Klámhundar á kaffihúsi.

Ég fór á kaffihús um daginn eins og svo margir gera hér á landi. Líklega verður þetta í síðasta sinn sem ég sæki þetta kaffihús því á næst næsta borði við mig, vinstra megin sátu fimm útlendingar við kaffi og koníaksdrykkju og ég get svarið það að þeir voru að klæmast.
Að vísu heyrði ég ekki vel orðaskil en heyrði þó orðið "porno" offt bera á góma hjá þeim og var enginn þessara klámfengnu útlendinga undanskilinn.

Hvað eftir annað gekk þjónustustúlkan framhjá borðinu og það gat ekki farið framhjá henni hvað þarna var á ferð, en hún aðhafðist ekkert. Ekki nokkurn skapaðan hlut.

Nú vil ég fara þess á leit við ríkisstjórn og borgarstjórn að svo fljótt sem auðið er verði skipuð sveit eftirlitsmanna sem fari dulbúin á okkar helstu kaffihús og veitingastaði svo ekki sé talað um hótel með upptökutæki og ekki síst heimild til að handtaka hvern þann útlending sem dirfist að tala svo ógætilega hér á landi að til kláms geti talist.
Viðkomandi yrði þegar í stað hnepptur í gæsluvarðhald án dómsúrskurðar (nægjanlegt að leita álits og samþykkis Femínistafélagsins) þar til honum yrði vísað úr landi og fengi aldrei leyfi til að koma hingað aftur.

Ég hef mun feiri tillögur gegn svona svívirðingu handbærar og geri ráð fyrir að mér verði falin yfirumsjón með klámpólitíinu.
Virðingarfyllst,
Heimir.

Klámframleiðendur ætla að leita lögfræðiaðstoðar vegna fjárhagslegs tjóns

Athugasemdir

[Einar Örn (IP-tala skráð) 23.2.2007 kl. 20:09]

Ætli einn þeirra hafi ekki skorað hjá 2 íslenskum snótum kvöldið áður og var að deila því með vinum sínum. Lauslæti íslenskra kvenna er löngu orðið heimsfrægt.

[Heimir Lárusson Fjeldsted, 23.2.2007 kl. 20:27]

Ég reyni að láta Femínistafélagið ekki sjá svarið.