar áfengi um hönd.

Framkoma sem slík, er hér um ræðir, er með öllu ólíðandi og algerlega ósamrýmanleg starfi þínu og stöðu.Einnig skal nefnt, að þú hefur aldrei, hvorki fyrr eða síðar, lýst því, að þú sjáir að framkoma þín, í umrætt sinn, hafi verið með öllu óviðeigandi og ekki í samræmi við starf þitt og stöðu, og þú hefur aldrei, lýst eftirsjá eða iðrun vegna þessa. Þvert á móti hefur þú þrætt og reyndar verið í mikill mótsögn við sjálfan þig, enda hefur þú viðurkennt að hafa drukkið töluvert magn af áfengi og þú hafir haft áfengi um hönd í starfstöð fyrirtækisins að Hlemmi, þar sem öll meðferð áfengis er bönnuð, og fólk undir áhrifum er bannaður aðgangur, en þar dvaldir þú drjúga stund.

Einnig hefur þú haft upp hálfgerðar hótanir um mögulegar afleiðingar áminningar, og þá þykir mega nefna, að þú hefur borið atvinnuveitanda þinn, Strætó bs., þungum sökum, sem og reyndar yfirmenn fyrirtækisins, á opinberum vettvangi, vegna meðferðar máls þessa.

Umfjöllun um fyrirtækið og yfirmenn þess, á þínum vegum, er til þess fallin að sverta ímynd Strætó bs. mjög, en einnig hefur þú vegið alvarlega að starfsheiðri og æru yfirmanna hjá fyrirtækinu. Og virðist ekkert lát verða þar á. Þú virðist, m.ö.o., alls ekki koma auga á, hversu óviðeigandi, og á skjön við starf þitt og stöðu, framkoma þín var umræddan dag, og reyndar er, og verður því að ætla, að hætt sé við að svipuð atvik eigi jafnvel eftir að gerast aftur.

Eða m.o.ö; þú hefur ekkert gert eða sagt, sem mætti mögulega verða til þess, að fyrirtækið gæti séð leið til þess að neyta vægara úrræðis en skriflegri áminningu. Ekki þykir fært annað en að beitt verði formlegri áminningu.Þú ert hér með áminntur vegna þess, að þú neyttir áfengis og varst ölvaður á vinnutíma, á starfstöð fyrirtækisins að Hlemmi, og þú hafðir þar áfengi um hönd. Þar með hefur þú brotið gr. 9.8.1. í kjarasamningi Strætó bs. og St.R., en brot í starfi að því er varðar það á því ákvæði varðar skriflegri áminningu.Bent er á að skrifleg áminning hefur ítrekunaráhrif varðandi önnur brot í starfi.

Reykjavík, 14. desember 2007.

Reynir Jónsson, frkv.stj.(Móttekið 20.12.’07)."

Bréfið er birt á heimasíðu viðkomandi. 

Vandlæti í vali kvenna.

Víst ég vil nú varlega
og vefja örmum sparlega.
Skýst af velli snarlega
ef snótu fæ ei þarflega.

Vagnstjórar sækja hart að framkvæmdastjórn Strætó bs.

Trúnaðarmennirnir sem sögðu af sér hjá Strætó bs. hafa sig mikið í frammi á heimasíðu sinni þessa dagana.

Aðallega hefur fyrrverandi fyrsti trúnaðarmaður sig í frammi og sýnir einlægan hroka í garð eigenda og stjórnenda fyrirtækisins. 

Lítil Valdaklíka situr baka til og kippir í spotta með aðstoð millistjórnanda. Notar til skítverkanna fyrrverandi fyrsta trúnaðarmann sem enn er ekki laus við erjur sínar við fyrrum yfirmann sinn hjá opinberu fyrirtæki seint á síðustu öld. 

Valdaklíkuforystumaðurinn er líka óánægður með að geta ekki sinnt aukastarfinu sem skyldi og notar því "vini" sína til að ófrægja yfirmennina, sem hann svo brosir við á förnum vegi.

