15 heilsíður með minningargreinum - ókeypis þjónusta

Hatrammur áróður Baugsmiðla gegn Morgunblaðinu náði nýjum hæðum í dag með "frétt" um uppsagnir á áskrift. Það er magnað að snepill eins og DV hreyki sér hátt í samanburði við Mogga. Fréttablaðið sem er auglýsingablað með fréttatengdu ívafi er gefið út af þúsund milljarða fjölskyldunni sem telur sig eiga aðgang að buddum landsmanna gleðst yfir erfiðu gengi Moggans.

Í Mogga í dag eru 15 - segi og skrifa fimmtán heilsíður með minningargreinum. Ókeypis þjónusta við landsmenn eigum við ekki að virða þetta við útgefendur og kaupa áskrift?

Segir frétt DV fjarri raunveruleikanum

Athugasemdir

[Haraldur Bjarnason, 6.11.2009 kl. 16:46]

Síðan hvenær eru þessar minnigargreinar ókeypis þjónusta við landsmenn. Veit ekki betur en maður þurfi að kaupa blaðið til að lesa þær. Annars eru minningargreinarnar orðnar það bitastæðasta í þessu blaði, því miður.

[Karma (IP-tala skráð) 6.11.2009 kl. 16:56]

Þetta er rétt hjá Haraldi. Það er ókeypis að birta minningargreinar en það er ekki ókeypis að lesa þær,. Nema auðvitað Mogginn bjóði uppá fríblað með eingöngu minningargreinum en ég hef ekki rekist á það.

[Heimir Lárusson Fjeldsted, 6.11.2009 kl. 17:11]

Þið viðhafið einkennileg rök. Hafið þið reynt að fá minningargrein birta í Fréttablaðinu á endurgjalds?

[Axel Jóhann Hallgrímsson, 6.11.2009 kl. 18:11]

Ef það eru einungis minningagreinar sem skilja á milli Mogga og Fréttablaðs, þá kostar mánaðar aðgangur að minningargreinum kr. 3390,-

Sé ekki hvernig þú getur sagt efni blaðsins frítt Heimir, þegar maður fær blaðið ekki í hendur nema borga fyrir það.

Ef minningagreinarnar eru frí lesning, hvað er það þá af efni blaðsins sem kostar kr. 3390, um mánuðinn?  Er meira af efni blaðsins frítt? Staksteinar kannski?

[Heimir Lárusson Fjeldsted, 6.11.2009 kl. 18:55]

Ef þú ætlar að fá minningargrein brita í Fréttablaðinu Axel þá þyrftir þú að greiða auglýsingataxta. Birtingin í Mogga er ókeypis.Svo er auðvitað mikið af aðsendum greinum að ógleymdum Staksteinum.

[Karma (IP-tala skráð) 6.11.2009 kl. 20:34]

Burtséð frá því hvort það kosti eða kosti ekki að fá birt minningargrein eða annað efni er blaðið ekki ókeypis og þú þarft að borga fyrir að lesa það.

Ekki kalla ég t.d Fréttablaðið eða Skjá1 ókeypis þjónustu þó að ég hafi frían aðgang að því. Það er alltaf einhver sem borgar brúsann, auglýsendur, áskrifendur, eigendur o.s.frv.

Persónulega þarf eitthvað meira en minningargreinar til að ég hafi áhuga á að borga fyrir Moggann. Jafnvel þó að blaðsíðurnar færu uppí 20. 

[Heimir Lárusson Fjeldsted, 6.11.2009 kl. 21:02]

Auðvitað lifir ekkert blað á minningargreinum. Ég er ekki viss um að þú hafið skilið pistil minn Karma. Við því er svo sem ekkert að segja.

[Ragnar Gunnlaugsson, 6.11.2009 kl. 21:15]

Nú er ég orðinn sáttur við Moggan minn. Var mikið að hugsa um að segja honum upp í vor fannst allt of mikil ESB áróður í honum og andúð á ýmsum atvinnugreinum sem honum voru ekki þóknanlegir. Staksteinar Moggans eru tær snilld oft á tíðum,fer kannski fyrir brjóstið á sumum vinstri mönnum.

[Heimir Lárusson Fjeldsted, 6.11.2009 kl. 21:31]

Sammála þér Ragnar. Staksteinarnir eru skyldulesning.