Hvað fór úrskeiðis?

Fréttaflutningur af því tagi sem RÚV hefur viðhaft að undanförnu í hljóð- og sjónvarpi varðandi meinta samkeppni lágvöruverðsverslana er auðvitað fyrir neðan allar hellur. Þegar stærsti matvöruseljandi landsins á ekkert í viðkomandi fjölmiðli og getur ekki gætt hagsmuna sinna verður hann auðvitað að múta fréttastjórum til að koma í veg fyrir slys af þessu tagi.
Nú mun fara í hönd rannsóknarvinna hjá Högum, Baugi og einstökum verslunum til að finna hvað fór úrskeiðis. Það er ljóst að Neytendasamtökin klikkuðu ekki því þau eru trygg. Samtök verslunar- og þjónustu brugðust heldur ekki því svo vel er fyrir þeim séð. Það er maðurinn á gólfinu sem brást. Hvernig í ósköpunum gat það gerst. Var ekki búið að hóta þeim að þau fengju hvergi vinnu ef þau brygðust?
Hver sá sem ræður svikarann Árna Ragnar Árnason til starfa verður úthrópaður af Baugi og útlægur gerr.

Bónus gerir athugasemd við frétt Sjónvarpsins