 

Segir framkvæmdastjóri Strætó stöðu sinni lausri? Fundur um framtíð hans í kvöld.

Í kvöld verður fundað um það hvort Reynir Jónsson framkvæmdastjóra Strætó bs. segi starfi sínu lausu.

Það er Starfsmannafélag Reykjavíkurborgar og Ögmundur Jónasson formaður BSRB sem munu hafa framsögu á fundinum sem haldinn verður í húsakynnum BSRB að Grettisgötu 89.

Samkvæmt frétt á baksíðu DV þar sem þetta kemur fram getur Reynir Jónsson haldið starfinu ef hann biður nokkra vagnstjóra afsökunar á aðfinnslum sem hann hafði í frammi þegar þeir komu drukknir af fundi um kjaramál.

Eitthvað fleira getur þó hangið á spýtunni. 

Fundurinn hefst klukkan hálf átta. Ekki er vitað hvort menn fá frí vegna félagsstarfa til að sækja fundinn.

Fleiri framkvæmdastjórar funda með eigendum sínum og Náhirðin hjá Strætó boðar til neyðarfunda.

Mikil og hatrömm barátta er háð hjá Strætó um þessar mundir. Tekist er á um það grundvallaratriði hver eigi að stjórna fyrirtækinu.

Það segir sig sjálft að  Náhirðin er engan veginn fær um það enda ráðin til annarra starfa og getur ekki vænst þess að tíminn verði færður aftur um 30 ár.

Tími framkvæmdastjórnar og eigenda er kominn og hefur Reynir Jónsson framkvæmdastjóri sýnt góða takta þótt slagkrafturinn sé stundum ívið of mikill. 

 Ég vil benda á bloggfærslu öryggistrúnaðarmanns hjá Strætó á moggabloggi í gær. Þeir sem til þekkja vita að öryggistrúnaðarmaður þessi er hluti af Náhirðinni sem telur sig "eiga" Strætó eins og hann leggur sig með manni og mús.

Náhirðin hefur lagt starfsmenn í einelti og beitt sér fyrir skerðingu tekna þeirra í þeim tilgangi að þeir hafi hægt um sig 

Öryggistrúnaðarmaðurinn  sem er nýkomin af námskeiði m.a. um mannleg samskipti vegur að öllum þeim sem eru henni ekki sammála. Fyrri stjórnendur fyrirtækisins fá líka að heyra það.  Svo ég tali ekki um fyrrverandi trúnaðarmenn og annað samstarfsfólk.

Allir hugsandi menn hjá Strætó sjá að þessum hjaðningavígum verður að linna.

Náhirðin hefur aldrei litið glaðan dag og mun ekki gera. Henni ber að splundra.

 

	Benítez fundaði með eigendunum
Ábyrgðarmaður færslu Tenging við þessa frétt hefur verið rofin vegna kvartana.

Kastljósi sagnfræðinnar varpað á sögu aukinna ökuréttinda

Í gegnum tíðina hefur kostnaður við  svokallað meirapróf verið mikill, ekki síst þegar vinnutap o.fl. er tekið með í reikninginn.

Fátt hefur verið úrræða annað en að setjast á skólabekkinn og nema fræðin, gangast undir margvísleg próf og endurtaka ef illa gengur. Þetta er sú aðferð sem langflestir hafa notast við í áranna rás.

Seint á síðustu öld komst upp um menn sem höfðu brugðið sér í hlutverk miskunnsama Samverjans og opnuðu nýja leið fyrir áhugasama bifreiðastjóra sem gekk út á það að fá auknu ökuréttindin á skemmri tíma sem fólst í því að þeir greiddu bara kostnaðinn við meiraprófið og sluppu þar með við harðan skólabekkinn og misstu ekki dag úr vinnu.

Þetta nýnæmi starfsmanna Umferðarráðs mæltist ekki vel fyrir af yfirvöldum og var þeim gert að láta af athæfinu og leita sér annarra starfa.

