Benedikta Eik.

Það er fróðlegt að fylgjast með leit Benediktu Eikar að sannleikanum. 

Vísindamaðurinn og læknirinn Kári Stefánsson hefur afskaplega skarpa og heilbrigða sýn á vandamál Benediktu Eikar eins og fram kom í viðtali við hann í Kastljósi áðan, vitandi að hún er síður en svo ein um að búa við þennan nagandi efa.

Ég er hræddur um að nagandi efi hrjái marga konuna á landinu kalda í dag og marga langi til að gera hreint fyrir sínum dyrum, vitandi að sannleikurinn gerir þær frjálsar.

Ég stend með Benediktu Eik. 

Athugasemdir

[Jórunn Sigurbergsdóttir , 28.2.2008 kl. 23:06]

Erfitt mál fyrir hana.

[Heimir Lárusson Fjeldsted, 28.2.2008 kl. 23:14]

Vissulega Jórunn.

[Jón Birgir Valsson, 29.2.2008 kl. 09:34]

Hún á alla mína samúð blessuð konan. En því miður er þetta vandamál algengara en margan grunar. Þekkt er sagan af unga manninum sem fylgdi stúlku heim af balli eftir innileg kynni þar. Þegar inn í stofu stúlkunnar var komið sér ungi maðurinn mynd af föðurömmu sinni á stofuskenknum. Við eftirgrenslan komst hann að því að faðir hans var einnig faðir þessarar stúlku sem fyrir framan hann stóð. Þarna komust næstum því verðandi rekkjunautar að því að þau væru hálfsystkyni. Sumt er betra upplýst en leyndu haldið.

[Heimir Lárusson Fjeldsted, 29.2.2008 kl. 10:02]

"Sumt er betra upplýst en leyndu haldið." Geri þín orð að mínum.

[Heimir Lárusson Fjeldsted, 29.2.2008 kl. 11:31]

Kári þarf undanþágu til að ljóstra upp þeim upplýsingum sem hann býr yfir. Kannski getur hann skoðað málið í kyrrþey og talað við meintan föður ef hann finnst og er af íslensku bergi brotinn og málið dautt?

[Heimir Lárusson Fjeldsted, 29.2.2008 kl. 11:32]

P.s.

Annars er ekki víst að minnisleysi móðurinnar sé viðvarandi.

[Axel Jóhann Hallgrímsson, 29.2.2008 kl. 12:08]

Skil vandamál konunnar mæta vel og styð hennar baráttu.

En af hverju var það tekið fram í tvígang, í Kastljós viðtalinu, hið minnsta að móðir hennar hefði unnið á Bessastöðum mánuðina á undan, áður en hún varð ólétt?

Er verið að gefa eitthvað í skyn? 

En hvers konar móðir er móðir Benediktu að segja henni ekki sannleikan? Hún veit örugglega betur.

[Heimir Lárusson Fjeldsted, 29.2.2008 kl. 12:20]

Mamman hlýtur að rifja upp allar ánægjustundir á þessum tíma.