Ekki lengur gaman í veislunni

Hingað til hefur Jón Gnarr Kristinsson verið umvafinn já-fólki. Hvarvetna verið hampað og dillað. Klappað fyrir honum og hlegið og flissað ef hann opnar munninn.

Nú er öldin önnur. Samviskusamir og vinnufúsir borgarfulltrúar Sjálfstæðisflokksins kunna ekki að meta athafnaleysi og sýndarmennsku og láta fögnuð sinn lítt í ljós við leikbrögðum Gnarrs.

Jón Gnarr verður óöruggur og vandræðalegur. Fer á Vinatorgið og kvartar yfir framkomu pólitískra andstæðinga í sinn garð.

Jón hefur gert hvert axarskaftið á fætur öðru, en jámennirnir segja allt frábært og flott. Þegar almenningur tekur ekki undir fer Jón í fýlu eins og óþekkur krakki, sem hefur leikið listir sínar og enginn klappar nema mamma og pabbi.

Sýni auðmýkt en fæ töffaragang á móti