Elli- og örorkulaunþegar.

Ég hefi í mínum ranni heyrt miklar vangaveltur að undanförnu um hvaða molar hrökkvi af allsnægtaborði þjóðarinnar til handa elli- og örorkulaunþegum nú þegar launþegasamtökin eru að semja um bætt kaup og kjör.

Vill einhver vera svo vænn að fræða okkur fávísa? 

Persónuafsláttur hækkaður meira en gert var ráð fyrir

Athugasemdir

[Gísli Baldvinsson (IP-tala skráð) 17.2.2008 kl. 14:35]

Það þarf að hamra á því Heimir. Ég hef þá fullvissu að skattur af lífeyrissjóðsgreiðslum verði lækkaður og elli- og örorkulaunþegar njóta góðs af hækkuðum persónuafslætti, það er að segja ef þeir eru að hluta á vinnumarkaði.

[Heimir Lárusson Fjeldsted, 17.2.2008 kl. 14:45]

Ágúst Ólafur Ágústsson skrifaði fyrir mörgum vikum síðan að kjör elli- og örorkulaunþega hafi verið bætt stórkostlega að undanförnu, en hefur ekki skýrt í hverju þær bætur eru fólgnar, þrátt fyrir margítrekuð tilmæli þar um.

Sumum finnst í lagi að þeyta froðuna og sletta, vitandi að ekkert situr eftir þegar hún hjaðnar:(

Það er vissulega rétt hjá þér að hækkun persónuafsláttar gagnast þessu fólki, en betur má ef duga skal.

[Gísli Hjálmar , 17.2.2008 kl. 15:13]

Nú á ekki að hamra járnið á meðan það er heitt ... er það ekki annars?

[Heimir Lárusson Fjeldsted, 17.2.2008 kl. 15:55]

Tek undir með þér Einar, það verður fróðlegt að sjá hvaða úrbætur verða.