Varpar vonandi ekki rýrð á okkur Framsóknarmenn

Það að Gunnlaugur Sigmundsson annar stærsti eigandi skulda Icelandair þurfi að axla þá óhjákvæmilegu ábyrgð á fyrirtækinu vona ég að verði ekki til þess að kusk falli á hvítflibba okkar framsóknarmanna.

Tengslin við formann okkar skipta auðvitað engu máli í þessu samhengi.

Lánastofnanir ráða Icelandair

Athugasemdir

[Jón Ólafur Vilhjálmsson, 4.3.2009 kl. 18:09]

Heimir þú ræður náttúrlega hverra manna þú ert og velur þér foreldra og berð ábyrgð á þeim er það ekki?

[Heimir Lárusson Fjeldsted, 4.3.2009 kl. 18:34]

Það er þannig í minni fjölskyldu.

[Hvumpinn, 4.3.2009 kl. 18:43]

Ef að Gunnlaugur hefði farið þarna einn inn væri hægt að horfa framhjá þessu.  En þarna fór allt Framsóknarfjármálasukkbatteríið inn, Gift og Finnur Ingólfsson.  Af því er fnykurinn.  Gift mun reynast Framsóknarflokknum eitur.

[Sigurgeir Jónsson, 4.3.2009 kl. 22:52]

Við í Samfylkingunni verðum ekki í vandræðum með að redda þessu þegar ríkið, í okkar höndum tekur þetta yfir. Við gerum fyrrverandi viðskiptaráðherra okkar að stjórnarformanni og þingflokksformann okkar sem er vanur húsabraski að forstjóra, og þá verður kátt í Samfylkingarhöllinni.

[Margrét Rún Guðmundsdóttir Kraus, 4.3.2009 kl. 23:44]

Þú hefur vakið athygli mína fyrir snjallar athugasemdir, Heimir. En er ekki kominn tími til að hætta að gera grín að öllu? Hefurðu ekki aðeins meira fram að færa?

[Heimir Lárusson Fjeldsted, 5.3.2009 kl. 09:48]

Við Frjálslyndir (framsóknarmenn) vörumst spaug fram í rauðan dauðann Margrét Rún og erum ávallt reiðubúnir að taka með festu og áræðni á aðsteðjandi þjóðfélagsvanda.

Samfylkingarmaðurinn Sigurgeir leysir vandamál síns flokks og Sigurbjörg efast um heilindi okkar