Ekki klappar Eva Hauks - bragð er af þá norn finnur

Sýndarmennska Vinstri grænna er öllum ljós. Orðhákar ráða það ríkjum en efndir stóru markmiðanna fyrirfinnast ekki.

Eva Hauksdóttir norn og mótmælandi sér í gegnum þunn leiktjöldin; „Afsakið mig meðan ég æli yfir vinstrigræna mannúðarhræsnina.“

Bragð er af þá norn finnur.

Steingrímur kjörinn með lófataki

Athugasemdir

[Gústaf Níelsson, 21.3.2009 kl. 16:15]

Hræsnin hefur alltaf verið aðalsmerki róttækra vinstrimanna og snillingar eru þeir í því að búa til merkingarlausa orðaleppa til að nota í pólitíkinni. Sá nýjasti er úr munni Steingríms J. "endurlýðræðisvæða", hvað sem það svo merkir. Er mikill lýðræðishalli hér nú um stundir? Hefur einhver tekið frá okkur lýðræðið? Eða er Steingrímur að boða okkur "sitt lýðræði", sem er þá væntanlega í einhverju frábrugðið því lýðræði sem við eigum að venjast. Í þessu sambandi vil ég benda á ágæta grein "Þjóðin, það er ég!" í nýjasta hefti Þjóðmála eftir Vilhjálm Eyþórsson, rithöfund. Þar segir m.a.:

"Sýndarmennskan og sjálfsblekkingin er vinstri öfgamanninum ásköpuð og eðlislæg, eins og vandlætingin, og kemur fram hvarvetna í orðum hans og æði. Þetta fólk tekur ávallt fallega lygi fram yfir ljótan sannleika. Vinstri öfgamenn eru liðsmenn lyginnar, en jafnfram býr innra með þeim djúpstætt hatur á sínu eigin þjóðfélagi sem þeir reyna að gera allt til miska, og taka því ávallt og ósjálfrátt málstað óvina þess, hverju nafni sem þeir nefnast."

Grein Vilhjálms er ágæt analýsa á innræti og pólitísku "stýrikerfi" vinstri sósíalista og holl lesning öllu hugsandi fólki um pólitík.