Afstaðan til flugstarfsemi í Reykjavík er borgarstjóra Þrándur í Götu

Skýr afstaða borgarstjóra til flugvallarins í Vatnsmýrinni bakar henni strax miklar óvinsældir. Þorri manna er andvígur flutningi flugstarfseminnar vitandi það að flugvöllurinn skapar borgarbúum mikla atvinnu og tekjur.

Óraunsæ stefna borgarfulltrúa til svo mikilvægs atvinnufyrirtækis er þeim Þrándur í Götu.

Seint munu Kaupmannahafnarbúar vilja sinn flugvöll á brott svo dæmi sé tekið, enda gera Danir sér fulla grein fyrir fjárhagslegri þýðingu hans.

Hanna Birna ætti frekar að beita sér fyrir nýrri byggð á Lönguskerjum og selja samborgurum  sínum þá hugmynd.

Reykvíkingar hafa búið við Flugvöllinn í sextíu ár og fullkomin sátt hefur ríkt.

Það er kominn tími til að andæfa gróðaöflunum sem vilja byggja á dýru landi Vatnsmýrarinnar.

Eða eru Baugur og Baugsígildin að bjóða fleiri borgarfulltrúum gull og græna skóga? 

Borgarstjórn með fjórðungs fylgi

Athugasemdir

[Ívar Pálsson, 26.8.2008 kl. 01:01]

Mæltu heill og sæll með flugvöllinn, en svo klykkirðu út með Lönguskerjum! Hvað hafa allir svo á móti miðjunni á Skerjafirði að það þurfi að hrúga uppfyllingu þar upp fyrir ofurmilljarða? Landsskorturinn á Íslandi er ekki það hrikalegur að það þurfi að framkvæma á sama hátt og við Hong Kong. Umhverfisslys og sóun, kýstu fólk til þess að stunda slíkt?

[Jón Ingi Cæsarsson, 26.8.2008 kl. 10:46]

Uppleggið flugvöllinn úr Vatnsmýri er sjálflægt og niðurlægjandi fyrir höfuðborgina. Menn vilja ekki axla ábyrgð á því hlutverki en vilja frekar tala um flottræfisbyggð fyrir elítuna í flónelsslopunum og sjá það í hillingum að þarna rísi byggð sem þjóni grobbgeninu í 101 liðunu.

Fleiri skilja nauðsyn þess að hafa samgöngur í lagi og skilja auk þess að höfðuðborg hefur skyldur sem eru æðri sjálflægum flottræfisdraumum.

Mér finnst ekki á bætandi það umferðarkraðak og öngþveiti sem ríkir í vesturhluta Reykjavíkur og fólkið í landinu er ekki tilbúðið að greiða fyrir jarðgöng undir Skerjafjörð til að menn geti þjónað hégómagirnd 101 liðsins

[Heimir Lárusson Fjeldsted, 26.8.2008 kl. 10:57]

Ívar, næst mun ég kjósa með fluvelli í Vatnsmýrinni og þar með gegn flottræfilshætti.

Flugsamgangnastefna Hönnu Birnu á eftir að reynast henni dýrkeypt Jón Ingi.

Hún og henni líkirhafa að líkindum aldrei komið út á land nema í heimsóknir í sumarbústaði og það í innan við 100 km. radíus frá Vatnsmýrinni, fyrir utan "menningarferðir" til Akureyrar á vegum Reykjavíkurborgar.

[Axel Jóhann Hallgrímsson, 26.8.2008 kl. 11:06]

Heimir ef þú ætlar að kjósa með flugvelli í Vatnsmýri er ljóst að þú mátt ekki setja krossinn við D. Stenstu þá raun? Er ekki nóg af byggingarlandi í Reykjavík?  Um alla borgina eru óbyggð svæði sem eru samtals stærri en flugvallarsvæðið. Hvað með Geldinganes? Þar ætti að vera fullbyggt samkvæmt eldri loforðum D. Hafa þau glatast í öllu foraratinu, fúlmennskuvinnubrögðum og svikráðum á báðar hendur?

[Heimir Lárusson Fjeldsted, 26.8.2008 kl. 12:59]

Ekki kannast ég við svikráð af hálfu Sjálfstæðisflokksins.

Nóg er af byggingalandi öðru en Vatnsmýrinni. Til að mynda Geldinganes, Engey, Viðey allt tengt með göngum, stokkum og gönguhengibrúm að hætta landlausra þjóða.

[Jón Ingi Cæsarsson, 26.8.2008 kl. 19:04]

Afstaða til flugvallar í Vatnsmýri fer ekki eftir flokkslínum.