Íbúðir seljast ekki nema að verð lækki

Stöðnun ríkir á fasteignamarkaði hér á landi. Íbúðaeigendur hvika lítið frá ásettu verði og allt situr fast. Við skoðun á nokkrum litlum íbúðum, einstaklings og tveggja herbergja undanfarna daga kemur í ljós að áhvílandi lán hækka frá degi til dags, en íbúðaeigendur neita að horfast í augu við staðreyndir og neita að lækka verð.

Fregnir frá Bretlandi herma að þar hafi raunverð fasteigna lækkað og  salan sé nokkuð eðlileg.

Hvað þurfum við að bíða lengi eftir því að fólk viðurkenni þá einföldu staðreynd að íbúðir seljast ekki á núverandi verði? 

21 fasteign seld á höfuðborgarsvæðinu

Athugasemdir

[Offari, 16.1.2009 kl. 18:58]

Íbúðaverð á Íslandi lækkar ekki fyrr en heimilin fara á hausin. Og þá spái ég að lækunin verði mun meiri en þörf er á.

[Heimir Lárusson Fjeldsted, 16.1.2009 kl. 19:28]

Er ekki skynsamlegra að slá aðeins af verði og losna frá óþægindunum heldur en að standa fast á verðinu og auka vandann með hverjum deginum?

[Júlía Helgadóttir (IP-tala skráð) 16.1.2009 kl. 20:16]

Ég held að fólk sé ekki tilbúið að sætta sig við tap.  Að skulda þó það eigi ekkert.

[Heimir Lárusson Fjeldsted, 16.1.2009 kl. 20:29]

Já en Júlía er það ekki að tapa með því að bíða og hanga á roðinu eins og hundur?