Landráð

Það þarf ekki Norska vísindamenn til að segja okkur frá landráðum kvótakóngsins Þorsteins Más Baldvinssonar, Lárusar Weldings og aðaleiganda Glitnis Jóns Ásgeirs Jóhannessonar ef marka má frétt Stöðvar 2 sem síðan var tíunduð á vísi.is:

 

"Stöð 2, 06. jan. 2009 18:29

Kvótaveð í hendur útlendinga

Lárus Welding og Þorsteinn Mar Baldvinsson.

Glitnir færði veð í kvóta nokkurra stærstu útgerða landsins í hendur erlendra banka síðastliðið sumar. Forstjóri Þorbjarnar í Grindavík segir ráðamenn bankans með þessu hafa svikið skriflegt loforð og því borgi hann nú af lánunum til Deutsche bank. Talið er að kvótaveð að verðmæti á þriðja tug milljarða króna séu þannig komin í hendur útlendinga."

Upp komast svik um síðir og á næstu vikum verður skammt stórra högga á milli ef fram fer sem horfir. 

Gátan um þorskinn leyst

Athugasemdir

[Axel Jóhann Hallgrímsson, 7.1.2009 kl. 10:04]

Nú þarf ekki lengur að rífast um fórnir í sjávarútveginum með aðild að ESB. Kvótinn er þegar í Brussel. Þökk sé bönkunum og þeim sem heimiluðu veðsetningu kvótans, sem átti að leysa öll vandamál sjávarútvegsins til frambúðar.

Samt er nú farið að tala um að afskrifa þurfi skuldir sjávarútvegsins og bæta þeim ofan á þann klafa sem þegar hefur verið á þjóðina settur. Og það þrátt fyrir alla hagræðinguna sem, framsal og veðsetningarheimild kvótans átti að skapa.

[Heimir Lárusson Fjeldsted, 7.1.2009 kl. 10:12]

Er það ekki bara Árni sem talar um afskriftir skulda sjávarútvegsins?

Ef það verður segi ég mig úr samfélagi Íslendinga og geng í Bandaríkin eða annað ríkjasamband utan Evrópubandalagsins

[Axel Jóhann Hallgrímsson, 7.1.2009 kl. 11:14]

Ég held að Árni hafi aðeins hugsað upphátt ósjálfrátt og án leyfis um umræðu sem þegar hefur farið fram í þingflokksherbergi Sjálfst.fl.

[Heimir Lárusson Fjeldsted, 7.1.2009 kl. 11:28]

Þú annt Sjálfstæðismönnum ekki hugástum Axel eins og glöggir menn ráða af skrifum þínum .

Hvað er að frétta af þér? Hvernig gengur í Grindavík?

[Heimir Lárusson Fjeldsted, 7.1.2009 kl. 11:38]

Lánið gjaldfellur og verður aðfarahæft við minnstu vanskil á afborgunum. Hver á þá fiskinn í sjónum við Íslandsstrendur?

[Axel Jóhann Hallgrímsson, 7.1.2009 kl. 16:37]

Heimir ég veit ekki hvernig mál ganga í Grindavík, hef ekki verið þar síðan fyrir jól. Ég hef dvalið á Skagaströnd í sælunni. Þaðan sem ég dvel hef ég gott útsýni yfir í endann á Bankastrætinu þar sem Goðið mikla býr. Ég sný mér þangað kvölds og morgna, bugta mig og beygi meðan ég fer með bænirnar.

Ég er eins og nýr maður á eftir. Lítið þarf til að gleðja vesælan.

[Heimir Lárusson Fjeldsted, 7.1.2009 kl. 17:07]

Litlu verður Vöggur feginn sagði einhversstaðar. Annars bið ég að heilsa honum sem ég held að þú eigir við. Hann reyndist mér heiðarlega og vel.

[Sigurður Sigurðarson, 8.1.2009 kl. 15:28]

Er einhver munur á því hvort örfáir útgerðarjöfrar hér á landi "eigi" fiskinn eða útlenskir bankar?  Hann er jafn fjarlægur íslenskri alþýðu hvort sem er.  Þetta er hluti "frjálsa" kvótkerfisins  því að um leið og hægt var að veðsetja óveiddan fisk þá var bara tímaspursmál hvenær útlendingar kæmust með puttana í hann.   Kvótin á að vera í eigu þjóðarinnar og leigjast á ársgrundvelli til áhugasamra!  Þá væri vandamálið leyst og kvótinn kominn í réttar hendur.

[Heimir Lárusson Fjeldsted, 8.1.2009 kl. 16:44]

Gömul tillaga mín um að byggðarlög og útgerðir fái úthlutað kvóta til helminga stendur enn fyrir sínu.