Til að gera fólki auðveldara að lesa þær tvær fréttir sem ég fann í fljótu bragði í gömlum Morgunblöðum læt ég þær báðar fylgja hér á eftir:

"Laugardaginn 12. júní, 1999 - Innlendar fréttir
Ríkislögreglustjóri rannsakar meintar falsanir á ökuprófgögnum
Ökukennari og starfsmenn Umferðarráðs liggja undir grun
Ríkislögreglustjóri rannsakar meintar falsanir á ökuprófgögnum

Ökukennari og starfsmenn Umferðarráðs liggja undir grun

ÖKUKENNARI, sem úrskurðaður var í gæsluvarðhald á föstudaginn í síðustu viku, að beiðni ríkislögreglustjóra í þágu rannsóknar á meintum fölsunum á ökuprófgögnum, var látinn laus á fimmtudagskvöld. Hefur maðurinn játað að hafa falsað staðfestingu ökuprófdómara á ökuleyfisumsóknum ökunemenda þess efnis að þeir hefðu staðist próf um aukin ökuréttindi eða meirapróf og bifhjólaréttindi.

Virðist margt benda til þess að brotin hafi verið framin í auðgunarskyni, að sögn Helga Magnúsar Gunnarssonar, löglærðs fulltrúa hjá ríkislögreglustjóra. Að hans sögn eru hin meintu tilvik á annan tug talsins og áttu sér stað á síðasta ári og á fyrri hluta þessa árs.

"Á þessu stigi málsins höfum við ekkert sem bendir til þess að tilvikin séu fleiri," sagði Helgi Magnús í samtali við Morgunblaðið. "Náð hefur verið utan um drjúgan hluta þessara tilfella, þannig að mjög fáir ökunemendur eru nú akandi um með fölsk réttindi vegna þessarar starfsemi. Það verður gengið í það á vegum Umferðarráðs og ríkislögreglustjóra að taka réttindi þeirra úr umferð."

Naut aðstoðar starfsmanns Umferðarráðs

Við rannsókn málsins hefur komið í ljós að maðurinn naut í einhverjum tilvikum aðstoðar starfsmanns ökunámsdeildar hjá Umferðarráði, sem tengdist síðan enn öðrum starfsmanni Umferðarráðs vegna svipaðrar starfsemi. Hefur þeim báðum verið gert að mæta ekki til vinnu á meðan rannsókn málsins stendur yfir.

Að sögn Óla H. Þórðarsonar, framkvæmdastjóra Umferðarráðs, mun ákvörðun um hvort þeim verði vikið frá störfum liggja fyrir að lokinni rannsókn ríkislögreglustjóra.

"Við lítum þetta mál mjög alvarlegum augum og ég er mjög sár og hryggur yfir því að þetta skyldi koma fyrir, en er að vona að umfangið sé ekki mikið," sagði Óli H. Þórðarson. "Það er hins vegar ljóst að eitt tilvik af þessu tagi er of mikið."

Hann sagði að hjá Umferðarráði hefði þegar verið gripið til aðgerða vegna málsins og lúta þær m.a. að því að koma í veg fyrir að slíkt geti endurtekið sig.

"Aðgerðirnar felast m.a. í því að öll meðferð gagna Umferðarráðs hefur verið hert til mikilla muna. Reglan hefur verið sú að ökukennarar hafa sjálfir afhent gögn til lögreglustjóra til útgáfu ökuskírteina. Það hefur verið gert til að auðvelda hinum almenna borgara samskipti við hið opinbera, sem er stefna okkar. Þessu verðum við hins vegar að breyta, þannig að eftirleiðis fara allar sendingar af þessu tagi formlega á milli Umferðarráðs og viðkomandi lögreglustjóraembættis. Síðan skoðum við ofan í kjölinn öll þau mál sem um ræðir," sagði Óli H. Þórðarson."

