Einelti og óhæfir yfirmenn.

Ég hygg að einelti sé mikli algengara en opinberlega kemur fram. Fyrirtæki og stofnanir komast upp með að skella skollaeyrum við kvörtunum um einelti og Vinnueftirlitið er ansi hreint máttlaust að bregðast við kærum.
Viðvarandi og endurtekið einelti setur mark sitt á marga vinnustaði og hjá sumum fyrirtækjum hefur það viðgengist gagnvart ákveðnum aðilum um langt árabil, án þess að brugðist sé við.
Stórir sem litlir vinnustaðir verða beinlínis að hafa mjög skýra starfsmannastefnu og ekki síst til að vernda menn fyrir ofbeldi sem þessu.
Að yfirmaður sem tekur við kæru í tveimur viðtölum um einelti skuli síðan "gleyma" að bregðast við er auðvitað vanhæfur og á að finna sér annað starf sem fyrst og ef hann hefur ekki frumkvæði til þess á fyrirtækið að aðstoða hann.

Telja einelti hjá ríkisstofnunum meira en unað verður við

Athugasemdir

[Sigrún (IP-tala skráð) 17.9.2007 kl. 13:49]

Ég vann eitt sinn hjá ríkinu og tókum þá reglulega (auðvitað eftir kvartanir) þátt í könnun um það hvort einelti væri á vinnustaðnum. Gallinn við þessar kannanir og kvartanirnar var að það var yfirmaður sem fór svo yfir kannanirnar sem var gerandinn. Könnunin var mjög leiðandi og mjög auðveldlega var hægt að lesa út úr henni hver átti í hlut þar sem vinnustaðurinn var ekki stór. Svo að fólk svaraði alltaf eins að allt væri í góðu lagi þar sem í þetta eina skipti sem svarað var af hjartans alvöru varð eineltið mun alvarlegra og allir þeir sem sögðust hafa orðið fyrir eða orðið vitni af einelti voru nú lagðir í einelti af yfirmanninum. Það endaði með því að manneskja sagði upp en yfirmanninum tókst með undraverðum hætti og þrátt fyrir nokkur vitni af uppsögn starfsmannsins að snúa því við að starfsmaðurinn hefði verið rekinn vegna lélegs mórals og afleidda vinnubragða. Þetta fór fyrir næsta yfirmann þar fyrir ofan en allt kom fyrir ekki. Í dag eru allir hættir sem unnu þarna á mínum tíma en yfirmaðurinn er enn yfirmaður af óútskýranlegum ástæðum.

[Heimir Lárusson Fjeldsted, 17.9.2007 kl. 14:25]

Þakka kærlega Sigrún.

Yfirmaðurinn sem ég er að tala um varð fyrir því "óláni" að tveir menn kvörtuðu yfir honumu við æðsta yfirmanninn.

Samstundis pöntuði hann viðtal hjá fomanni heildarsamtaka starfsmannanna, sem boðaði báða þessa menn sem reyndar eru trúnaðarmenn til áríðandi fundar þar sem sett var ofan í við þá.

Ég ætla að endurtaka þetta því svo ótrúlegt er það. Formaður heildarsamtakanna lét boða trúnaðarmennina að beiðni forstjórans til að hlusta á ákúrur vegna "eineltis" gagnvart umræddum yfirmanni.

Síðan eru nokkur misseri liðin og einelti yfirmaðurinn hefur verið hækkaður í tign.

Ótrúlegt en satt.

[Kolbrún Baldursdóttir, 17.9.2007 kl. 14:31]

Ég var einmitt að ljúka við að skrifa grein um einelti meðal fullorðinna. Vonast til að fá hana birta í mbl.

[Heimir Lárusson Fjeldsted, 17.9.2007 kl. 14:43]

Hlakka til að lesa hana Kolbrún.

[Jórunn Sigurbergsdóttir , 17.9.2007 kl. 17:11]

Slæmt ef hlutninir eru svona.

[Heimir Lárusson Fjeldsted, 17.9.2007 kl. 17:46]

Svo sannarlega Jórunn er það slæmt.