Bestu hamingjuóskir Víkingar.

Mínar bestu hamingjuóskir til Víkings og allra víkinga með stóran og merkan áfanga. Kynni mín af Víkingi hófust í gegnum fyrrverandi tengdaföður minn Jónas Sólmundsson húsgagnasmíðameistara og húsgagnaarkitekt  fyrir margt löngu, en hann  var stuðningsmaður og sýndi það í verki með því að teikna félagsmerki þeirra.

Síðan hef ég kynnst mörgum víkingum og verð að segja það að margir þeirra koma bara vel fyrir sjónir og  það er mesta furða hve margir þeirra eru viðræðuhæfir.

Aðal víkingarnir sem ég hef samskipti við eru hér í Vesturbæ Reykjavíkur og eru þeir félagi sínu til sóma. Allavega ef þær sækja ekki of marga sigra hingað vestur fyrir læk. Ég er að tala um kaupmennina í Kjötborg þá Gunnar og Kristján Jónassyni.

Þrátt fyrir þessa vafasömu fortíð sína eru þeir Vesturbænum til sóma. 

Bestu KR-kveðjur. 

Víkingur á uppleið

Athugasemdir

[Ásta Kristín Svavarsdóttir (IP-tala skráð) 21.4.2008 kl. 19:10]

Já til hamingju með daginn Víkingar! Þeir lengi lifi!!!!

Leitt þykir mér þó að Víkingur ákveður að halda upp á daginn á 100 ára afmælisdegi FRAM þann 1. maí. Alveg sorglegt bara að geta ekki haldið upp á það einhvern annan dag. Nánast í sama hverfi og ég veit að sumir myndu vilja heiðra bæði félögin og sjálfan sig með nærveru sinni í afmælinu.

[Heimir Lárusson Fjeldsted, 21.4.2008 kl. 19:39]

SAmmála Ásta.

Þú getur nú notið veitinga hjá báðum félögunum, þökk sé nábýlinu!

[Björn Friðgeir (IP-tala skráð) 21.4.2008 kl. 19:50]

Afmælisfundurinn sjálfur er reyndar 3. maí.

Það er árlega hverfishátiðin sem haldin verður 1. maí, færð frá sínum venjulega degi, sumardeginum fyrsta. Frestun alls þessa var af góðum ástæðum, amk. tvær deildir eru fjarri borginni á helgi komandi.

[Heimir Lárusson Fjeldsted, 21.4.2008 kl. 20:02]

Mér er alveg sama hvenæri Víkingur heldur upp á afmælið, bara að það sé sómasamlega gert og rekist ekki á við stóra Vesturbæjarfestivalið!