Úr Morgunblaðinu:

"Miðvikudaginn 16. júní, 1999 - Innlendar fréttir

Rannsókn á skjalafalsi ökukennara og starfsmanna Umferðarráðs að ljúkaFölsuð ökuréttindi nemenda verða innkölluðRannsókn á skjalafalsi ökukennara og starfsmanna Umferðarráðs að ljúkaFölsuð ökuréttindi nemenda verða innkölluðRÍKISLÖGREGLUSTJÓRI heldur áfram rannsókn sinni á meintu skjalafalsi, sem varðar falsanir á prófgögnum, sem ökukennari hefur játað að hafa staðið að á síðasta ári og þessu ári.

Tveir starfsmenn Umferðarráðs

sæta einnig rannsókn ríkislögreglustjóra vegna aðildar sinnar að svipaðri fölsunarstarfsemi en ekki liggur fyrir játning þeirra, nema að litlu leyti.Að sögn Helga Magnúsar Gunnarssonar löglærðs fulltrúa hjá embætti ríkislögreglustjóra er viðbúið að rannsókn málsins ljúki á næstu dögum og verður það síðan tekið til ákærumeðferðar. Tekið skal fram að engir aðrir starfsmenn Umferðarráðs hafa verið viðriðnir umrædd brot.Eins og fram kom í Morgunblaðiðnu á laugardag er um að ræða á annan tug tilvika þar sem ökunemendur hafa fengið ökuskírteini með auknum ökuréttindum án þess að hafa gengist undir próf til þeirra ökuréttinda og bifhjólaprófs, en ríkislögreglustjóri, sem er í samstarfi við Umferðarráð vinnur að því að innkalla fölsuð ökuskírteini í umferð og komast að því hvort hugsanlega sé um fleiri tilvik að ræða, þótt fátt bendi til þess á þessu stigi málsins.

90-120 þúsund krónur fyrir aukin ökuréttindi

Um 5-6 vikur tekur að öðlast aukin ökuréttindi, en slík réttindi kosta á bilinu 90-120 þúsund krónur, að sögn Kjartans Þórðarsonar deildarsérfræðings í ökunámsdeild Umferðarráðs. Alls eru starfræktir 8 ökuskólar í landinu og stunda 5-600 nemendur árlega nám til aukinna ökuréttinda á þeirra vegum. 120 klukkustunda bóklegt nám liggur að baki fullgildu meiraprófi og þurfa nemendur að ljúka sex námsþáttum í bóklegri hlið námsins auk verklegs náms. Af bóklegum fögum eru kennd umferðarfræði, stjórn stórra ökutækja, bifreiðartækni I og II, ferða- og farþegafræði og skyndihjálp. Þreyta nemendur síðan lokapróf í bóklegum fræðum innan veggja hvers ökuskóla fyrir sig, en prófúrlausnum er skilað til Umferðarráðs til athugunar.Ljóst er að um talsvert mikla vinnu er að ræða til að ná auknum ökuréttindum og bendir margt til þess ekki hafi farið fram neitt nám hjá þeim nemendum sem fengu skírteini sín í hendur með þeim hætti, sem nú er verið að rannsaka.

Ennfremur bendir ýmislegt til þess að nemendurnir hafi greitt svipaðar fjárhæðir fyrir prófskírteini sín og þeir hefðu að öðrum kosti gert hefðu þeir farið hina hefðbundnu leið í gegnum námið.

Þótt sýnt sé að þeir hafi vitað af brotum hinna grunuðu, bendir ekkert til þess að þeir hafi átt beina hlutdeild að skjalafalsinu og ljóst er að þeir hafa ekki haft neinn annan hagnað af brotunum en þann að spara sér námstímann, að því er kemur fram í samtali við Helga Magnús Gunnarsson. Sá sparnaður mun hins vegar fara fyrir lítið þegar réttindi þeirra sem aflað hafði verið handa þeim með saknæmum hætti, verða innkölluð."

Svo mörg voru þau orð.

HLF. 

 

Kastljósi sagnfræðinnar varpað á sögu aukinna ökuréttinda

Í gegnum tíðina hefur kostnaður við  svokallað meirapróf verið mikill, ekki síst þegar vinnutap o.fl. er tekið með í reikninginn.

