Ykkar framtak. Mínar þakkir.

Það hefur borið á því að undanförnu að Morgunblaðið mitt hefur átt fleiri aðdáendur en mig hér í fámennum stigaganginum. Stundum hef ég gripið í tómt þegar ég hef staulast fullur tilhlökkunar niður stigann til fundar við fróðleikinn.

Árvökular stúlkurnar hjá Mogga virðast vorkenna mér tómgripin og sendu mér því rétt áðan eintakið mitt fallega innpakkað og merkt mér svo vandlega að jafnvel lesblindir geta séð að þeir eiga ekki akkúrat þetta eintak Morgunblaðsins, heldur karlinn uppi til hægri.

Ykkar framtak. Mínar þakkir.