Er ekki of seint í rassinn gripið?

Það má vel vera rétt há Þorsteini Má að betra boð komi í Glitni, en eru stærstu hluthafarnir ekki búnir nú þegar að samþykkja boð Íslenska ríkisins og það orðið eigandi að 75% af Glitni að fengnu samþykki Alþingis?

Eftirfarandi frétt á Vísi vekur furðu mína og annarra: 

 

 

MYND/GVA

 

"Þorsteinn Már Baldvinsson, stjórnarformaður Glitnis, segir kaup ríkisins ekki endilega endanlega niðurstöðu. Það sé á valdi hluthafanna að ákveða hvað verði gert á hluthafafundi. Ef betra boð í hlutabréf bankans komi þá verði farið yfir það.

Aðspurður hvort hann teldi ríkisvaldið hafa stungið Glitnismenn í bakið sagðist Þorsteinn ekki sáttur. Það hefði verið hægt að fá betri möguleika hefðu menn haft aðeins lengri tíma. Þá sagði hann það hafa skipt máli ef Seðlabanki Íslands hefði náð gjaldeyrisskiptasamningi við Seðlabanka Bandaríkjanna. Það hefði auðveldað fjármögnun bankans.

Þorsteinn Már segist telja að þjóðnýting Glitnis hafi neikvæð áhrif á viðskiptalífið í heild sinni. Sagðist hann fremur telja að ríkið hefði fremur átt að kaupa 50 prósenta hlut en 75 prósent. "