Guðsorð á góðu verði.

Í pósti dagsins var blöðungur frá Skálholtsútgáfunni. Líklega hafa þeir frétt af þrengingum mínum og buðu mér Guðsorð á góðu verði.

Guðsorðið er í formi 407 blaðsíðna bókar sem ber heitið " Fimm mínútna Biblían" 

Á blöðungnum segir:

" Þessi bók er nútímaleg og gerir efni Biblíunnar ótrúlega aðgengilegt og vekur áhuga lesandans á að lesa í Biblíunni sjálfri. Öllu efni bókarinnar er skipt niður í hæfilega stutta kafla fyrir hvern dag ársins. Fjölmargar hugleiðingar, stuttar og eftirminnilegar, fylgja hverjum degi".

Auðvitað sinnti ég kallinu strax og sá mér leik á borði að sameina nauðsynlegan göngutúr og öflun góðs lestrarefnis og arkaði upp í Kirkjuhús á Laugaveg 31 og festi kaup á bókinni.

Ég hygg mér gott til glóðarinnar við lestu bókarinnar sem er eftir Knut Tveitereid í þýðingu Hreins S. Hákonarsonar.

Fyrir herlegheitin þurfti ég bara að borga 2.290 krónur.