Læknafóbía?

Ég hef að undanförnu vermt bekki á biðstofum lækna og hef haft upp úr krafsinu tvo uppskurði sem fyrirhugaðir eru á næstunni.
Ég mætti lækni á götu sem var hátíðlegur í fasi og runnu á mig tvær grímur; sá hann mig feigan eða var eitthvað skárra í stöðunni?

Á heimleiðinni tautaði ég fyrir munni mér:

Í dag fór læknir að þéra mig,
mér fannst það þó ekki gera sig,
Því framkoman flá,
ég fljótlega sá
að hann langaði bara að skera mig.