Frábær sigur. Takk stelpur.

Það er fátt ef nokkuð sem yljar mér eins um hjartarætur og góður knattspyrnusigur KR á Val.

Þakka ykkur  þúsund sinnum fyrir stelpur. 

Katrín og Hólmfríður á skotskónum gegn Val

Fingraför sir Schule Thor áberandi á leikstíl og skipulagi Framliðsins.

Það er full ástæða til að óska Frömurum til hamingju með það að vera komnir í úrslit Lengjubikarsins gegn Val.

Ég hef það sterklega á tilfinningunni að betra liðið muni bera sigur úr býtum í úrslitaleiknum.

Sir Schule Thor Alex hefur greinilega verið Þorvaldi Örlygssyni þjálfara Fram innan handar á síðustu metrunum og ber árangur liðsins þess glögg merki. 

Fram í úrslit deildabikarsins

Dapurt knattspyrnusumar framundan.

Valsarar eiga eftir að rúlla yfir alla í sumar, því miður.

Þetta verður rautt sumar og eftir því dapurt. 

Valur í úrslit eftir 5:2 sigur á ÍA

Nojari í þýðingarmiklum leik?

Hvernig í ósköpunum á að vera hægt að halda með lið með Riise innanborðs?

 

Riise skoraði sjálfsmark og tryggði Chelsea jafntefli

Bestu hamingjuóskir Víkingar.

Mínar bestu hamingjuóskir til Víkings og allra víkinga með stóran og merkan áfanga. Kynni mín af Víkingi hófust í gegnum fyrrverandi tengdaföður minn Jónas Sólmundsson húsgagnasmíðameistara og húsgagnaarkitekt  fyrir margt löngu, en hann  var stuðningsmaður og sýndi það í verki með því að teikna félagsmerki þeirra.

Síðan hef ég kynnst mörgum víkingum og verð að segja það að margir þeirra koma bara vel fyrir sjónir og  það er mesta furða hve margir þeirra eru viðræðuhæfir.

Aðal víkingarnir sem ég hef samskipti við eru hér í Vesturbæ Reykjavíkur og eru þeir félagi sínu til sóma. Allavega ef þær sækja ekki of marga sigra hingað vestur fyrir læk. Ég er að tala um kaupmennina í Kjötborg þá Gunnar og Kristján Jónassyni.

Þrátt fyrir þessa vafasömu fortíð sína eru þeir Vesturbænum til sóma. 

Bestu KR-kveðjur. 

Víkingur á uppleið

Með orðum frænda okkar.

Manchester United vann týðandi stig

Manchester United var í svárum trupulleikum móti Blackburn. Men tveir minuttir fyri tíð javnaði Carlos Tevez og tryggjaði oddaliðnum eitt sera týðandi stig.

Úr Dimmalætting.

Blackburn og Man. Utd skildu jöfn

KR - ÍA klukkan tvö í dag í Kórnum.

Það er full ástæða til að óska VAl og Breiðabliki til hamingju með áfangann að komast í átta liða úrslit í lengjubikarnum.

En hjartað slær í takt við gengi KR og því ört þessa dagana.

Eins og áður "stal" ég eftirfarandi af vefsíðu KRReykjavik.is og skammast mín ekki:

 

"Við KR-ingar mætum skagamönnum í 8. liða úrslitum Lengjubikarsins á laugardag. Leikið verður í Kórnum í Kópavogi og hefst leikurinn kl. 14:00. Bæði lið hafa verið á ágætissiglingu undanfarið og þá sérstaklega við KR-ingar er unnum okkar riðil og það með fullu húsi stiga.

Síðasti leikur var ákaflega vel leikinn af okkar hálfu og vannst sannfærandi sigur á FH-ingum 2-0. Mörk KR í þeim leik gerðu fyrirliðinn Gunnlaugur Jónsson og Guðjón Baldvinsson.

