Lík í lestinni

Besti flokkurinn fengi meirihluta í borgarstjórn Reykjavíkur væri kosið í dag. Sem betur fer eru enn nokkrir dagar til kosninga og von til þess að kjósendur taki sönsum.

Gömlu flokkarnir eru allir með lík í lestinni, minn flokkur Sjálfstæðisflokkurinn er ekki undanskilinn, hvorki í landsmálapólitíkinni né í borgarstjórnarhópnum.

Þessir menn vita hvað til þeirrar friðar heyrir og mega skammast sín fyrir að draga flokkinn niður í spillingarsvaðið með sér.

Eini frambjóðandinn sem getur gagnast Reykvíkingum sem borgarstjóri, Hanna Birna Kristjánsdóttir á það ekki skilið að samflokksmenn hennar verði þess valdandi að hún verði óbreyttur borgarfulltrúi.

Þið sem þáðuð stóru styrkina hafið valdið óbreyttum flokksmönnum vonbrigðum. 

Besti flokkurinn með 8 fulltrúa?

Athugasemdir

[Kolbrún Hilmars, 21.5.2010 kl. 21:22]

Heimir, þarna er ég sammála þér. Það er verulega ósanngjarnt að hæfasti borgarfulltrúinn og/eða borgarstjóraefnið þurfi að gjalda landsmálanna. En eins og þú segir; flokknum hennar var nær!

[Anna Sigríður Guðmundsdóttir, 21.5.2010 kl. 21:52]

Held að Hanna Birna sé ágætis manneskja, en hún tilheyrir þjófa-spillingar-flokki.

Ef hún vill eiga möguleika verður hún að yfirgefa ráns-flokkinn S.

Þannig er það með unga fólkið sem lendir í slæmum félags-skap. Þeir verða að yfirgefa slæma klíku-félags-skapinn ef þeir eiga að hafa einhverja viðreisnar-von? M.b.kv.

[Sigurbjörg Eiríksdóttir, 21.5.2010 kl. 22:16]

Anna Sigríður. Það dæmast allir þessir 4-flokkar jafnt..Sé ekki nákvæmlega af hverju við þurfum að skipta um stafi! Eigum við bara ekki að vera dómbær um fólkið sem býður sig fram í dag.

[Hörður B Hjartarson, 22.5.2010 kl. 00:18]

    Þú reytir af þér brandarana Heimir - Hanna BIrna !

    En ég er þér þó sammála um FL - flokkinn og alla hina sem þáðu sponsurnar "smáu", þeir þurfa að fá ráðningu - sem kallast RASSSKELLING .

[Einhver Ágúst, 22.5.2010 kl. 02:56]

Vertu velkominn í gleðina og ljósið Heimir, kíktu við í kaffi og kökur kl 13 á morgunn í Aðalstræti 9 og sjáu hvort við séum ekki bara ágætisgrey sem nú stöndum í þessari baráttu allt að því peningalaus og á kraftinum einum saman...ég var að klár að baka himneskar brownie súkkulaðikökur....góða nótt

[Ólafur Ingi Hrólfsson, 22.5.2010 kl. 09:36]

Sylvía Nótt í Eurovision er Jón Gnarr kosninganna - hefst með stæl og endar með hruni - en þetta hrun mun vara í 4 ár.

Eurovision gerði það ekki. Við urðum aðhlátursefni þá - góðlátlegt grín enda ekki mikið í húfi - - alvaran er hinsvegar núna -

[Einhver Ágúst, 22.5.2010 kl. 10:19]

Mér finnst nú svo traustvekjandi hvað við erum að nota brot af þeim peningum sem hinir flokkarnir hafa til ráðstöfunar, gefur það ykkur ekki hugmynd um ráðdeild í peningamálum og kraftmikið fólk sem framkvæmir?

[Sigurbjörg Eiríksdóttir, 22.5.2010 kl. 21:50]

Já Ágúst..Gott hjá ykkur að bruðla ekki eins og svona 2007..En fyrr eða síðar kemur að því að fólk vill laun fyrir vinnu sína! Líka þið skemmtarar! Það lifa fáir á loftinu. Verið þið bara heiðarlegir!

[Einhver Ágúst, 23.5.2010 kl. 02:05]

Það er það eina sem við höfum, heiðarleika, vinnusemi og húmor. Takk Sigurbjörg og þið öll. Ég er þreyttur núna...góða nótt.