Hrun Sjálfstæðisflokksins í Reykjavík.

Að óreyndu hefði ég aldrei getað ímyndað mér að flokkurinn minn fyrrverandi gæti klúðrað jafn miklu á jafn skömmum tíma.

Undir öruggri forystu Vilhjálms Þórmundar bætti Sjálfstæðisflokkurinn verulega við sig í síðustu kosningum og tók við meirihlutanum eftir tólf ára útlegð frá stjórn borgarinnar.

Vilhjálmur Þórmundur varð borgarstjóri og stóð sig vel.

Undir niðri kraumaði óánægja Hönnu Birnu, Gísla Marteins og Þorbjargar Helgu og notuðu þau í bernsku sinni fyrsta tækifæri til að klekkja á Vilhjálmi Þórmundi og það svo um munaði með dyggri aðstoð Geirs Hilmars.

Hann er aftur kominn á kreik með öldungis ótímabæran eftirrekstur og afskiptasemi af persónulegum málum Vilhjálms Þórmundar; ofangreindum þremenningum til þægðar.

Hvurn andsk... liggur á?

Málum verður ekki klúðrað meira en orðið er og næsta víst er að mikil endurnýjun þarf að fara fram í borgarstjórnarflokki D-lista fyrir næstu kosningar, eigi listinn að ná fimm fulltrúum svo ekki sé meira sagt. 

Flestir vilja Hönnu Birnu sem borgarstjóra

Athugasemdir

[Dofri Hermannsson, 19.2.2008 kl. 22:18]

"flokkurinn minn fyrrverandi"... er þetta orðið svona slæmt?

[Ibba Sig., 19.2.2008 kl. 22:33]

"Vilhjálmur Þórmundur varð borgarstjóri og stóð sig vel."

Þú bara hlýtur að vera djóka? 

[Heimir Lárusson Fjeldsted, 19.2.2008 kl. 23:33]

Sárt og slæmt.

[Heimir Lárusson Fjeldsted, 19.2.2008 kl. 23:34]

Ég spauga ekki með greafalvarlegar staðreyndir Ibbasig.

[Stefán Friðrik Stefánsson, 20.2.2008 kl. 00:26]

Villi er gjörsamlega búinn að skíta upp á bak. Hefur algjörlega séð um það sjálfur að ganga frá stjórnmálaferli sínum. Það verður Sjálfstæðisflokknum til ævarandi skammar að bakka hann upp með þennan áfellisdóm í höndunum. Þessi könnun er afgerandi og skýr. Vilhjálmur er rúinn trausti.

[Villi Asgeirsson, 20.2.2008 kl. 08:08]

Já, hann stóð sig sérstaklega vel í ísskápsmálinu. Hann sannaði að hann er maður sem hægt er að reyða sig á í stormi... í vatnsglasi.

[Heimir Lárusson Fjeldsted, 20.2.2008 kl. 08:29]

Skýr skoðun þín Stefán Friðrik er komin til skila.

Villi, þú hefur enn ekki skilið stóra kæliskápsmálið sem er afleitt fyrir þig.

[Axel Jóhann Hallgrímsson, 20.2.2008 kl. 11:52]

"Undir öruggri forystu Vilhjálms Þórmundar bætti Sjálfstæðisflokkurinn verulega við sig í síðustu kosningum og tók við meirihlutanum eftir tólf ára útlegð frá stjórn borgarinnar".

Þessi málsgrein er dæmi um pólitíska þröngsýni og hagræðingaráráttu. Sjálfstæðisflokkurinn var í minnihluta fyrir kosningarnar og líka eftir kosningarnar vegna, eða þrátt fyrir, forystu Villa Munda (kannski ætti að kalla hann Vilmund) Meirihluti myndaðist síðan með þátttöku  Binga. Var hann ekki í framsóknarflokknum Heimir? Misminnir mig nokkuð?

