Aðeins tíu% ísjakans eru ofansjávar. Hvað með viðskiptahætti Baugs?

Dæmafá framkoma feðganna í Baugi í íslenskri verslun á eftir að koma upp á yfirborðið, en aðeins lítill hluti hefur litið dagsins ljós.
Eftirfarandi úrdrættir eru úr bréfi þeirra til þjóðarinnar í dag með mínum athugasemdum.

"Í síðustu viku hóf ríkisfjölmiðillinn árás á fyrirtækið og það sem það hefur staðið fyrir frá upphafi í skjóli nafnlausrar ásökunar. Rannsóknarblaðamennska RÚV leiddi í ljós að húsmóðirin frá RÚV fékk vörurnar á sama verði og fréttakonan frá RÚV. Ekkert óeðlilegt kom fram í starfsemi Bónuss. Engar blekkingar áttu sér stað í Bónus." Er þetta sannleikanum samkvæmt Jón Ásgeir? Áfram:
"Þrátt fyrir það höfum við frá þeim tíma þurft að sitja undir því að Bónus sé þátttakandi í ólögmætu samráði á matvörumarkaðnum hér á landi og stundi blekkingar gagnvart viðskiptavinum sínum." Kæru feðgar þetta er staðreynd sem allir vita af (nema þið). Síðan: "Margir hafa fjallað um málið, án þess að nokkuð hafi verið borið á borð, sem staðfestir að um samráð eða blekkingar hafi verið að ræða." Fagmenn í blekkingum skilja ekki eftir sig spor og það eftir átján ára ástundun. Þá segja þeir: "Enginn hefur komið fram undir nafni og staðfest verðsamráð, þvert á móti hafa þeir sem komið hafa fram undir nafni lýst því yfir að þeir hafi enga trú á því að samráð sé tíðkað á matvörumarkaðnum, sem er hið rétta í málinu,“ segir meðal annars í grein þeirra feðga það vita þeir sem vilja að feðgarnir hafa hreðjatak á þegnum landsins með því að eiga og stýra öllum helsu verslunum landsins og fólk þarf að hugsa um afkomu sína og sinna.

"Þeir segja jafnframt að allt frá stofnun Bónus fyrir 18 árum hafi verið ákveðið að fyrirtækið byði alltaf vörur sínar á betra verði en samkeppnisaðilar þess og hvetja neytendur sjálfa til að gera verðkannanir. Þær séu öruggastar og marktækastar."
Þetta er lokaorðin um bréf Fréttablaðsins frá feðgunum.
Hvergi minnast þeir á stóra skandalann sem er í rannsókn hjá Samkeppniseftirliti og hefur verið í tvö ár. Verður það enn ein árásin á fjölskyldu Jóhannesar í Bónus, þegar þeim verður birt sú ákæra?

Bið SÁÁ að hylja slóð mína.

Mig langar að biðja þig Ari Matthíasson að má spor mín sem ég skyldi eftir mig þessa sjö daga á Vogi í maí 1998. Verð nú samt að viðurkenna að "meðferðin" hefur hingað til virkað 100% og þannig hyggst ég hafa það.

Óvirkir alkar fá ekki tryggingar

Nýkjörnir trúnaðarmenn hjá Strætó berir að ósannindum.

Það er með ólíkindum hvernig sögur eru búnar til hjá Strætó vinnustaðnum mínum. Sú nýjasta er að Ingunn Guðnadóttir gengur á milli manna og segir Jóhannes Gunnarsson hafa talað mínu máli við Reyni Jónsson framkv.stj. sem ætli að reka mig úr starfi.
Ég varð hvumsa en spurði svo hvers vegna ætti að reka mig. Jú, það er vegna þess að ég hef verið að blogga um málefni fyrirtækisins og Jóhannesi hafi tekist að fá Reyni til að gefa mér eitt tækifæri gegn því að ég hætti að blogga.
Ég lýsi þau bæði Ingunni og Jóhannes ósannindafólk. Það er ekki stafur fyrir þessum fullyrðingum. Ég hélt að óheiðarleikinn hefði náð hápunkti með Valdimar Jónssyni og vona það, en núna sé ég að þau eru á góðri leið þó að langt sé í að þau nái honum.

Fannar og Jóhannes geislaBaugur segja satt.

Hann Fannar verslunarstjóri Krónunnar við Fiskislóð sagði mér áðan að allt tal um samráð og svindl sé bara bull og vitleysa. Fannar hefur ekki hingað til sagt mér ósatt og ég trúi honum ekki síður en Jóhannesi Jónssyni í DV í dag.
(eða hvað?)

Kaupás mótmælir ásökunum um samráð og blekkingar

Bolabrögð Baugs.

