Þakkir til samstarfsfólks hjá Strætó bs.

Hún er að koma þessi elska.

Hægt og sígandi, dokar stundum við en gefur svo í inn á milli og lyftir geði guma.

Læknavísindin segja mér að ég verði vinnufær eftir þrjá til sex mánuði, en þá eiga þeir við eftir þessa aðgerð.

Núna bíður önnur aðgerð strax og heilsa leyfir.

Ég verð að vera duglegur að safna þreki fyrir hana, því það hefur svo mikið að segja að vera vel undirbúinn andlega og líkamlega.

 

Ég sé ekki fram á að fara aftur til starfa hjá Strætó og harma ég það reyndar ekki.

Hjá því fyrirtæki er hvert göfugmennið af öðru og erfitt að taka nokkur nöfn út úr ef maður á að fara að þakka fyrir samveruna.

Hver er sjálfum sér næstur og vil ég því nefna nokkur nöfn yfir samstarfsfólk sem hefur óþreytandi að miðla samsarfsfólki okkar af þekkingu sinni af heilsufari mínu.

 

Þetta góða fólk hefur verið vakið og sofið yfir málefninu, óumbeðið.

 

Þau sem sérstakar þakkir fá eru:

Hallgrímur Pétur Gunnlaugsson, Sigríður Hilmarsdóttir, Linda Sæmundsdóttir, Ingunn Guðnadóttir, Áslaug Kristinsdóttir og síðast en ekki síst; Valdimar Jónsson.

 

Þetta fólk ber af hvar sem það kemur með einlægum áhuga á högum annarra og lætur ekkert tækifæri ónotað til að viðra áhugamál sín. Það liggur við að ég klökkni við að skrifa þetta

 

Eitt skil ég reyndar ekki. En það er hvernig í ósköpunum gátu þau talað svo mikið heilsufar mitt án þess nokkru sinni að spyrja mig álits 

 

Mér finnst verst ef einhver truflun verður á næstu vikum á samheldni þeirra og einlægum vilja til að láta gott af sér leiða.