[Heimir Lárusson Fjeldsted, 20.2.2008 kl. 12:06]

Þakka góðar óskir Hallgerður. Það er verst að hinir flokkarnir eru ennþá lélegri;-)

Axel, ég sagði ekki að Sjálfstæðisflokkurinn hefði náð meirihluta. Rýndu betur í rúnirnar og sparaðu stóru orðin;-)

[Villi Asgeirsson, 20.2.2008 kl. 12:19]

Ég skildi að það sem mest lá á hjá borgarstjóra var að koma ísskápi fyrir kattarnef. Betra það en að hafa hann fyrir nefjum blindfullra íslendinga. Þetta var auðvitað allt voðalega fallegt. Maður fékk á tilfinninguna að allt væri í svo góðum málum í Reykjavík að borgarstjórinn hefði nógan tíma til að sinna svo smámálum. Það kom þó annað á daginn. Kannski ísskápurinn hafi verið reykskjár, eins og þeir segja í útlandinu.

[Stefán Friðrik Stefánsson, 20.2.2008 kl. 12:29]

Mér finnst ekkert óeðlilegt að tala hreint út Heimir minn. Er þó ekkert illa við þig, eða nokkuð slíkt. Það verður hver að hafa sínar skoðanir og tjá sig eins og hann vill. Staða flokksins í borginni er mjög vond og þar hefur verið farið illa með það gullna tækifæri sem var í stöðunni. Allir hafa brugðist að einhverju leyti en það er greinilegt að leiðtoginn hefur tekið mesta skellinn og hann er að mörgu leyti ásýnd REI-málsins eftir að Björn Ingi fór. Þetta er vissulega dapurlegt fyrir Vilhjálm, sem hafði góðan bakgrunn í leiðtogastöðuna en gerði alvarleg mistök. Það verður að taka á þessari stöðu. Get ekki séð að flokkurinn geti leyft sér að láta þetta mál dankast lengur.

[Axel Jóhann Hallgrímsson, 20.2.2008 kl. 12:32]

Þegar menn ná ekki meirihluta geta þeir myndað hann með einhverjum. Þeir taka ekki við honum nema með því að vinna hann í kosningum. Það er ekki sama hvernig menn orða hlutina. Ég gat ekki skilið þetta öðruvísi nema misskilja þig rangt, eins og maðurinn sagði.

[Heimir Lárusson Fjeldsted, 20.2.2008 kl. 12:46]

Stefán, ég get ekki séð annað en að meint mistök Vilhjálms Þórmundar séu blásin upp af samherjum hans t.d. með baktjaldamakki sexmenninganna með forystu flokksins.

Hefðu sexmenningarnir haft þroska til heiðarlegri og vandaðri vinnubragða væri þetta ekkert mál. Mistökin voru sexmenninganna að mínu mati, nema allt hafi gengið eftir að þeirra áformum?

Axel, ég gat vissulega orðað þetta á annan hátt, en tel mig hafa komið hugsun minni til skila;-)

[Heimir Lárusson Fjeldsted, 20.2.2008 kl. 12:48]

Ég var næstum búinn að gleyma þér Villi og stóra kæligeymslumálinu. Mér finnst alveg sjálfsagt hjá þér að halda því til streitu, aðrir gera það ekki.

[Villi Asgeirsson, 20.2.2008 kl. 14:28]

Einhver verður að muna eftir því fram yfir kosningar, ekki satt?

[Heimir Lárusson Fjeldsted, 20.2.2008 kl. 14:46]

Jú Villi mig langar að biðja þig að halda vel utan um stóra bjórkæliskápsmálið svo það falli ekki í gleymskunnar dá. Haltu því köldu svo það skemmist síður:-)

[Stefán Friðrik Stefánsson, 20.2.2008 kl. 17:26]

Villi brást sem leiðtogi Heimir, hann vann framhjá kjörnum fulltrúum og fór illa með vald sitt. Nú að undanförnu hefur orðið ljóst að hann hefur ekki sagt satt í lykilatriðum málsins. Það sést á könnuninni hver staða hans er. Styrkur hans er gufaður upp, fólk hefur misst traust til hans og trúir ekki lengur á hann. Það skrifast á hann sjálfan, enga aðra. Hann hefur brugðist.

[Heimir Lárusson Fjeldsted, 20.2.2008 kl. 18:00]

Við erum ekki sammála um aðdraganda "hrunsins" Stefán. Þú sérð fylgi "arkitektsins" Gísla Marteins, er það til að hrópa húrra fyrir?