Fátt hefur verið úrræða annað en að setjast á skólabekkinn og nema fræðin, gangast undir margvísleg próf og endurtaka ef illa gengur. Þetta er sú aðferð sem langflestir hafa notast við í áranna rás.

Seint á síðustu öld komst upp um menn sem höfðu brugðið sér í hlutverk miskunnsama Samverjans og opnuðu nýja leið fyrir áhugasama bifreiðastjóra sem gekk út á það að fá auknu ökuréttindin á skemmri tíma sem fólst í því að þeir greiddu bara kostnaðinn við meiraprófið og sluppu þar með við harðan skólabekkinn og misstu ekki dag úr vinnu.

Þetta nýnæmi starfsmanna Umferðarráðs mæltist ekki vel fyrir af yfirvöldum og var þeim gert að láta af athæfinu og leita sér annarra starfa.

Til að gera fólki auðveldara að lesa þær tvær fréttir sem ég fann í fljótu bragði í gömlum Morgunblöðum læt ég þær báðar fylgja hér á eftir:

"Laugardaginn 12. júní, 1999 - Innlendar fréttir
Ríkislögreglustjóri rannsakar meintar falsanir á ökuprófgögnum
Ökukennari og starfsmenn Umferðarráðs liggja undir grun
Ríkislögreglustjóri rannsakar meintar falsanir á ökuprófgögnum

Ökukennari og starfsmenn Umferðarráðs liggja undir grun

ÖKUKENNARI, sem úrskurðaður var í gæsluvarðhald á föstudaginn í síðustu viku, að beiðni ríkislögreglustjóra í þágu rannsóknar á meintum fölsunum á ökuprófgögnum, var látinn laus á fimmtudagskvöld. Hefur maðurinn játað að hafa falsað staðfestingu ökuprófdómara á ökuleyfisumsóknum ökunemenda þess efnis að þeir hefðu staðist próf um aukin ökuréttindi eða meirapróf og bifhjólaréttindi.

Virðist margt benda til þess að brotin hafi verið framin í auðgunarskyni, að sögn Helga Magnúsar Gunnarssonar, löglærðs fulltrúa hjá ríkislögreglustjóra. Að hans sögn eru hin meintu tilvik á annan tug talsins og áttu sér stað á síðasta ári og á fyrri hluta þessa árs.

"Á þessu stigi málsins höfum við ekkert sem bendir til þess að tilvikin séu fleiri," sagði Helgi Magnús í samtali við Morgunblaðið. "Náð hefur verið utan um drjúgan hluta þessara tilfella, þannig að mjög fáir ökunemendur eru nú akandi um með fölsk réttindi vegna þessarar starfsemi. Það verður gengið í það á vegum Umferðarráðs og ríkislögreglustjóra að taka réttindi þeirra úr umferð."

Naut aðstoðar starfsmanns Umferðarráðs

Við rannsókn málsins hefur komið í ljós að maðurinn naut í einhverjum tilvikum aðstoðar starfsmanns ökunámsdeildar hjá Umferðarráði, sem tengdist síðan enn öðrum starfsmanni Umferðarráðs vegna svipaðrar starfsemi. Hefur þeim báðum verið gert að mæta ekki til vinnu á meðan rannsókn málsins stendur yfir.

Að sögn Óla H. Þórðarsonar, framkvæmdastjóra Umferðarráðs, mun ákvörðun um hvort þeim verði vikið frá störfum liggja fyrir að lokinni rannsókn ríkislögreglustjóra.

"Við lítum þetta mál mjög alvarlegum augum og ég er mjög sár og hryggur yfir því að þetta skyldi koma fyrir, en er að vona að umfangið sé ekki mikið," sagði Óli H. Þórðarson. "Það er hins vegar ljóst að eitt tilvik af þessu tagi er of mikið."

