Að lyfta asklokinu

Það kemur mér spánskt fyrir sjónir þegar ég les Morgunblaðið og hlusta á fréttir í ríkisútvarpinu að aðalheimild mín um efnahagsástandið útvarp Saga hefur ekki þau lög að mæla sem kemur fram í máli þáttagerðarfólksins Arnþrúðar Karlsdóttur og Sigurðar Guðmundar Tómassonar.

Hjá þeim er efnahagskreppan einskorðuð við Ísland  og allt Davíð Oddssyni og Geir H. Haarde að kenna.

Við að lesa t.d. mbl.is opnast manni alveg nýr og stærri heimur og maður kemst að raun um að heimurinn er stærri en veröldin sem við blasir hjá umræddu þáttargerðafólki.

Mikil varð undrun mín þegar ég lyfti asklokinu. 

Sama eða svipað ástand um víða veröld.

 

Skýrist á næstu klukkustundum

Athugasemdir

[Skaz, 6.10.2008 kl. 12:47]

Nema hvað að vandinn er búinn að lenda verr hér vegna bæði lítils undirbúnings eða forvarna Seðlabanka og ríkis til að geta ábyrgst bankanna alla.

Þetta hefði mátt gera með stækkun gjaldeyrisvaraforðans sem var búið að leyfa af Alþingi eða hertara eftirlits með stöðu bankanna.

Verðbólga er mun hærri hér en í samanburðarlöndum okkar og stýrivextir einnig. Og ekki þarf að segja frá því að gengisvísitalan er sky high hér á landi líka.

Þannig að ástandið hér er virkilega mun mun MUN verra.

[Heimir Lárusson Fjeldsted, 6.10.2008 kl. 13:21]

Því minna sem efnahagskerfið er því verr er það leikið eftir hamfarirnar.