Ástandið reynir á þolinmæði okkar vammlausu.

Venju samkvæmt er umferð með minnsta móti þessa dagana á höfuðborgarsvæðinu. Júlí og fram í miðjan águstmánuð er aðal sumarleyfistími okkar Frónbúa og er þar með komin skikkun á mál að miklu leyti.

Í gær og í dag, sérstaklega í dag hefur gætt mikillar óþolinmæði í umferðinni og líka þess að fólk er ansi utanvið sig. Óþolinmæðin getur verið sökum hitans og pirrings bílstjóra að sitja í sjóðheitum bílunum og hægagangurinn er hugsanlega vegna þess að margir utanbæjarmenn eru þessa dagana á kreiki í höfuðborginni að lesa á götuskilti og rifja upp hvað öll þessi umferðamerki þýða.

Ástandið reynir á þolinmæði okkar vammlausu. 

29 gráður og sólskin

Athugasemdir

[Sigurbrandur Jakobsson, 30.7.2008 kl. 20:07]

Ég var á ferðini í Reykjavík í gær og var bara hreinlega skíthræddur. Óþolinmæðin og tillitsleysið hefur sjaldan meira verið í Reykjavík. Svo held ég nú að flestir utanbæjarmenn þekki umferðarskiltin því þau eru nú þau sömu og út á landi. Svo það er nú kannski ekki alveg rétt að kenna sveitavarginum um hægagang. Við þekkjum það frá strætó Heimir að manni fannst allt ganga hægar á heitum dögum og vaktin ætlaði aldrei að taka enda. Ég man eftir nokkrum dögum frá fyrstu árunum mínum hjá Strætó að þegar yfir gekk hitabylgja að þá drifu allir sig af stað úr bænum og Miklabrautin, Reykjanesbraut og Sæbraut stífluðst svo maður rétt hafði það af stað á réttum tíma í næstu ferð.

[Heimir Lárusson Fjeldsted, 30.7.2008 kl. 20:46]

Mikið rétt hjá þér Sigurbrandur með tillitsleysið og óþolinmæðina.

Þetta átti nú frekar að vera spaug með utanbæjarmennina eða "bortforklaring" eins og Akureyringar telja alltaf að um utanbæjarmenn sé að ræða ef eitthvað er farið yfir strikið í þeirri ágætu höfuðborg alls hins norðlæga lands, Akureyri.

Annars hef ég búið í yfir tíu ár á landsbyggðinni svokölluðu og ég man ekki eftir því að hafa ryðgað í umferðarskiltafræðunum á þeim tíma, enda vammlaus maður ;)

[Sigurbrandur Jakobsson, 31.7.2008 kl. 15:47]

Akureyringar eru nú alltaf svoldið sérstakir. Enda tala þeir alltaf um höfuðborg norðurlands