Félögin eigast ekki bara við á knattspyrnuvellinum þessa stundina því í liðinni viku reyndu skagamenn við Kristján Finnbogason markvörð okkar KR-inga án samþykkis stjórnarmanna KR, en skagamenn eiga í miklum vandræðum vegna meiðsla Páls Gísla aðalmarkvarðar liðsins. Þannig virtu skagamenn lög og reglur knattspyrnusambandsins að vettugi og hleypti það illu blóði í hæstráðendur í Vesturbænum.

Leikir KR og skagamanna eru alltaf stórleikir. Hvort sem leikið er á Íslandsmóti eður ei. Leikurinn á morgun verður engin undatekning. Lærisveinar Guðjóns Þórðarsonar munu án efa mæta dýrvitlausir og okkar menn munu vonandi fylgja eftir góðri frammistöðu undanfarnar vikur.

Við hvetjum alla KR-inga til þess að fjölmenna í Kórinn og hvetja stórveldið til dáða."

Á síðunni er fjölmargt annað áhugavert fyrir alla knattspyrnuunnendur. 

 

Valur og Breiðablik í undanúrslit

Fyrsti fjölþjóðameistari?

Guðmundur E. Stephensen Íslandsmeistari í borðtennis er líka sænskur meistari í sömu grein. Til hamingju með það Guðmundur.

Ef meistaramót annarra þjóða rekast ekki á getur Guðmundur þá eftir þessu að dæma orðið danskur, finnskur og norskur meistari; bara ef hann má vera að og nennir. 

Guðmundur sænskur meistari

KR - FH á eftir kl. 17:30.

Eftir vinnudag á morgun (í dag 14.4.) skal brunað út í Frostaskjól þar sem KR-ingar fá fimleikafélagið í heimsókn. Ellefu FH-ingar verða mættir út á völl klukkan 17:30 þegar flautað er til leiks en hve margir þeir verða sem fara út af í lok hans skal ósagt látið. Logi Ólafsson mætir fyrrum lærlingi sýnum, samstarfsmanni og félaga í gríninu Heimi “KR-ingi” Guðjónssyni, sem nú stýrir FH-ingum.

Það er óhætt að lofa skemmtilegum leik enda bæði lið vel skipuð. Þó ekki sé mikið undir þar sem bæði lið eru komin í 8-liða úrslit deildarbikarsins er kjörið tækifæri fyrir KR að varpa af sér helv… Hafnafjarðargrýlunni og sýna stuðningsmönnum KR að liðið er til alls líklegt í sumar.

Logi og Steini skýrsla eru búnir að undirbúa liðið í allan vetur og Max hinn þýski hefur skafið hverja fiturönd af KR-liðinu og það mætir því helskafið, massaðir í rusl og tanaðir í drasl. Rúnar Kristinsson hefur lagt gjörva hönd á plóg og innleitt meginlandsboltann í liðið, sem á sínum bestu stundum þykir um margt minna á Liverpool á blómaskeiði sínu nú og endranær.

Eftir svitastækju íþróttahús KR þar sem maður horfði á lið kasta bolta í spjald er fátt betra en finna vorvindana leika um mann og anda að sér ilminum af nýslegnu gervigrasinu. Nú er útiboltinn byrjaður og alvöru stuðningsmenn stórveldisins fjölmenna á leikinn.

Þá vil ég að endingu minna á að eftir leik er KR-klúbbsfundur inni í heimili þar sem boðið er upp á léttar veitingar, nýir leikmenn kynntir og Logi Ólafsson segir 2-3 brandara (í hverri setningu).

Tekið ófrjálsri hendi af KRReykjavík .is 

Man Un bestir í Evrópu.

Það fer ekkert á milli mála að sir Alex Ferguson er besti þjálfari Evrópu og hefur skapað besta liðið líka.

Besti leikmaður heims Ronaldo er innanborðs og hvað annað en Englandsmeistaratitill og Evrópumeistaratitill bíður þessa liðs? 

Hargreaves tryggði United sigur með glæsimarki