Hann sagði að hjá Umferðarráði hefði þegar verið gripið til aðgerða vegna málsins og lúta þær m.a. að því að koma í veg fyrir að slíkt geti endurtekið sig.

"Aðgerðirnar felast m.a. í því að öll meðferð gagna Umferðarráðs hefur verið hert til mikilla muna. Reglan hefur verið sú að ökukennarar hafa sjálfir afhent gögn til lögreglustjóra til útgáfu ökuskírteina. Það hefur verið gert til að auðvelda hinum almenna borgara samskipti við hið opinbera, sem er stefna okkar. Þessu verðum við hins vegar að breyta, þannig að eftirleiðis fara allar sendingar af þessu tagi formlega á milli Umferðarráðs og viðkomandi lögreglustjóraembættis. Síðan skoðum við ofan í kjölinn öll þau mál sem um ræðir," sagði Óli H. Þórðarson.

Úr Morgunblaðinu:

"Miðvikudaginn 16. júní, 1999 - Innlendar fréttir

Rannsókn á skjalafalsi ökukennara og starfsmanna Umferðarráðs að ljúkaFölsuð ökuréttindi nemenda verða innkölluðRannsókn á skjalafalsi ökukennara og starfsmanna Umferðarráðs að ljúkaFölsuð ökuréttindi nemenda verða innkölluðRÍKISLÖGREGLUSTJÓRI heldur áfram rannsókn sinni á meintu skjalafalsi, sem varðar falsanir á prófgögnum, sem ökukennari hefur játað að hafa staðið að á síðasta ári og þessu ári.

Tveir starfsmenn Umferðarráðs

sæta einnig rannsókn ríkislögreglustjóra vegna aðildar sinnar að svipaðri fölsunarstarfsemi en ekki liggur fyrir játning þeirra, nema að litlu leyti.Að sögn Helga Magnúsar Gunnarssonar löglærðs fulltrúa hjá embætti ríkislögreglustjóra er viðbúið að rannsókn málsins ljúki á næstu dögum og verður það síðan tekið til ákærumeðferðar. Tekið skal fram að engir aðrir starfsmenn Umferðarráðs hafa verið viðriðnir umrædd brot.Eins og fram kom í Morgunblaðiðnu á laugardag er um að ræða á annan tug tilvika þar sem ökunemendur hafa fengið ökuskírteini með auknum ökuréttindum án þess að hafa gengist undir próf til þeirra ökuréttinda og bifhjólaprófs, en ríkislögreglustjóri, sem er í samstarfi við Umferðarráð vinnur að því að innkalla fölsuð ökuskírteini í umferð og komast að því hvort hugsanlega sé um fleiri tilvik að ræða, þótt fátt bendi til þess á þessu stigi málsins.

90-120 þúsund krónur fyrir aukin ökuréttindi

Um 5-6 vikur tekur að öðlast aukin ökuréttindi, en slík réttindi kosta á bilinu 90-120 þúsund krónur, að sögn Kjartans Þórðarsonar deildarsérfræðings í ökunámsdeild Umferðarráðs. Alls eru starfræktir 8 ökuskólar í landinu og stunda 5-600 nemendur árlega nám til aukinna ökuréttinda á þeirra vegum. 120 klukkustunda bóklegt nám liggur að baki fullgildu meiraprófi og þurfa nemendur að ljúka sex námsþáttum í bóklegri hlið námsins auk verklegs náms. Af bóklegum fögum eru kennd umferðarfræði, stjórn stórra ökutækja, bifreiðartækni I og II, ferða- og farþegafræði og skyndihjálp. Þreyta nemendur síðan lokapróf í bóklegum fræðum innan veggja hvers ökuskóla fyrir sig, en prófúrlausnum er skilað til Umferðarráðs til athugunar.Ljóst er að um talsvert mikla vinnu er að ræða til að ná auknum ökuréttindum og bendir margt til þess ekki hafi farið fram neitt nám hjá þeim nemendum sem fengu skírteini sín í hendur með þeim hætti, sem nú er verið að rannsaka.

