Alræðisvaldið við Hjarðarhagann

Að mörgu leyti er skynsamlegt hjá Jóhönnu Sigurðardóttur að koma Þóru Arnórsdóttur í embætti forseta Íslands. Hún hefur komið böndum á alla helstu áhrifamenn vinstrihreyfingarinnar grænt framboð, sömuleiðis náð að innlima Hreyfinguna í stuðningslið sitt með húð og hári, en eftir stendur grákollurinn á Bessastöðum upp í hárinu á henni.

Jóhanna getur ekki með góðu móti stýrt þjóðinni að eigin geðþótta svo sem skuldbundið hana til að greiða margföld fjárlög til útlendra gróðapunga í skjóli meintra Icesaveskulda, ekki komið þjóðinni í evrópusambandið möglunarlaust og ekki haldið þjóðinni í miklu atvinnu- og aðgerðarleysi eins og hugur hennar og Steingríms Jóhanns stendur til.

Grákollurinn, gamli komminn á Bessastöðum tók upp á því að standa með þjóðinni á úrslitastundu eins og til að kvitta fyrir syndir sínar með stuðningi sínum og embættisins við uppivöðslu svokallaðra útrásarvíkinga. 

Nú er svo komið að annaðhvort heldur Ólafur Ragnar Grímsson velli og heldur þá aftur af alræðistilhneigingum Hjarðarhagafrúarinnar, eða hin íðilfagra og heillandi sjónvarpskona Þóra Arnórsdóttir gerist handlangari Jóhönnu Sigurðardóttur.

Okkar er valið. 

Segir Jóhönnu í herferð gegn sér