Ég hvet alla sem geta til að hlusta á furður sálarlífsins á Útvarpi Sögu

Það er mikið hlustað á útvarp Sögu eins og allir vita en hlustunin er aðallega á morgnana í beinni útsendingu. Sigurður G. Tómasson er með tveggja klukkustunda þátt á hverjum virkum degi og að undanförnu hefur hann verið með símatíma í tvær stundir samfleytt.

Þessar 120 mínútur hafa að undanförnu farið í að rægja aðalbankastjóra Seðlabanka Íslands Davíð Oddsson  og engin breyting er á því í dag. Hann hefur bætt í ef eitthvað er.

Samkvæmt hagfræðikenningum Sigurðar G. Tómassonar hefur íslenska bankakerfið hrunið af völdum þessa eina manns. Já, mikill er máttur Davíðs. 

Glapráðar íslensku útrásarinnar eiga þar enga sök og ekki heldur efnahagskreppan sem gengur yfir heimsbyggðina og hófst í Bandaríkjum norður Ameríku.

Nei Davíð Oddsson skal vera sökudólgurinn að mati efnahagssérfræðings þjóðarinnar númer eitt, Sigurðar Guðmundar Tómassonar.

Ég hvet alla sem geta til að hlusta á furður sálarlífsins á Útvarpi Sögu. 

Athugasemdir

[Heimir Lárusson Fjeldsted, 9.10.2008 kl. 10:04]

Góður Benedikt og þakka þér ábendinguna.

[Heidi Strand, 12.10.2008 kl. 01:04]

Margir eru sammála en enginn þorir að hengja bjölluna á köttinn.