Falleg athöfn í Dómkirkju.

Messa í Dómkirkjunni föstudaginn langa kl. 11.

Sr. Hjálmar Jónsson prédikaði.

Athöfnin var ákaflega falleg í látleysi sínu. Sr. Hjálmar lagði (auðvitað) út af krossfestingunni  og þjáningu mannkyns fyrr og nú.

Gerði það fallega.

 

Hann las ljóð eftir dauðvona þjóðþekktan mann sem hann orti á Líknardeild Landspítalans í Kópavogi; æðrulaus ljóð.

 

Eftir predikun flutti dómkórinn Ave verum corpus eftir W.A. Mozart við latneskan hymna.

Sjaldan hef ég heyrt það flutt af jafnmikilli mýkt og næmni og á dómkórinn og stjórnandi hans Marteinn Hunger Friðriksson þakkir skilið.

 

Mér sýndist að innan við 50 manns væru við athöfnina fyrir utan kór og aðra starfsmenn og var herra Sigurbjörn Einarsson brosmildur og léttur á fæti á meðal kirkjugesta ásamt Lóu Guðjónsdóttur myndlistakonu og kennara og Stefönu Karlsdóttur kaupkonu.