Flökurleikanum haldið við

Að semja við fólk um rekstur fyrir Reykjavíkurborg sem hefur fengið milljarða afskrifaða af dellufjárfestingu er ekki alveg samkvæmt mínum kokkabókum.

Milljarðaafskriftir lenda bara á almenningi sem þarf að strita meira og skera heimilistilkostnaðinn enn frekar niður.

Oft hefur manni orðið flökurt á sukkinu í kringum fjármálahrunið í hinum vestræna heimi, en að borgarstjórn skuli viðhalda flökurleikanum er ekki boðlegt.

Breiðhyltingar fá líkamsræktarstöð

Athugasemdir

[Sigurður Haraldsson, 7.2.2014 kl. 12:03]

Hvað eigum við að gera í þessu Heimir? Svo augljóst fyrir mér að tárum tekur.

[Sigurbjörg Eiríksdóttir, 7.2.2014 kl. 18:41]

Ef ég byggi í borginni þá væri ég öskureið. Finnst reyndar höfuðborgin hafa látið undan síga. Gras er ekki slegið á sumrin og klakabunkar ekki fjarlægðir á vetrum. En þá eru sýndartilþrifin mest. Opna þetta og hitt og skjalla eitthvað annað. Allt til að komast undan raunveruleikanum. En þetta er bara mitt álit :(

[Heimir Lárusson Fjeldsted, 8.2.2014 kl. 02:51]

Sigurður, mér finnst að mikil endurnýjun þurfi að verða í borgarstjórn Reykjavíkur. Að semja um rekstur við fólk sem hefur slengt milljarða skuldabagga á herðar þjóðinni er ófyrirgefanlegt.

[Heimir Lárusson Fjeldsted, 8.2.2014 kl. 02:56]

Silla, stjórn borgarinnar er í skötulíki, eina framtíðarsýnin er að þrengja sem mest að umferðinni, svo borgarfulltrúar geti hjólað sem hraðast á milli funda þar sem þeir leggja á ráðin um að leggja niður fiskvinnslu í Örfirisey til að skapa rými fyrir fjármagnssjóði að skipulegga íbúðabyggð og að koma flugvellinum burt til að sömu mógúlar geti byggt rándýra íbúðir á landi sem þjónar landinu sem heild á einkar hagkvæman hátt.

Dekur þessa fólks við auðhringi er andstyggilegt.