Gæfubrautin er í Fella- og Hólakirkju.

Í morgun kom ég í fyrsta sinn í Fella- og Hólakirkju.

 

Byggingin lætur ekki mikið yfir sér utan frá séð, allavega ekki þaðan sem aðkoman er. 

Þegar inn er komið tekur á móti manni mikil hlýja og fegurð og tilfinning fyrir því að vera velkominn.

Starfsfólk kirkjunnar er hvert öðru vinsamlegra og notalegra og stórgóður  fer presturinn sr. Svavar Stefánsson þar fremstur í flokki.

 

Honum mæltist sérlega vel í predikun sinni með einföldu og skýru líkingamáli sem verður í minni haft.

Kórinn söng af látleysi og smekkvísi og kynnti fyrir mér a.m.k. fallegt lag eftir Inga T.

við þekktan sálm.

 

Að fallegri athöfn lokinni og ekki of langri var boðið upp á kaffisopa og spjall áður en haldið var út í fegurð vorsins.

Mínar bestu þakkir fyrir góða og gagnlega stund í fallegri umgjörð.

Ég á eftir að fara oftar í Fella- og Hólakirkju.

Haldið áfram á ógæfubraut

Athugasemdir

[Jóhanna Magnúsar- og Völudóttir , 20.4.2008 kl. 16:21]

Þú hefur fengið þér ágætis morgunhressingu!

[Heimir Lárusson Fjeldsted, 20.4.2008 kl. 17:58]

Svo sannarlega.