Í fréttatímum Ríkisútvarpsins í dag hefur verið sögð sagan af viðskiptasiðferði Baugs gagnvart birgjum í matvælageiranum hér á landi. Er það ljót lýsing en sönn. Ég hef vakið máls á þessu reglulega í mörg ár, en fáir hafa lagt hlustir við. Samkeppnisyfirvöld hafa lengi vitað af ástandinu, en ekki aðhafst. Þegar lögfræðingur samkeppniseftirlits fyrrverandi Samkeppnisstofnunar fór í boðsferð Baugs til Florida og naut gistivináttu á frægri skútu, fannst fjölmiðlum ekki ástæða til að kanna málið. Þegar skýrsla Guðmundar Ólafssonar hagfræðings kom út (og er fáanleg hjá Samkeppniseftirlitinu) fyrir mörgum árum og greindi frá bolabrögðunum sá fréttastofa útvarps ekki ástæðu til að skoða málið.
Morgunblaðinu er vorkunn því á þessum tíma minnkuðu auglýsingatekjur þeirra mikið þegar Fréttablaðið hóf göngu sína og vildu Árvakursmenn því ekki styggja handhafa auðsins frekar en orðið var. Allir hinir fjölmiðlarnir að RÚV meðtöldu þögðu þunnu hljóði af skiljanlegum ástæðum og Útvarp Saga þar með. Neytendasamtökin eru vanhæf eins og allir vita.
Hagar Baugur sér allsstaðar illa?

Baugsvinir allra flokka hræddir.

Nú fer um alla þingmennina sem notið hafa fjárhagsstuðnings frá Baugi. Þeir spyrja sig hvort Baugur muni opinbera styrkina hreyfi þeir við þeim, eða hvort Baugur telji hag sínum betur borgið með að láta satt kyrrt liggja um stund, eða þangað til Alþingi hefur samþykkt afnám vörugjalda. Talið er að Baugur muni hagnast um mörg hundruð milljónir árlega með því að lækka verð ekki sem nemur afnámi væntanlegs vörugjalds.
Það getur verið vandlifað með fjármuni sem eru ekki á borðinu.

Þingmenn lýsa áhyggjum af fréttum af matvöruverslunum

Framkvæmdastjóri Bónuss á leiklistarnámskeiði?

Hvar er kaffihúsið Öskjuhlíð?. Ef einhver fótur er fyrir fregn RÚV þá er það í mesta lagi Hlíðarfótur.
Hver vegna í ósköpunum er þetta fyrrum starfsfólk að skrökva svo alvarlegum hlutum; óheiðarleika á þessa öndvegismenn; Jóhannes geislaBaug og undirsáta?

Segjast aldrei hafa haft samráð við keppinauta á markaði

Að loknu kjöri hjá Strætó bs.

Hjá Strætó bs. er samkeppni um að komast að sem fulltrúi Starfsmannafélags Reykjavíkur. Því skýtur það skökku við að fólkið sem skipaði listann sem bar sigur úr býtum, hefur haldið uppi þeim áróðri árum saman að starfsmenn Strætó eigi að finna annað fagfélag til að halda á okkar málum gagnvart vinnuveitanda. Að vísu gengust þau ekki við þessum skoðunum sínum dagana fyrir fulltrúakosningarnar.
Á framboðsfundum var frambjóðendum boðið að tala í 5 mínútur hverjum. En all sérstök fundarstjórn fráfarandi 1. fulltrúa gekk hart fram í að menn töluðu ekki of lengi, en leyfði Jóhannesi Gunnarssyni verðandi 1. fulltrúa að tala í 25-30 mínútur!
Sami fundarstjóri segir mönnum þessa dagana að hann muni vera í næstu kjarasamninganefnd, áður en nýju fulltrúarnir hafa komið saman eða tekið við af okkur hinum.
Þá var þessi fráfarandi 1. fulltrúi sem hefur sniðgengið Starfmannafélag Reykjavíkur með því að fara með álitamál til Eflingar í kjörstjórn og sat og merkti við kjósendur og leiðbeindi þeim um framkvæmd kjörsins. Maður sem hafði lýst stuðningi sínum við "listamennina".
Ég mun að líkindum skrifa meira um einkennilega sýn og meðferð lýðræðis hjá starfsmönnum Strætó, jafnframt sem ég skora á þá sem telja hallað réttu máli að svara á þessum vettvangi.

Jónaband?

Er tveir karlar bindast og fá ekki hjónaband samþykkt, nægir þeim þá ekki að fá blessun prests á sambúðinni og fá að kalla það Jónaband?

Stærsti stjórnarflokkur Svía vill að hjónaband verði ekki lengur bundið við karl og konu

Byltingarráðið vann sigur.

Kosningum til Fulltrúaráðs Starfsmannafélags Reykjavíkurborgar er lokið og vann byltingaráðið undir forystu Jóhannesar Gunnarssonar sigur.
Er ekki að efa að allar okkar vangaveltur um samningsbrot og annað sem Jóhannes hefur bent á kemst í betra lag, ef ekki strax í dag, þá eftir helgi.
Óska ég sigurvegurunum til hamingju og mun ég ekki láta mitt eftir liggja í gangrýni á störf þeirra, eins og þau telja nauðsynlegt. Eða hvað?
Það er mikið sem "sumir" leggja á sig í þágu réttlætis og friðar á vinnustað.
Ég óska líka Starfsmannafélaginu og yfirmönnum Strætós bs. til hamingju.
Ég hef fengið munnlega ábendingu um að sigur Byltingarráðsins hafi ekki verið sannfærandi því efsti maður þeirra fékk aðeins innan við 37% atkvæða svo ég hef leiðrétt fyrirsögnina til samræmis við staðreyndir.