Ennfremur bendir ýmislegt til þess að nemendurnir hafi greitt svipaðar fjárhæðir fyrir prófskírteini sín og þeir hefðu að öðrum kosti gert hefðu þeir farið hina hefðbundnu leið í gegnum námið.

Þótt sýnt sé að þeir hafi vitað af brotum hinna grunuðu, bendir ekkert til þess að þeir hafi átt beina hlutdeild að skjalafalsinu og ljóst er að þeir hafa ekki haft neinn annan hagnað af brotunum en þann að spara sér námstímann, að því er kemur fram í samtali við Helga Magnús Gunnarsson. Sá sparnaður mun hins vegar fara fyrir lítið þegar réttindi þeirra sem aflað hafði verið handa þeim með saknæmum hætti, verða innkölluð."

Svo mörg voru þau orð.

HLF. 

 

Styrinn um Strætó

Leiðindamál er í gangi hjá starfsmönnum Strætó bs. enn einn ganginn. Reynir Jónsson framkvæmdastjóri sem kom til starfa fyrr á þessu ári hefur tekið upp stjórnunarstíl sem ekki hefur verið við líði áður hjá fyrirtækinu a.m.k. ekki lengi og kunna starfsmenn ekki að meta hann.
Svo er komið að allt logar í innbyrðis deilum og slá sumir millistjórnendur ekki slöku við frekar en fyrri daginn þótt þeir beiti vagnstjórunum fyrir vagninn. Það er ljótur leikur sem hefur viðgengist í áratugi hjá Strætó og forveranum SVR. Þeir starfsmenn sem ekki makka rétt eru settir til hliðar og þeim býðst ekki aukavinna sem er nauðsynleg til að draga fram lífið og eru í raun lagðir í einelti. Þetta er því miður látið óátalið af æðstu yfirmönnum fyrirtækisins.
Reynir Jónsson á ekki marga kosti í stöðunni þegar menn leggjast á eitt með að koma honum frá störfum ásamt sínu nánasta samstarfsfólki. Hann hefur þann kostinn auðvitað að segja upp störfum og viðurkenna þar með að þessir fáu millistjórnendur stýra fyrirtækinu í raun. Hann hefur líka þann kost að fara hvergi og keyra sína starfsmannastefnu áfram af hörku og ná fullum yfirráðum. Hætt er við að margir hverfi þá úr starfi og erfitt verði að manna vagnana á álagstímum.
Ég hygg að báðir málsaðilar þurfi að slaka á ítrustu kröfum sínum og standa þá teinréttir eftir heldur en að vera svo ósveigjanlegir að þeir brotni. Í svona rimmu getur hvorugur aðilinn sigrað. Þeir tapa báðir og mest tapa viðskiptavinir Strætó bs.
Ég vil að lokum benda fyrrverandi starfsfélögum mínum á að ég tel að vonin um endurvakningu SVR dofni með hverri öfgafullri aðgerðinni og líkurnar á einkarekstri aukist að sama skapi.
Valdataka varðstjóra er ekki tímabær.
Ekki trúi ég að stjórnmálamenn nenni að horfa upp á síendurteknar tilraunir vagnstjóra að fæla stjórnendur frá og grípi því til viðeigandi ráðstafana.

Alvarlegt ástand hjá Strætó?

Mér brá verulega þegar ég leit í gær á heimasíðu nýju trúnaðarmannanna hjá Strætó og eftirfarandi yfirlýsing blasti við:

 

              "FRÁ TRÚNAÐARMÖNNUM STRÆTÓ.

Þar sem við ætlum ekki að munnhöggvast á netinu við yfirmenn Strætó, viljum við láta starfsmenn Strætó vita að það er alvarlegur ágreiningur á milli aðila og í framhaldi af því höfum við lokað heimasíðunni okkar."

Sem fyrrverandi starfsmanni leikur mér forvitni á að vita hvaða þætti kjarasamningsins ágreiningurinn stendur um.

Mættum við fá meira að heyra?